<p><strong>ಬೆಂಗಳೂರು: </strong>ಗ್ರಾಹಕರ ಕಣ್ಣಲ್ಲಿ ನೀರು ತರಿಸಿದ್ದ ಈರುಳ್ಳಿ ದರ ಕೃಷಿ ಉತ್ಪನ್ನ ಮಾರುಕಟ್ಟೆಯಲ್ಲಿ ಗಣನೀಯ ಪ್ರಮಾಣದಲ್ಲಿ ಇಳಿಕೆ ಆಗಿದ್ದರೂ ಅದರ ಲಾಭ ಮಾತ್ರ ಗ್ರಾಹಕರಿಗೆ ಇನ್ನೂ ತಲುಪಿಲ್ಲ.</p>.<p>ಕಳೆದ ನವೆಂಬರ್ನಲ್ಲಿ ಕ್ವಿಂಟಲ್ಗೆ ₹ 20 ಸಾವಿರ ಮುಟ್ಟಿದ್ದ ಅತ್ಯುತ್ತಮ ಗುಣಮಟ್ಟದ ಈರುಳ್ಳಿ ದರ ಈಗ ₹4,500ರಿಂದ ₹5,200ಕ್ಕೆ ಇಳಿದಿದೆ. ಆದರೂ ಸಣ್ಣ ವ್ಯಾಪಾರಿಗಳು ಸಾಧಾರಣ ಗುಣಮಟ್ಟದ ಈರುಳ್ಳಿಯನ್ನು ಕೆ.ಜಿಗೆ ₹100ರಿಂದ ₹ 120ಕ್ಕೆ ಮಾರುತ್ತಿದ್ದಾರೆ.</p>.<p>ಮಹಾರಾಷ್ಟ್ರ ಹಾಗೂ ಕರ್ನಾಟಕದ ವಿವಿಧ ಭಾಗಗಳಿಂದ ಹೊಸ ಈರುಳ್ಳಿ ಮಾರುಕಟ್ಟೆಗೆ ಬರುತ್ತಿರುವುದರಿಂದ ದರ ಕಡಿಮೆ ಆಗಿದೆ. ಈ ತಿಂಗಳ ಕೊನೆ ವೇಳೆಗೆ ಈರುಳ್ಳಿ ಆವಕ ಹೆಚ್ಚಲಿರುವುದರಿಂದ ಬೆಲೆ ಇನ್ನಷ್ಟು ಕುಸಿಯುವ ಸಾಧ್ಯತೆಯಿದೆ ಎಂದು ಎಪಿಎಂಸಿ ಈರುಳ್ಳಿ ಮತ್ತು ಆಲೂಗೆಡ್ಡೆ ವರ್ತಕರ ಸಂಘದ ಮೂಲಗಳು ತಿಳಿಸಿವೆ.</p>.<p>ಬೆಲೆ ನಿಯಂತ್ರಿಸುವ ಉದ್ದೇಶದಿಂದ ಈಜಿಪ್ಟ್ ಹಾಗೂ ಟರ್ಕಿಗಳಿಂದ ಆಮದು ಮಾಡಿಕೊಂಡಿರುವ ಈರುಳ್ಳಿಗೆ ಬೇಡಿಕೆ ಇಲ್ಲ. ಸ್ಥಳೀಯ ಈರುಳ್ಳಿಗಿಂತಲೂ ಇವು ಕಡಿಮೆ ರುಚಿ ಇರುವುದರಿಂದ ಗ್ರಾಹಕರು ಇಷ್ಟಪಡುತ್ತಿಲ್ಲ ಎಂದು ಮೂಲಗಳು ಹೇಳಿವೆ.</p>.<p>ಆದರೆ, ಬೆಲೆ ಕಡಿಮೆ ಮತ್ತು ಗಾತ್ರ ದೊಡ್ಡದು ಎನ್ನುವ ಕಾರಣಕ್ಕೆ ಹೋಟೆಲ್ಗಳವರು, ಪಾನಿಪುರಿ ವರ್ತಕರು ವಿದೇಶಿ ಈರುಳ್ಳಿ ಖರೀದಿಸುತ್ತಿದ್ದಾರೆ. ಇದರಿಂದಾಗಿ ಸ್ಪಲ್ಪ ಮಟ್ಟಿಗೆ ಸ್ಥಳೀಯ ಈರುಳ್ಳಿ ಮಾರಾಟವೂ ಮಂದಗತಿಯಲ್ಲಿ ಸಾಗಿದೆ ಎಂದು ಮೂಲಗಳು ತಿಳಿಸಿವೆ.</p>.<p>ಯಶವಂತಪುರ ಮಾರುಕಟ್ಟೆಗೆಗುರುವಾರ 170 ಟ್ರಕ್ ಹೊಸ ಈರುಳ್ಳಿ ಬಂದಿದೆ. 10 ಟ್ರಕ್ ಈಜಿಪ್ಟ್ ಹಾಗೂ ಟರ್ಕಿಯ ಈರುಳ್ಳಿ ಬಂದಿದೆ. ಮುಕ್ಕಲ್ ಕ್ವಿಂಟಲ್ಗೆ ₹4,000– 4,500, ಮಧ್ಯಮ ಗಾತ್ರಕ್ಕೆ ₹ 3,500– 4,000, ಗೋಲ್ಟಾಗೆ ₹ 2,500– 3,000, ಗೋಲ್ಟಿಗೆ ₹ 1,500– 2,000, ಚಿಂಗ್ಲಿಗೆ ₹ 600– 1,300ಕ್ಕೆ ಮಾರಾಟವಾಗಿದೆ.</p>.<p>ಈಜಿಪ್ಟ್ ಹಾಗೂ ಟರ್ಕಿ ಈರುಳ್ಳಿ ಹೆಚ್ಚುಕಡಿಮೆ ₹ 2000– 3200ಕ್ಕೆ ಹರಾಜಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಗ್ರಾಹಕರ ಕಣ್ಣಲ್ಲಿ ನೀರು ತರಿಸಿದ್ದ ಈರುಳ್ಳಿ ದರ ಕೃಷಿ ಉತ್ಪನ್ನ ಮಾರುಕಟ್ಟೆಯಲ್ಲಿ ಗಣನೀಯ ಪ್ರಮಾಣದಲ್ಲಿ ಇಳಿಕೆ ಆಗಿದ್ದರೂ ಅದರ ಲಾಭ ಮಾತ್ರ ಗ್ರಾಹಕರಿಗೆ ಇನ್ನೂ ತಲುಪಿಲ್ಲ.</p>.<p>ಕಳೆದ ನವೆಂಬರ್ನಲ್ಲಿ ಕ್ವಿಂಟಲ್ಗೆ ₹ 20 ಸಾವಿರ ಮುಟ್ಟಿದ್ದ ಅತ್ಯುತ್ತಮ ಗುಣಮಟ್ಟದ ಈರುಳ್ಳಿ ದರ ಈಗ ₹4,500ರಿಂದ ₹5,200ಕ್ಕೆ ಇಳಿದಿದೆ. ಆದರೂ ಸಣ್ಣ ವ್ಯಾಪಾರಿಗಳು ಸಾಧಾರಣ ಗುಣಮಟ್ಟದ ಈರುಳ್ಳಿಯನ್ನು ಕೆ.ಜಿಗೆ ₹100ರಿಂದ ₹ 120ಕ್ಕೆ ಮಾರುತ್ತಿದ್ದಾರೆ.</p>.<p>ಮಹಾರಾಷ್ಟ್ರ ಹಾಗೂ ಕರ್ನಾಟಕದ ವಿವಿಧ ಭಾಗಗಳಿಂದ ಹೊಸ ಈರುಳ್ಳಿ ಮಾರುಕಟ್ಟೆಗೆ ಬರುತ್ತಿರುವುದರಿಂದ ದರ ಕಡಿಮೆ ಆಗಿದೆ. ಈ ತಿಂಗಳ ಕೊನೆ ವೇಳೆಗೆ ಈರುಳ್ಳಿ ಆವಕ ಹೆಚ್ಚಲಿರುವುದರಿಂದ ಬೆಲೆ ಇನ್ನಷ್ಟು ಕುಸಿಯುವ ಸಾಧ್ಯತೆಯಿದೆ ಎಂದು ಎಪಿಎಂಸಿ ಈರುಳ್ಳಿ ಮತ್ತು ಆಲೂಗೆಡ್ಡೆ ವರ್ತಕರ ಸಂಘದ ಮೂಲಗಳು ತಿಳಿಸಿವೆ.</p>.<p>ಬೆಲೆ ನಿಯಂತ್ರಿಸುವ ಉದ್ದೇಶದಿಂದ ಈಜಿಪ್ಟ್ ಹಾಗೂ ಟರ್ಕಿಗಳಿಂದ ಆಮದು ಮಾಡಿಕೊಂಡಿರುವ ಈರುಳ್ಳಿಗೆ ಬೇಡಿಕೆ ಇಲ್ಲ. ಸ್ಥಳೀಯ ಈರುಳ್ಳಿಗಿಂತಲೂ ಇವು ಕಡಿಮೆ ರುಚಿ ಇರುವುದರಿಂದ ಗ್ರಾಹಕರು ಇಷ್ಟಪಡುತ್ತಿಲ್ಲ ಎಂದು ಮೂಲಗಳು ಹೇಳಿವೆ.</p>.<p>ಆದರೆ, ಬೆಲೆ ಕಡಿಮೆ ಮತ್ತು ಗಾತ್ರ ದೊಡ್ಡದು ಎನ್ನುವ ಕಾರಣಕ್ಕೆ ಹೋಟೆಲ್ಗಳವರು, ಪಾನಿಪುರಿ ವರ್ತಕರು ವಿದೇಶಿ ಈರುಳ್ಳಿ ಖರೀದಿಸುತ್ತಿದ್ದಾರೆ. ಇದರಿಂದಾಗಿ ಸ್ಪಲ್ಪ ಮಟ್ಟಿಗೆ ಸ್ಥಳೀಯ ಈರುಳ್ಳಿ ಮಾರಾಟವೂ ಮಂದಗತಿಯಲ್ಲಿ ಸಾಗಿದೆ ಎಂದು ಮೂಲಗಳು ತಿಳಿಸಿವೆ.</p>.<p>ಯಶವಂತಪುರ ಮಾರುಕಟ್ಟೆಗೆಗುರುವಾರ 170 ಟ್ರಕ್ ಹೊಸ ಈರುಳ್ಳಿ ಬಂದಿದೆ. 10 ಟ್ರಕ್ ಈಜಿಪ್ಟ್ ಹಾಗೂ ಟರ್ಕಿಯ ಈರುಳ್ಳಿ ಬಂದಿದೆ. ಮುಕ್ಕಲ್ ಕ್ವಿಂಟಲ್ಗೆ ₹4,000– 4,500, ಮಧ್ಯಮ ಗಾತ್ರಕ್ಕೆ ₹ 3,500– 4,000, ಗೋಲ್ಟಾಗೆ ₹ 2,500– 3,000, ಗೋಲ್ಟಿಗೆ ₹ 1,500– 2,000, ಚಿಂಗ್ಲಿಗೆ ₹ 600– 1,300ಕ್ಕೆ ಮಾರಾಟವಾಗಿದೆ.</p>.<p>ಈಜಿಪ್ಟ್ ಹಾಗೂ ಟರ್ಕಿ ಈರುಳ್ಳಿ ಹೆಚ್ಚುಕಡಿಮೆ ₹ 2000– 3200ಕ್ಕೆ ಹರಾಜಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
