ವಹಿವಾಟಿಗೆ ಸಜ್ಜಾಗಿದೆ ಜಯನಗರ ಕಾಂಪ್ಲೆಕ್ಸ್

ನೆಲಮಹಡಿ, ಒಂದನೇ ಮತ್ತು ಎರಡನೇ ಮಹಡಿಯಲ್ಲಿ ತರಕಾರಿ ಮತ್ತು ಹಣ್ಣು ವ್ಯಾಪಾರದ 142 ಅಂಗಡಿಗಳಿವೆ. ಮೂರನೇ ಅಂತಸ್ತಿನಲ್ಲಿ ಸಗಟು ವ್ಯಾಪಾರದ 14 ಅಂಗಡಿ, 2 ತರಕಾರಿ ಮಳಿಗೆಗಳು, ನಾಲ್ಕು ಮತ್ತು ಐದನೇ ಮಹಡಿಗಳಲ್ಲಿ ಜನತಾ ಬಜಾರ್, ಆರನೇ ಮಹಡಿಯನ್ನು ಕೆನರಾ ಬ್ಯಾಂಕ್‌ಗೆ ಮೀಸಲಿಡಲಾಗಿದೆ.

ಏನೇನು ವ್ಯವಸ್ಥೆಗಳಿವೆ?: ನೆಲಮಾಳಿಗೆಯಲ್ಲಿ ಶೈತ್ಯಾಗಾರ ಹಾಗೂ 750ಕ್ಕೂ ಹೆಚ್ಚು ಕಾರುಗಳನ್ನು ನಿಲ್ಲಿಸುವ ಸೌಕರ್ಯ. ಜೊತೆಗೆ ದ್ವಿಚಕ್ರ ವಾಹನಗಳನ್ನು ನಿಲ್ಲಿಸುವ ವ್ಯವಸ್ತೆ ಮಾಡಲಾಗಿದೆ. ಪ್ರತ್ಯೇಕ ಸ್ವಚ್ಚ ಶೌಚಾಲಯ, ಲಿಫ್ಟ್ ವ್ಯವಸ್ಥೆ ಒದಗಿಸಲಾಗಿದೆ. ಕಟ್ಟಡದ ಸುತ್ತಲೂ ಹಾಗೂ ಒಳಗೆ ಎಲ್ಲೆಡೆ ಸಿಸಿ ಕೆಮೆರಾಗಳನ್ನು ಅಳವಡಿಸಲಾಗಿದೆ. ಗಾಳಿ, ಬೆಳಕು, ಕುಡಿಯುವ ನೀರು ಮುಂತಾದ ವ್ಯವಸ್ಥೆಗಳಿವೆ. ವೃದ್ಧರು, ಮಕ್ಕಳು, ಮಹಿಳೆಯರು ಮತ್ತು ಅಂಗವಿಕಲರ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಕಟ್ಟಡದ ವಿನ್ಯಾಸ ಮಾಡಲಾಗಿದೆ. ಮಲ್ಟಿಫ್ಲೆಕ್ಸ್‌ ಒಳಗೊಂಡ ಮಾಲ್ ರೀತಿಯ ವಿನ್ಯಾಸವನ್ನು ಕಟ್ಟಡ ಒಳಗೊಂಡಿದೆ.

ಪುಟ್ಟಣ್ಣ ಕಣಗಾಲ್ ಚಿತ್ರಮಂದಿರ: 1985ರ ನವೆಂಬರ್ 27ರಂದು ಪುಟ್ಟಣ್ಣ ಕಣಗಾಲ್‌ ನಿರ್ದೇಶನದ ‘ಮಸಣದ ಹೂವು’ ಚಿತ್ರದ ಮೂಲಕ ಇಲ್ಲಿ ಪ್ರದರ್ಶನ ಆರಂಭವಾಗಿತ್ತು. ಪುಟ್ಟಣ್ಣನವರ ಶಿಷ್ಯ ಎಡಕಲ್ಲು ಗುಡ್ಡದ ಖ್ಯಾತಿಯ ಚಂದ್ರಶೇಖರ್ ನಿರ್ದೇಶನದ ‘ಪೂರ್ವಾಪರ’ ಈ ಚಿತ್ರಮಂದಿರದಲ್ಲಿ ಪ್ರದರ್ಶನ ಕಂಡ ಕಡೆಯ ಚಿತ್ರ. ಸದ್ಯ ತೆರವಾಗಿರುವ ಚಿತ್ರಮಂದಿರವನ್ನು ಎರಡನೇ ಹಂತದ ಕಾಮಗಾರಿಯ ಆರನೇ ಮಹಡಿಯಲ್ಲಿ ಆಧುನಿಕ ರೀತಿಯಲ್ಲಿ ಪುನರ್‌ ನಿರ್ಮಿಸಲಾಗುವುದು ಎನ್ನುತ್ತಾರೆ ಅಧಿಕಾರಿಗಳು.