ಗೊಟ್ಟಿಗೆರೆ– ನಾಗವಾರ ನಡುವೆ ನಿರ್ಮಾಣವಾಗುತ್ತಿರುವ ರೀಚ್–6 ಮಾರ್ಗದಲ್ಲಿ (ಒಟ್ಟು ಉದ್ದ 21.25 ಕಿ.ಮೀ) ಡೇರಿ ವೃತ್ತದಿಂದ ನಾಗವಾರ ನಡುವೆ 13.9 ಕಿ.ಮೀ ಉದ್ದದ ಸುರಂಗ ಮಾರ್ಗ ನಿರ್ಮಾಣಗೊಳ್ಳುತ್ತಿದೆ. ಡೇರಿ ವೃತ್ತದಿಂದ ಟ್ಯಾನರಿ ರಸ್ತೆ ನಡುವಿನ 9.28 ಕಿ.ಮೀ. ಮಾರ್ಗದಲ್ಲಿ ಸುರಂಗ ಕಾಮಗಾರಿ ವಿವಿಧ ಹಂತಗಳಲ್ಲಿ ನಡೆಯುತ್ತಿದೆ. ಒಟ್ಟು ಎಂಟು ಒಂಬತ್ತು ಯಂತ್ರಗಳು ಸುರಂಗ ಕೊರೆಯುವ ಕಾರ್ಯದಲ್ಲಿ ತೊಡಗಿವೆ. ಊರ್ಜಾ ತನ್ನ ಹೊಣೆಯನ್ನು ಮುಗಿಸುವ ಹಂತದಲ್ಲಿದ್ದರೆ, ಇದೇ ಮಾರ್ಗದಲ್ಲಿ ಕಾರ್ಯಾಚರಣೆಗಿಳಿದಿರುವ ವಿಂಧ್ಯ ಯಂತ್ರವು ಊರ್ಜಾ ಯಂತ್ರಕ್ಕಿಂತ ಸುಮಾರು 50 ಮೀಟರ್ಗಳಷ್ಟು ಹಿಂದಿದೆ. ವಿಂಧ್ಯ ಯಂತ್ರವು ಮುಂದಿನ ತಿಂಗಳು ಕಾರ್ಯಾಚರಣೆ ಮುಗಿಸುವ ನಿರೀಕ್ಷೆ ಇದೆ.