ಸೆ.7ರಿಂದಲೇ ಮೆಟ್ರೊ ರೈಲು ಸೇವೆ ಆರಂಭವಾಗಿದ್ದರೂ ದಿನಕ್ಕೆ 6 ತಾಸು ಮಾತ್ರ ಸೇವೆ ನೀಡಲಾಗುತ್ತಿತ್ತು. ಶುಕ್ರವಾರ ಈ ಅವಧಿ ಹೆಚ್ಚಳವಾಗಿದ್ದರಿಂದಲೂ ಪ್ರಯಾಣಿಕರ ಸಂಖ್ಯೆ ಏರಲು ಕಾರಣವಾಗಿದೆ. ಒಬ್ಬ ಪ್ರಯಾಣಿಕ ಎರಡು–ಮೂರು ಬಾರಿ ಸಂಚರಿಸಿರುವುದೂ ಸೇರಿದಂತೆ ಈ ಸಂಖ್ಯೆ 29 ಸಾವಿರ ತಲುಪಿದೆ. ನೇರಳೆ ಮಾರ್ಗದಲ್ಲಿ ದಿನಕ್ಕೆ 6 ತಾಸು ರೈಲುಗಳ ಸಂಚಾರಕ್ಕೆ ಅವಕಾಶವಿದ್ದಾಗ ಮೊದಲ ದಿನ 3,770 ಜನ ಸಂಚರಿಸಿದ್ದರು. ಹಸಿರು ಮಾರ್ಗದಲ್ಲಿಯೂ ಸೀಮಿತ ಅವಧಿ ಯವರೆಗೆ ರೈಲುಗಳು ಸಂಚರಿಸಿದ್ದಾಗ, ಎರಡೂ ಮಾರ್ಗಗಳಲ್ಲಿ 6,500 ಜನಪ್ರಯಾಣಿಸಿದ್ದರು.
