ಐ.ಟಿ: 10 ಲಕ್ಷ ದಾಟಿದ ತಂತ್ರಜ್ಞರ ಸಂಖ್ಯೆ

ಬೆಂಗಳೂರು: ದೇಶದ ಮಾಹಿತಿ ತಂತ್ರಜ್ಞಾನ ಉದ್ದಿಮೆಯ ಇತಿಹಾಸದಲ್ಲಿ, ಮುಂಚೂಣಿ ಐದು ಸಂಸ್ಥೆಗಳಲ್ಲಿನ ಉದ್ಯೋಗಿಗಳ ಒಟ್ಟು ಸಂಖ್ಯೆಯು ಇದೇ ಮೊದಲ ಬಾರಿಗೆ 10 ಲಕ್ಷ ದಾಟಿದೆ.

. ಬೆಂಗಳೂರಿನ ಎರಡು ಸಂಸ್ಥೆಗಳೂ ಒಳಗೊಂಡಂತೆ, ಐ.ಟಿ ಕ್ಷೇತ್ರದ ಐದು ಪ್ರಮುಖ ಸಂಸ್ಥೆಗಳಲ್ಲಿನ ತಂತ್ರಜ್ಞರ ಸಂಖ್ಯೆಯು ಈ ವರ್ಷದ ಜೂನ್ 30ಕ್ಕೆ 10,13,112ಕ್ಕೆ ತಲುಪಿದೆ. ಟಿಸಿಎಸ್, ಇನ್ಫೊಸಿಸ್, ಎಚ್ಸಿಎಲ್, ವಿಪ್ರೊ ಮತ್ತು ಟೆಕ್ ಮಹೀಂದ್ರಾ ಸಂಸ್ಥೆಗಳು ಇತ್ತೀಚೆಗೆ ಹೊಸ ನೇಮಕಾತಿಗೆ ಆದ್ಯತೆ ನೀಡಿದ್ದರಿಂದ ಈ ದಾಖಲೆ ಸೃಷ್ಟಿಯಾಗಿದೆ.

. ಇದರಲ್ಲಿ ದೇಶದ ಅತಿದೊಡ್ಡ ಸಾಫ್ಟ್ವೇರ್ ರಫ್ತು ಸಂಸ್ಥೆಯಾಗಿರುವ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್) ಶೇ 39.6ರಷ್ಟು ಪಾಲು ಹೊಂದುವ ಮೂಲಕ ಮೊದಲ ಸ್ಥಾನದಲ್ಲಿ ಇದೆ. ನಂತರದ ಸ್ಥಾನದಲ್ಲಿ ಇನ್ಫೊಸಿಸ್ (ಶೇ 20.7) ಇದೆ. ಮೂರನೇ ಸ್ಥಾನದಲ್ಲಿ ವಿಪ್ರೊ ಇದ್ದರೆ, ಎಚ್ಸಿಎಲ್ ಟೆಕ್ನಾಲಜೀಸ್ (4) ಮತ್ತು ಟೆಕ್ ಮಹೀಂದ್ರಾ 5ನೇ ಸ್ಥಾನದಲ್ಲಿ ಇವೆ.

. ಗಮನಾರ್ಹ ಏರಿಕೆ: ಪ್ರಸಕ್ತ ಹಣಕಾಸು ವರ್ಷದ ಏಪ್ರಿಲ್– ಜೂನ್ ತ್ರೈಮಾಸಿಕ ಅವಧಿಯಲ್ಲಿ ಈ ಐದೂ ಸಂಸ್ಥೆಗಳು ಹೊಸದಾಗಿ 17,292 ತಂತ್ರಜ್ಞರನ್ನು ನೇಮಕ ಮಾಡಿಕೊಂಡಿವೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಐ.ಟಿ ಸಂಸ್ಥೆಗಳಲ್ಲಿನ ನೇಮಕಾತಿಯು ಹಿನ್ನಡೆ ಕಂಡಿತ್ತು. ಅದಕ್ಕೆ ಹೋಲಿಸಿದರೆ ಈ ಬಾರಿ ಹೊಸಬರ ನೇಮಕವು ಗಮನಾರ್ಹ ಏರಿಕೆ ಕಂಡಿದೆ.

. ಇನ್ಫೊಸಿಸ್ ವಿಷಯದಲ್ಲಿ ಹೊಸ ನೇಮಕಾತಿಯು ಶೇ 105ರಷ್ಟು ಹೆಚ್ಚಳಗೊಂಡಿದೆ. ಈ ತ್ರೈಮಾಸಿಕ ದಲ್ಲಿ ಸಂಸ್ಥೆಯು ನೇಮಕ ಮಾಡಿಕೊಂಡ ಸಿಬ್ಬಂದಿ ಸಂಖ್ಯೆ 5,798ಕ್ಕೆ ಏರಿದೆ. ಆದರೆ, ಸಂಸ್ಥೆ ಬಿಟ್ಟು ತೆರಳುವವರ ಸಂಖ್ಯೆ ಹೆಚ್ಚುತ್ತಿರುವುದು ಇನ್ಫೊಸಿಸ್ ಪಾಲಿಗೆ ಕಳವಳಕಾರಿ ಸಂಗತಿಯಾಗಿದೆ. ಈ ಅವಧಿಯಲ್ಲಿ ಈ ಸಂಖ್ಯೆ ಶೇ 20.6ರಷ್ಟಾಗಿದೆ. ಎರಡರಿಂದ ನಾಲ್ಕು ವರ್ಷಗಳ ಅನುಭವ ಹೊಂದಿದವರು ಹೆಚ್ಚಿನ ಸಂಖ್ಯೆಯಲ್ಲಿ ಸಂಸ್ಥೆ ತ್ಯಜಿಸುತ್ತಿದ್ದಾರೆ ಎಂದು ವಕ್ತಾರರು ತಿಳಿಸಿದ್ದಾರೆ.

. ಈ ಅವಧಿಯಲ್ಲಿ ಎಚ್ಸಿಎಲ್ ಟೆಕ್ನಾಲಜೀಸ್, 4,040 ತಂತ್ರಜ್ಞರನ್ನು ಹೊಸದಾಗಿ ನೇಮಿಸಿಕೊಂಡಿದೆ. ವಿಪ್ರೊ ಸಾಧಾರಣ ಎನ್ನಬಹುದಾದ 832 ಜನರಿಗೆ ಮಾತ್ರ ಉದ್ಯೋಗ ಅವಕಾಶ ಕಲ್ಪಿಸಿದೆ. ವರ್ಷದ ಹಿಂದೆ ಈ ಸಂಖ್ಯೆ 1,309 ಇತ್ತು.

. ***

. ಸಂಸ್ಥೆ; ತಂತ್ರಜ್ಞರ ಸಂಖ್ಯೆ

. ಟಿಸಿಎಸ್;4,00,875

. ಇನ್ಫೊಸಿಸ್;2.09.905

. ವಿಪ್ರೊ; 1,64,659

. ಎಚ್ಸಿಎಲ್ ಟೆಕ್ನಾಲಜೀಸ್; 1,24,121

. ಟೆಕ್ ಮಹೀಂದ್ರಾ; 1,13.552

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಐ.ಟಿ: 10 ಲಕ್ಷ ದಾಟಿದ ತಂತ್ರಜ್ಞರ ಸಂಖ್ಯೆ

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ದಿನ ಭವಿಷ್ಯ: ಈ ರಾಶಿಯವರು ಆರೋಗ್ಯದ ಬಗೆಗಿನ ಕಾಳಜಿ ಮಾಡಿ

ಚಿನಕುರುಳಿ Cartoon: 11 ಜುಲೈ 2025

ಬಿಟಿಸಿ | ಸಾವರಿನ್‌ ಕಿಂಗ್‌, ಫಿನ್‌ಬಾಸ್‌ ನಡುವೆ ಪೈಪೋಟಿ

ಭೋಪಾಲ್‌ನಲ್ಲಿ ನೇಪಾಳ ಕ್ರಿಕೆಟಿಗರಿಗೆ ತರಬೇತಿ

ಹಾಕಿ: ಆಯ್ಕೆ ಟ್ರಯಲ್ಸ್ ಜುಲೈ 16ರಂದು

MLC 2025: ಫೈನಲ್‌ನಲ್ಲಿ ವಾಷಿಂಗ್ಟನ್ ಫ್ರೀಡಮ್‌ಗೆ ಎಂಐ ನ್ಯೂಯಾರ್ಕ್ ಸವಾಲು

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ದಿನ ಭವಿಷ್ಯ: ಈ ರಾಶಿಯವರು ಆರೋಗ್ಯದ ಬಗೆಗಿನ ಕಾಳಜಿ ಮಾಡಿ

ಚಿನಕುರುಳಿ Cartoon: 11 ಜುಲೈ 2025