‘ಅಂಗವಿಕಲರಿಗೆ ಸಹಕಾರಿಯಾದ ರಸ್ತೆ ಸಾರಿಗೆ ಮುನ್ಸೂಚನೆ ವ್ಯವಸ್ಥೆ’ ಮಾದರಿಯು ಪ್ರದರ್ಶನದಲ್ಲಿ ಪ್ರಥಮ ಸ್ಥಾನವನ್ನು ಪಡೆದುಕೊಂಡಿತ್ತು. ಈ ಮಾದರಿಯನ್ನು ಕೆ.ಸಿ.ಅಗಣ್ಯ, ಕೆ.ಸಿ.ಭಾರ್ಗವ್, ಕೆ.ಸಿಂಧೂ ಹಾಗೂ ವಿ.ವಿಘ್ನೇಶ್ವರನ್ ಅಭಿವೃದ್ಧಿಪಡಿಸಿದ್ದಾರೆ. ‘ಇತರರ ಸಹಾಯವಿಲ್ಲದೆ ಅಂಧರು ಸಹ ರಸ್ತೆಗಳನ್ನು ದಾಟಲು ಈ ಮಾದರಿ ಸಹಾಯ ಮಾಡಲಿದೆ. ಸಾಧನದಿಂದ ಚಲಿಸುವ ವಾಹನಗಳಿಗೆ ಸಂಕೇತಗಳನ್ನು ಕಳುಹಿಸುವ ಕೆಲಸ ಆಗಲಿದೆ. ಇದ ರಿಂದಾಗಿ ವಾಹನಗಳ ವೇಗವನ್ನು ನಿಧಾನಗೊಳಿಸಲು ಮತ್ತು ಪಾದಚಾರಿ ದಾಟಲು ಅನುಕೂಲವಾಗುತ್ತದೆ' ಎಂದು ಕೆ.ಭಾರ್ಗವ್ ವಿವರಿಸಿದರು.