ಬೆಂಗಳೂರು: ಕೋವಿಡ್ -19 ಹಿನ್ನೆಲೆಯಲ್ಲಿ ಮಲ್ಲೇಶ್ವರ, ಅರಮನೆ ನಗರ, ಮತ್ತಿಕೆರೆ ವಾರ್ಡ್‌ಗಳಲ್ಲಿ ಪಾಲಿಕೆ ವತಿಯಿಂದ ನಡೆಯುತ್ತಿರುವ ಔಷಧ ಸಿಂಪಡಣೆ ಕಾರ್ಯವನ್ನು ಉಪಮುಖ್ಯಮಂತ್ರಿ ಡಾ. ಸಿ ಎನ್ ಅಶ್ವತ್ಥನಾರಾಯಣ ಅವರು ಸೋಮವಾರ ಪರಿಶೀಲಿಸಿದರು.
ಈ ಪ್ರದೇಶದಲ್ಲಿ ಪ್ರತಿ ದಿನ ಔಷಧಸಿಂಪಡಣೆ ಕಾರ್ಯ ನಡೆಯತ್ತಿದ್ದು, ಈ ಕುರಿತು ಅಧಿಕಾರಿಗಳು, ಪಾಲಿಕೆ ಸದಸ್ಯರು ಹಾಗೂ ಸ್ಥಳೀಯರೊಂದಿಗೆ ಮಾತುಕತೆ ನಡೆಸಿ ಅವರು ಮಾಹಿತಿ ಪಡೆದುಕೊಂಡರು.
ಅರಮನೆ ನಗರದ ಪಾಲಿಕೆ ಸದಸ್ಯೆ ಬಿ.ಸುಮಂಗಲ, ಮತ್ತಿಕೆರೆಯ ಪಾಲಿಕೆ ಸದಸ್ಯ ಎಂ.ಸಿ. ಜಯಪ್ರಕಾಶ್, ಮಲ್ಲೇಶ್ವರದ ಪಾಲಿಕೆ ಸದಸ್ಯ ಎನ್.ಜಯಪಾಲ ಉಪಸ್ಥಿತಿರಿದ್ದರು.
ಪಡಿತರ ವಿತರಣೆ
ಮಲ್ಲೇಶ್ವರ ವಿಧಾನಸಭಾ ಕ್ಷೇತ್ರದ ವಿವಿಧ ವಾರ್ಡ್‌ಗಳಿಗೆ ಭೇಟಿ ನೀಡಿದ ಡಾ. ಅಶ್ವತ್ಥನಾರಾಯಣ ಅವರು ಕೂಲಿ ಕಾರ್ಮಿಕರು, ನಿರಾಶ್ರಿತರಿಗೆ ಪಡಿತರ ವಿತರಣೆ ಮಾಡಿ, ಕುಂದುಕೊರತೆ ಆಲಿಸಿದರು.
ಪಡಿತರ ಚೀಟಿ ಇಲ್ಲದವರಿಗೂ ಪಡಿತರ ವಿತರಣೆ ಮಾಡಬೇಕೆಂಬ ರಾಜ್ಯ ಸರ್ಕಾರದ ಆದೇಶ ಪಾಲನೆ ಸಂಬಂಧ ಅಧಿಕಾರಿಗಳೊಂದಿಗೆ ಚರ್ಚಿಸಿದರು.
