<p><strong>ಬೆಂಗಳೂರು:</strong> ಕೊರೊನಾ ಪೀಡಿತರಿಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯಕೀಯ ಸಿಬ್ಬಂದಿಗೆ ಸೋಂಕಿನಿಂದ ರಕ್ಷಣೆ ಪಡೆಯಲು ‘ಫೇಸ್ಶೀಲ್ಡ್’ ಎಂಬ ರಕ್ಷಣಾ ಕವಚವನ್ನುದಯಾನಂದ್ ಸಾಗರ್ ವಿಶ್ವವಿದ್ಯಾಲಯದ (ಡಿಎಸ್ಯು) ಪ್ರಾಧ್ಯಾಪಕರು ಮತ್ತು ವಿದ್ಯಾರ್ಥಿಗಳು ವಿನ್ಯಾಸಗೊಳಿಸಿದ್ದಾರೆ.</p>.<p>ಕೋವಿಡ್–19 ವೈರಾಣು ಕಣ್ಣು, ಮೂಗು ಮತ್ತು ಬಾಯಿ ಪ್ರವೇಶಿಸದಂತೆ ತಡೆಯುವ ಸಾಮರ್ಥ್ಯ ಹೊಂದಿದೆ.ಸೋಂಕು ತಡೆಯಲು ಉಪಯೋಗಿಸುತ್ತಿರುವ ಮಾಸ್ಕ್ಗಿಂತಲೂಫೇಸ್ಶೀಲ್ಡ್ ಹೆಚ್ಚು ಸುರಕ್ಷಿತವಾಗಿದೆ. ಉಸಿರಾಡಲು ಕಷ್ಟವಾಗುವುದಿಲ್ಲಎನ್ನುತ್ತಾರೆ ವಿನ್ಯಾಸಕರು.</p>.<p>ವೈದ್ಯಕೀಯ ಸಿಬ್ಬಂದಿ ಮಾತ್ರವಲ್ಲ ಜನಸಾಮಾನ್ಯರು ಕೂಡ ಮಾಸ್ಕ್ ಬದಲು ಕೊರೊನಾ ಸೋಂಕಿನಿಂದ ರಕ್ಷಿಸಿಕೊಳ್ಳಲು ಈಫೇಸ್ಶೀಲ್ಡ್ ಬಳಸಬಹುದು.ಈಗಾಗಲೇಮಾರ್ಚ್ 28ರಂದು ಪ್ರಯೋಗಾಲಯದಿಂದ ಮೊದಲ ಉತ್ಪನ್ನ ಹೊರಬಂದಿದ್ದು, ಪ್ರಾಯೋಗಿಕವಾಗಿ ಉಪಯೋಗಿಸಲಾಗುತ್ತಿದೆ.</p>.<p>ಡಿಎಸ್ಯುನ ಇನೊವೇಶನ್ ಲ್ಯಾಬ್ನಲ್ಲಿ ಆಟೊಡೆಸ್ಕ್ ಡಿಸೈನ್ ಮತ್ತು ಇನೊವೇಶನ್ ಸೆಂಟರ್ ತಜ್ಞರು ಇದನ್ನು ಅಭಿವೃದ್ಧಿಪಡಿಸಿದ್ದಾರೆ. ಈಗಾಗಲೇ ಫೇಸ್ಶೀಲ್ಡ್ 3ಡಿ ಮುದ್ರಣ ಮಾದರಿಯನ್ನು ಮೌಲ್ಯಮಾಪನಕ್ಕಾಗಿ ವೈದ್ಯರಿಗೆ ನೀಡಲಾಗಿದೆ. ಅವರ ಸಲಹೆ, ಸೂಚನೆ ಆಧರಿಸಿಸೂಕ್ತ ಮಾರ್ಪಾಡು ಮಾಡಲು ತಂಡ ನಿರ್ಧರಿಸಿದೆ.</p>.<p>‘ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಅನುಮೋದನೆಗಾಗಿ ಕಾಯುತ್ತಿದ್ದು, ಅನುಮೋದನೆ ದೊರೆತರೆ ಸಾಮೂಹಿಕ ಉತ್ಪಾದನೆಗೆ ತಂತ್ರಜ್ಞಾನ ಹಂಚಿಕೊಳ್ಳಲಾಗುವುದು’ ಎಂದು ಆಟೊಡೆಸ್ಕ್ ವಿನ್ಯಾಸ ಮತ್ತು ಇನೊವೇಶನ್ ಕೇಂದ್ರದ ವ್ಯವಸ್ಥಾಪಕ ವಿನಾಯಕ ಕೆ. ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ಕೊರೊನಾ ತಡೆಯಲು ಜನಸಾಮಾನ್ಯರ ಕೈಗೆಟಕುವ ದರದಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಯೋಚನೆ ಕೂಡ ಇದೆ ಎಂದರು.</p>.<p>ಡಿಎಸ್ಯು ಏರೊಸ್ಪೇಸ್ ಎಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕ ಡಾ. ಸೂರ್ಯನಾರಾಯಣ ಹಾಗೂ ಆಟೊಮೊಬೈಲ್ ಎಂಜಿನಿಯರಿಂಗ್ ವಿದ್ಯಾರ್ಥಿಅಜೇಯ್ ಪಿ. ಈ ಸಾಧನದ ಅಭಿವೃದ್ಧಿಯಲ್ಲಿ ಕೈಜೋಡಿಸಿದ್ದಾರೆ.</p>.<p><strong>ಡಿಟ್ಯಾಚೆಬಲ್ ಆಗಿದ್ದು, ಬಳಸುವುದು ಸುಲಭ</strong></p>.<p>ಫ್ಯೂಸ್ಟ್ ಡಿಪಾಸಿಷನ್ ಮಾಡೆಲಿಂಗ್ (ಎಫ್ಡಿಎಂ) ಎಂಬ 3ಡಿ ತಂತ್ರಜ್ಞಾನದ ನೆರವಿನಿಂದ ಥರ್ಮೋಪ್ಲಾಸ್ಟಿಕ್ ಮತ್ತುಪಾಲಿಲ್ಯಾಕ್ಟಿಕ್ ಆ್ಯಸಿಡ್ (ಪಿಎಲ್ಎ) ರಾಸಾಯನಿಕ ವಸ್ತುಗಳನ್ನು ಬಳಸಿಫೇಸ್ಶೀಲ್ಡ್ ಫೈಬರ್ ಗಾಜು ಮತ್ತು ಹೆಡ್ಗೇರ್ ತಯಾರಿಸಲಾಗಿದೆ.</p>.<p>ಇದು ಸಂಪೂರ್ಣ ಡಿಟ್ಯಾಚೆಬಲ್ ಆಗಿದ್ದು, ಬಳಕೆಯ ನಂತರ ಹೆಡ್ಗೇರ್ಗೆ ಅಳವಡಿಸಬಹುದಾದ ಪಾರದರ್ಶಕಫೈಬರ್ ಗಾಜುಗಳನ್ನು ಸುಲಭವಾಗಿ ಬದಲಾಯಿಸಬಹುದು.</p>.<p>ಗಲಭೆ ನಿಯಂತ್ರಿಸುವಾಗ ಪೊಲೀಸರು ಕಲ್ಲೇಟು ಮತ್ತು ಅಶ್ರುವಾಯುವಿನಿಂದ ಮುಖವನ್ನು ರಕ್ಷಿಸಿಕೊಳ್ಳಲು ಹೆಲ್ಮೆಟ್ ಜೊತೆ ಬಳಸುವ ಪಾರದರ್ಶಕ ಗಾಜಿನಂತೆಯೇ ಇದು ಕಾಣುತ್ತದೆ.</p>.<p>ಮುಂದೆಲೆಗೆ ಸುಲಭವಾಗಿ ಸಿಕ್ಕಿಸಿಕೊಳ್ಳಬಹುದಾದ (ಹೇರ್ಬ್ಯಾಂಡ್) ಹೆಡ್ಗೇರ್ಗೆ ಪಾರದರ್ಶಕ ಮತ್ತು ಹಗುರವಾದ ಫೈಬರ್ ಗಾಜು ಅಳವಡಿಸಲಾಗಿದೆ. ಈ ಗಾಜುಗಳನ್ನು ಬೇಕಾದಾಗ ಬದಲಾಯಿಸಬಹುದು. ಇದನ್ನು ಬಳಸುವುದು ಕೂಡ ಅತ್ಯಂತ ಸರಳ ಮತ್ತು ಸುಲಭ.</p>.<p>***</p>.<p>ಕೊರೊನಾ ಪೀಡಿತರಿಗೆ ಚಿಕಿತ್ಸೆ ನೀಡುವ ವೇಳೆ ಸೋಂಕು ತಗುಲುವ ಅಪಾಯ ಎದುರಿಸುವ ವೈದ್ಯಕೀಯ ಸಿಬ್ಬಂದಿಗಾಗಿ ಈ ಸಾಧನ ತಯಾರಿಸಲಾಗಿದೆ.</p>.<p><strong>- ವಿನಾಯಕ ಕೆ., ಡಿಎಸ್ಯು</strong></p>.<p>***</p>.<p>ಸೋಂಕು ಹರಡುವುದನ್ನು ನಿಯಂತ್ರಿಸಲು ಸಾಧ್ಯವಿರುವ ಎಲ್ಲ ಪರಿಹಾರ ಮಾರ್ಗಗಳನ್ನು ಕಂಡುಕೊಳ್ಳಬೇಕಿದೆ. ಆ ನಿಟ್ಟಿನಲ್ಲಿ ಈ ಫೇಸ್ಶೀಲ್ಡ್ ಅಭಿವೃದ್ಧಿಪಡಿಸಲಾಗಿದೆ.</p>.<p><strong>-ಡಾ. ಸೂರ್ಯನಾರಾಯಣ, ಡಿಎಸ್ಯು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಕೊರೊನಾ ಪೀಡಿತರಿಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯಕೀಯ ಸಿಬ್ಬಂದಿಗೆ ಸೋಂಕಿನಿಂದ ರಕ್ಷಣೆ ಪಡೆಯಲು ‘ಫೇಸ್ಶೀಲ್ಡ್’ ಎಂಬ ರಕ್ಷಣಾ ಕವಚವನ್ನುದಯಾನಂದ್ ಸಾಗರ್ ವಿಶ್ವವಿದ್ಯಾಲಯದ (ಡಿಎಸ್ಯು) ಪ್ರಾಧ್ಯಾಪಕರು ಮತ್ತು ವಿದ್ಯಾರ್ಥಿಗಳು ವಿನ್ಯಾಸಗೊಳಿಸಿದ್ದಾರೆ.</p>.<p>ಕೋವಿಡ್–19 ವೈರಾಣು ಕಣ್ಣು, ಮೂಗು ಮತ್ತು ಬಾಯಿ ಪ್ರವೇಶಿಸದಂತೆ ತಡೆಯುವ ಸಾಮರ್ಥ್ಯ ಹೊಂದಿದೆ.ಸೋಂಕು ತಡೆಯಲು ಉಪಯೋಗಿಸುತ್ತಿರುವ ಮಾಸ್ಕ್ಗಿಂತಲೂಫೇಸ್ಶೀಲ್ಡ್ ಹೆಚ್ಚು ಸುರಕ್ಷಿತವಾಗಿದೆ. ಉಸಿರಾಡಲು ಕಷ್ಟವಾಗುವುದಿಲ್ಲಎನ್ನುತ್ತಾರೆ ವಿನ್ಯಾಸಕರು.</p>.<p>ವೈದ್ಯಕೀಯ ಸಿಬ್ಬಂದಿ ಮಾತ್ರವಲ್ಲ ಜನಸಾಮಾನ್ಯರು ಕೂಡ ಮಾಸ್ಕ್ ಬದಲು ಕೊರೊನಾ ಸೋಂಕಿನಿಂದ ರಕ್ಷಿಸಿಕೊಳ್ಳಲು ಈಫೇಸ್ಶೀಲ್ಡ್ ಬಳಸಬಹುದು.ಈಗಾಗಲೇಮಾರ್ಚ್ 28ರಂದು ಪ್ರಯೋಗಾಲಯದಿಂದ ಮೊದಲ ಉತ್ಪನ್ನ ಹೊರಬಂದಿದ್ದು, ಪ್ರಾಯೋಗಿಕವಾಗಿ ಉಪಯೋಗಿಸಲಾಗುತ್ತಿದೆ.</p>.<p>ಡಿಎಸ್ಯುನ ಇನೊವೇಶನ್ ಲ್ಯಾಬ್ನಲ್ಲಿ ಆಟೊಡೆಸ್ಕ್ ಡಿಸೈನ್ ಮತ್ತು ಇನೊವೇಶನ್ ಸೆಂಟರ್ ತಜ್ಞರು ಇದನ್ನು ಅಭಿವೃದ್ಧಿಪಡಿಸಿದ್ದಾರೆ. ಈಗಾಗಲೇ ಫೇಸ್ಶೀಲ್ಡ್ 3ಡಿ ಮುದ್ರಣ ಮಾದರಿಯನ್ನು ಮೌಲ್ಯಮಾಪನಕ್ಕಾಗಿ ವೈದ್ಯರಿಗೆ ನೀಡಲಾಗಿದೆ. ಅವರ ಸಲಹೆ, ಸೂಚನೆ ಆಧರಿಸಿಸೂಕ್ತ ಮಾರ್ಪಾಡು ಮಾಡಲು ತಂಡ ನಿರ್ಧರಿಸಿದೆ.</p>.<p>‘ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಅನುಮೋದನೆಗಾಗಿ ಕಾಯುತ್ತಿದ್ದು, ಅನುಮೋದನೆ ದೊರೆತರೆ ಸಾಮೂಹಿಕ ಉತ್ಪಾದನೆಗೆ ತಂತ್ರಜ್ಞಾನ ಹಂಚಿಕೊಳ್ಳಲಾಗುವುದು’ ಎಂದು ಆಟೊಡೆಸ್ಕ್ ವಿನ್ಯಾಸ ಮತ್ತು ಇನೊವೇಶನ್ ಕೇಂದ್ರದ ವ್ಯವಸ್ಥಾಪಕ ವಿನಾಯಕ ಕೆ. ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ಕೊರೊನಾ ತಡೆಯಲು ಜನಸಾಮಾನ್ಯರ ಕೈಗೆಟಕುವ ದರದಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಯೋಚನೆ ಕೂಡ ಇದೆ ಎಂದರು.</p>.<p>ಡಿಎಸ್ಯು ಏರೊಸ್ಪೇಸ್ ಎಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕ ಡಾ. ಸೂರ್ಯನಾರಾಯಣ ಹಾಗೂ ಆಟೊಮೊಬೈಲ್ ಎಂಜಿನಿಯರಿಂಗ್ ವಿದ್ಯಾರ್ಥಿಅಜೇಯ್ ಪಿ. ಈ ಸಾಧನದ ಅಭಿವೃದ್ಧಿಯಲ್ಲಿ ಕೈಜೋಡಿಸಿದ್ದಾರೆ.</p>.<p><strong>ಡಿಟ್ಯಾಚೆಬಲ್ ಆಗಿದ್ದು, ಬಳಸುವುದು ಸುಲಭ</strong></p>.<p>ಫ್ಯೂಸ್ಟ್ ಡಿಪಾಸಿಷನ್ ಮಾಡೆಲಿಂಗ್ (ಎಫ್ಡಿಎಂ) ಎಂಬ 3ಡಿ ತಂತ್ರಜ್ಞಾನದ ನೆರವಿನಿಂದ ಥರ್ಮೋಪ್ಲಾಸ್ಟಿಕ್ ಮತ್ತುಪಾಲಿಲ್ಯಾಕ್ಟಿಕ್ ಆ್ಯಸಿಡ್ (ಪಿಎಲ್ಎ) ರಾಸಾಯನಿಕ ವಸ್ತುಗಳನ್ನು ಬಳಸಿಫೇಸ್ಶೀಲ್ಡ್ ಫೈಬರ್ ಗಾಜು ಮತ್ತು ಹೆಡ್ಗೇರ್ ತಯಾರಿಸಲಾಗಿದೆ.</p>.<p>ಇದು ಸಂಪೂರ್ಣ ಡಿಟ್ಯಾಚೆಬಲ್ ಆಗಿದ್ದು, ಬಳಕೆಯ ನಂತರ ಹೆಡ್ಗೇರ್ಗೆ ಅಳವಡಿಸಬಹುದಾದ ಪಾರದರ್ಶಕಫೈಬರ್ ಗಾಜುಗಳನ್ನು ಸುಲಭವಾಗಿ ಬದಲಾಯಿಸಬಹುದು.</p>.<p>ಗಲಭೆ ನಿಯಂತ್ರಿಸುವಾಗ ಪೊಲೀಸರು ಕಲ್ಲೇಟು ಮತ್ತು ಅಶ್ರುವಾಯುವಿನಿಂದ ಮುಖವನ್ನು ರಕ್ಷಿಸಿಕೊಳ್ಳಲು ಹೆಲ್ಮೆಟ್ ಜೊತೆ ಬಳಸುವ ಪಾರದರ್ಶಕ ಗಾಜಿನಂತೆಯೇ ಇದು ಕಾಣುತ್ತದೆ.</p>.<p>ಮುಂದೆಲೆಗೆ ಸುಲಭವಾಗಿ ಸಿಕ್ಕಿಸಿಕೊಳ್ಳಬಹುದಾದ (ಹೇರ್ಬ್ಯಾಂಡ್) ಹೆಡ್ಗೇರ್ಗೆ ಪಾರದರ್ಶಕ ಮತ್ತು ಹಗುರವಾದ ಫೈಬರ್ ಗಾಜು ಅಳವಡಿಸಲಾಗಿದೆ. ಈ ಗಾಜುಗಳನ್ನು ಬೇಕಾದಾಗ ಬದಲಾಯಿಸಬಹುದು. ಇದನ್ನು ಬಳಸುವುದು ಕೂಡ ಅತ್ಯಂತ ಸರಳ ಮತ್ತು ಸುಲಭ.</p>.<p>***</p>.<p>ಕೊರೊನಾ ಪೀಡಿತರಿಗೆ ಚಿಕಿತ್ಸೆ ನೀಡುವ ವೇಳೆ ಸೋಂಕು ತಗುಲುವ ಅಪಾಯ ಎದುರಿಸುವ ವೈದ್ಯಕೀಯ ಸಿಬ್ಬಂದಿಗಾಗಿ ಈ ಸಾಧನ ತಯಾರಿಸಲಾಗಿದೆ.</p>.<p><strong>- ವಿನಾಯಕ ಕೆ., ಡಿಎಸ್ಯು</strong></p>.<p>***</p>.<p>ಸೋಂಕು ಹರಡುವುದನ್ನು ನಿಯಂತ್ರಿಸಲು ಸಾಧ್ಯವಿರುವ ಎಲ್ಲ ಪರಿಹಾರ ಮಾರ್ಗಗಳನ್ನು ಕಂಡುಕೊಳ್ಳಬೇಕಿದೆ. ಆ ನಿಟ್ಟಿನಲ್ಲಿ ಈ ಫೇಸ್ಶೀಲ್ಡ್ ಅಭಿವೃದ್ಧಿಪಡಿಸಲಾಗಿದೆ.</p>.<p><strong>-ಡಾ. ಸೂರ್ಯನಾರಾಯಣ, ಡಿಎಸ್ಯು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>