ನಗರದಲ್ಲಿ 2012ರಲ್ಲಿ 1.85 ಲಕ್ಷ ನಾಯಿಗಳಿದ್ದವು. ಆ ಬಳಿಕ ನಾಯಿಗಳ ಗಣತಿ ನಡೆದಿರಲಿಲ್ಲ. ಬೀದಿನಾಯಿಗಳ ಸಂತಾನಶಕ್ತಿಹರಣ ಶಸ್ತ್ರಚಿಕಿತ್ಸೆಗೆ ಅವುಗಳ ಸಂಖ್ಯೆ ಕುರಿತ ದಾಖಲೆಗಳು ಬಹುಮುಖ್ಯ. ಹಾಗಾಗಿ, ಬಿಬಿಎಂಪಿ ಬೀದಿನಾಯಿಗಳ ಗಣತಿ ಕೈಗೊಂಡಿತ್ತು. ಪ್ರತಿ ವಾರ್ಡ್ನಲ್ಲಿ ಅಂದಾಜು ಎಷ್ಟು ನಾಯಿಗಳಿವೆ, ಅವುಗಳಲ್ಲಿ ಗಂಡೆಷ್ಟು, ಹೆಣ್ಣೆಷ್ಟು, ಅವುಗಳಿಗೆ ಸಂತಾನಶಕ್ತಿ ಹರಣ ಶಸ್ತ್ರಚಿಕಿತ್ಸೆ ಆಗಿದೆಯೇ ಎಂಬಿತ್ಯಾದಿ ಮಾಹಿತಿಗಳನ್ನು ಗಣತಿ ವೇಳೆ ಕಲೆ ಹಾಕಲಾಗಿತ್ತು.