<figcaption>""</figcaption>.<p><strong>ಬೆಂಗಳೂರು:</strong> ಮಹಾಶಿವರಾತ್ರಿ ಹಬ್ಬಕ್ಕೆ ದಿನಗಣನೆ ಶುರುವಾಗಿದೆ. ಮಾರುಕಟ್ಟೆಗಳಲ್ಲಿ ಹೂವು ಮತ್ತು ಹಣ್ಣಿನ ವ್ಯಾಪಾರ ಗರಿಗೆದರಿದೆ. ಮಂಗಳವಾರದಿಂದಲೇ ಹೂವು ಮತ್ತು ಹಣ್ಣಿನ ದರ ಏರಿಕೆ ಕಂಡಿದ್ದು, ಗುರುವಾರದ ವೇಳೆಗೆ ಇನ್ನಷ್ಟು ಹೆಚ್ಚುವ ನಿರೀಕ್ಷೆಯಿದೆ.</p>.<p>ಸಂಕ್ರಾಂತಿಗೆ ಪ್ರತಿ ಕೆ.ಜಿ.ಗೆ ₹80ರಂತೆ ಮಾರಾಟವಾಗಿದ್ದ ಸೇವಂತಿಗೆ ಹೂವಿನ ದರ ಈಗ ದ್ವಿಗುಣಗೊಂಡಿದೆ. ನಗರದ ಕೆ.ಆರ್.ಮಾರುಕಟ್ಟೆಯಲ್ಲಿ ಮಂಗಳವಾರ ಪ್ರತಿ ಕೆ.ಜಿ.ಗೆ ₹170ರಿಂದ ₹180ರಂತೆ ಮಾರಾಟವಾಯಿತು.</p>.<p>ಚಿಕ್ಕಬಳ್ಳಾಪುರ, ಚಿಂತಾಮಣಿ, ಗೌರಿಬಿದನೂರು, ಬೆಂಗಳೂರು ಗ್ರಾಮಾಂತರ, ಕೋಲಾರ ಹಾಗೂ ತಮಿಳುನಾಡಿನಿಂದ ಬಂದಿರುವ ಕೆಂಪು, ಹಳದಿ ಹಾಗೂ ಬಿಳಿ ಬಣ್ಣಗಳ ಸೇವಂತಿಗೆಯನ್ನು ರಾಶಿ ಹಾಕಲಾಗಿದೆ. ಶಿವರಾತ್ರಿ ಹಬ್ಬದಲ್ಲಿ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆಗಳಿಗೆ ಸೇವಂತಿಗೆ ಹೆಚ್ಚಾಗಿ ಬಳಕೆಯಾಗಲಿದ್ದು, ಹಳದಿ ಸೇವಂತಿಗೆ ಹೂವಿಗೆ ಬೇಡಿಕೆ ಹೆಚ್ಚಿದೆ. ಜನರು ಖರೀದಿಗೆ ಮುಗಿಬಿದ್ದರು.</p>.<p>ಸಂಕ್ರಾಂತಿ ಹಬ್ಬಕ್ಕೆ ಹೋಲಿಸಿದರೆ ಎಲ್ಲ ಹೂಗಳ ದರವೂ ಈಗ ಹೆಚ್ಚಾಗಿದೆ.ಗುಲಾಬಿ ಪ್ರತಿ ಕೆ.ಜಿ.ಗೆ ₹120ರಿಂದ ₹140ರಂತೆ ಮಾರಾಟ ಆಗುತ್ತಿದೆ. ಮಲ್ಲಿಗೆ, ಕಾಕಡ, ಕನಕಾಂಬರ ದುಬಾರಿಯಾದರೆ, ಚೆಂಡು ಹೂವು ಅಗ್ಗವಾಗಿದೆ.</p>.<p>ಭಾನುವಾರದವರೆಗೆ ಪ್ರತಿ ಕೆ.ಜಿ.ಗೆ ₹50ರಿಂದ ₹60ರಂತೆ ಮಾರಾಟವಾಗುತ್ತಿದ್ದ ದಾಳಿಂಬೆ ದರ ದಿಢೀರ್ ಏರಿಕೆಯಾಗಿದ್ದು, ಮಂಗಳವಾರ ₹100ರಿಂದ ₹120ರಂತೆ ಮಾರಾಟವಾಯಿತು. ಸೇಬು, ಕಿತ್ತಳೆ, ಮೂಸಂಬಿ, ಸಪೋಟ ಹಾಗೂ ದ್ರಾಕ್ಷಿ ಹಣ್ಣುಗಳ ದರಗಳೂ ಏರಿವೆ.</p>.<p>‘ಶಿವರಾತ್ರಿಗೆ ಉಪವಾಸ ವ್ರತ ಕೈಗೊಳ್ಳುವಬಹುತೇಕರು ಊಟದ ಬದಲಿಗೆ ಹಣ್ಣು ಸೇವಿಸುತ್ತಾರೆ. ಬಾಳೆಹಣ್ಣು, ಕಲ್ಲಂಗಡಿ ಹಾಗೂ ನಾನಾ ಬಗೆಯ ಹಣ್ಣುಗಳನ್ನು ಸೇವಿಸಿ ವ್ರತ ಪೂರ್ಣಗೊಳಿಸುವುದು ದರಗಳ ಏರಿಕೆಗೆ ಕಾರಣ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಪ್ರಕಾಶ್.</p>.<p>ಸೊಪ್ಪುಗಳಲ್ಲಿ ಕೊತ್ತಂಬರಿ ದುಬಾರಿಯಾಗಿದ್ದು, ಪ್ರತಿ ಕೆ.ಜಿಗೆ ₹70ರಂತೆ ಮಾರಾಟವಾಗುತ್ತಿದೆ. ದಂಟಿನ ಸೊಪ್ಪು, ಪುದೀನ, ಮೆಂತ್ಯ, ಸಬ್ಬಕ್ಕಿ ಹಾಗೂ ಪಾಲಕ್ ಸೊಪ್ಪುಗಳು ತುಸು ದುಬಾರಿಯಾಗಿವೆ.</p>.<p><strong>ತರಕಾರಿಗಳು ಅಗ್ಗ:</strong>₹200ರ ಗಡಿ ದಾಟಿದ್ದ ಈರುಳ್ಳಿ, ವಾರದಿಂದ ಪ್ರತಿ ಕೆ.ಜಿ.ಗೆ ₹25ರಿಂದ ₹30ರಂತೆ ಮಾರಾಟವಾಗುತ್ತಿದೆ. ಉಳಿದಂತೆ ಬೆಳ್ಳುಳ್ಳಿ ದುಬಾರಿಯಾಗಿದೆ. ಬೀಟ್ರೂಟ್, ಬದನೆ, ಬೆಂಡೇಕಾಯಿ, ಕ್ಯಾರೆಟ್ ಹಾಗೂ ಬೀನ್ಸ್ ಅಗ್ಗವಾಗಿದೆ.</p>.<p>*<br />ತರಕಾರಿ ದರ ಕಡಿಮೆ ಇರುವುದು ನಿರಾಳ ಮೂಡಿಸಿದೆ. ಹೂವು, ಹಣ್ಣಿನ ದರಗಳು ಏರಿಕೆಯಾಗಿದ್ದು, ಹಬ್ಬದ ವೇಳೆಗೆ ಮತ್ತಷ್ಟು ಹೆಚ್ಚುವ ಸಾಧ್ಯತೆ ಇದೆ.<br /><em><strong>-ಕಾವ್ಯ ಎನ್, ಗ್ರಾಹಕಿ</strong></em></p>.<p>*<br />ಪ್ರತಿವರ್ಷ ಈ ವೇಳೆಗೆ ತರಕಾರಿ ದರ ಏರುತ್ತಿತ್ತು. ಚಳಿಗಾಲದಲ್ಲಿ ತರಕಾರಿಗಳಿಗೆ ಹಾನಿ ಹೆಚ್ಚು. ಆದರೆ, ಉತ್ತಮ ಮಳೆ, ಪರಿಸರದಿಂದಾಗಿ ಫಸಲು ಚೆನ್ನಾಗಿ ಬಂದಿದೆ.<br /><em><strong>-ಸೈಯದ್ ಶಾಬಾಜ್, ತರಕಾರಿ ವ್ಯಾಪಾರಿ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<figcaption>""</figcaption>.<p><strong>ಬೆಂಗಳೂರು:</strong> ಮಹಾಶಿವರಾತ್ರಿ ಹಬ್ಬಕ್ಕೆ ದಿನಗಣನೆ ಶುರುವಾಗಿದೆ. ಮಾರುಕಟ್ಟೆಗಳಲ್ಲಿ ಹೂವು ಮತ್ತು ಹಣ್ಣಿನ ವ್ಯಾಪಾರ ಗರಿಗೆದರಿದೆ. ಮಂಗಳವಾರದಿಂದಲೇ ಹೂವು ಮತ್ತು ಹಣ್ಣಿನ ದರ ಏರಿಕೆ ಕಂಡಿದ್ದು, ಗುರುವಾರದ ವೇಳೆಗೆ ಇನ್ನಷ್ಟು ಹೆಚ್ಚುವ ನಿರೀಕ್ಷೆಯಿದೆ.</p>.<p>ಸಂಕ್ರಾಂತಿಗೆ ಪ್ರತಿ ಕೆ.ಜಿ.ಗೆ ₹80ರಂತೆ ಮಾರಾಟವಾಗಿದ್ದ ಸೇವಂತಿಗೆ ಹೂವಿನ ದರ ಈಗ ದ್ವಿಗುಣಗೊಂಡಿದೆ. ನಗರದ ಕೆ.ಆರ್.ಮಾರುಕಟ್ಟೆಯಲ್ಲಿ ಮಂಗಳವಾರ ಪ್ರತಿ ಕೆ.ಜಿ.ಗೆ ₹170ರಿಂದ ₹180ರಂತೆ ಮಾರಾಟವಾಯಿತು.</p>.<p>ಚಿಕ್ಕಬಳ್ಳಾಪುರ, ಚಿಂತಾಮಣಿ, ಗೌರಿಬಿದನೂರು, ಬೆಂಗಳೂರು ಗ್ರಾಮಾಂತರ, ಕೋಲಾರ ಹಾಗೂ ತಮಿಳುನಾಡಿನಿಂದ ಬಂದಿರುವ ಕೆಂಪು, ಹಳದಿ ಹಾಗೂ ಬಿಳಿ ಬಣ್ಣಗಳ ಸೇವಂತಿಗೆಯನ್ನು ರಾಶಿ ಹಾಕಲಾಗಿದೆ. ಶಿವರಾತ್ರಿ ಹಬ್ಬದಲ್ಲಿ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆಗಳಿಗೆ ಸೇವಂತಿಗೆ ಹೆಚ್ಚಾಗಿ ಬಳಕೆಯಾಗಲಿದ್ದು, ಹಳದಿ ಸೇವಂತಿಗೆ ಹೂವಿಗೆ ಬೇಡಿಕೆ ಹೆಚ್ಚಿದೆ. ಜನರು ಖರೀದಿಗೆ ಮುಗಿಬಿದ್ದರು.</p>.<p>ಸಂಕ್ರಾಂತಿ ಹಬ್ಬಕ್ಕೆ ಹೋಲಿಸಿದರೆ ಎಲ್ಲ ಹೂಗಳ ದರವೂ ಈಗ ಹೆಚ್ಚಾಗಿದೆ.ಗುಲಾಬಿ ಪ್ರತಿ ಕೆ.ಜಿ.ಗೆ ₹120ರಿಂದ ₹140ರಂತೆ ಮಾರಾಟ ಆಗುತ್ತಿದೆ. ಮಲ್ಲಿಗೆ, ಕಾಕಡ, ಕನಕಾಂಬರ ದುಬಾರಿಯಾದರೆ, ಚೆಂಡು ಹೂವು ಅಗ್ಗವಾಗಿದೆ.</p>.<p>ಭಾನುವಾರದವರೆಗೆ ಪ್ರತಿ ಕೆ.ಜಿ.ಗೆ ₹50ರಿಂದ ₹60ರಂತೆ ಮಾರಾಟವಾಗುತ್ತಿದ್ದ ದಾಳಿಂಬೆ ದರ ದಿಢೀರ್ ಏರಿಕೆಯಾಗಿದ್ದು, ಮಂಗಳವಾರ ₹100ರಿಂದ ₹120ರಂತೆ ಮಾರಾಟವಾಯಿತು. ಸೇಬು, ಕಿತ್ತಳೆ, ಮೂಸಂಬಿ, ಸಪೋಟ ಹಾಗೂ ದ್ರಾಕ್ಷಿ ಹಣ್ಣುಗಳ ದರಗಳೂ ಏರಿವೆ.</p>.<p>‘ಶಿವರಾತ್ರಿಗೆ ಉಪವಾಸ ವ್ರತ ಕೈಗೊಳ್ಳುವಬಹುತೇಕರು ಊಟದ ಬದಲಿಗೆ ಹಣ್ಣು ಸೇವಿಸುತ್ತಾರೆ. ಬಾಳೆಹಣ್ಣು, ಕಲ್ಲಂಗಡಿ ಹಾಗೂ ನಾನಾ ಬಗೆಯ ಹಣ್ಣುಗಳನ್ನು ಸೇವಿಸಿ ವ್ರತ ಪೂರ್ಣಗೊಳಿಸುವುದು ದರಗಳ ಏರಿಕೆಗೆ ಕಾರಣ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಪ್ರಕಾಶ್.</p>.<p>ಸೊಪ್ಪುಗಳಲ್ಲಿ ಕೊತ್ತಂಬರಿ ದುಬಾರಿಯಾಗಿದ್ದು, ಪ್ರತಿ ಕೆ.ಜಿಗೆ ₹70ರಂತೆ ಮಾರಾಟವಾಗುತ್ತಿದೆ. ದಂಟಿನ ಸೊಪ್ಪು, ಪುದೀನ, ಮೆಂತ್ಯ, ಸಬ್ಬಕ್ಕಿ ಹಾಗೂ ಪಾಲಕ್ ಸೊಪ್ಪುಗಳು ತುಸು ದುಬಾರಿಯಾಗಿವೆ.</p>.<p><strong>ತರಕಾರಿಗಳು ಅಗ್ಗ:</strong>₹200ರ ಗಡಿ ದಾಟಿದ್ದ ಈರುಳ್ಳಿ, ವಾರದಿಂದ ಪ್ರತಿ ಕೆ.ಜಿ.ಗೆ ₹25ರಿಂದ ₹30ರಂತೆ ಮಾರಾಟವಾಗುತ್ತಿದೆ. ಉಳಿದಂತೆ ಬೆಳ್ಳುಳ್ಳಿ ದುಬಾರಿಯಾಗಿದೆ. ಬೀಟ್ರೂಟ್, ಬದನೆ, ಬೆಂಡೇಕಾಯಿ, ಕ್ಯಾರೆಟ್ ಹಾಗೂ ಬೀನ್ಸ್ ಅಗ್ಗವಾಗಿದೆ.</p>.<p>*<br />ತರಕಾರಿ ದರ ಕಡಿಮೆ ಇರುವುದು ನಿರಾಳ ಮೂಡಿಸಿದೆ. ಹೂವು, ಹಣ್ಣಿನ ದರಗಳು ಏರಿಕೆಯಾಗಿದ್ದು, ಹಬ್ಬದ ವೇಳೆಗೆ ಮತ್ತಷ್ಟು ಹೆಚ್ಚುವ ಸಾಧ್ಯತೆ ಇದೆ.<br /><em><strong>-ಕಾವ್ಯ ಎನ್, ಗ್ರಾಹಕಿ</strong></em></p>.<p>*<br />ಪ್ರತಿವರ್ಷ ಈ ವೇಳೆಗೆ ತರಕಾರಿ ದರ ಏರುತ್ತಿತ್ತು. ಚಳಿಗಾಲದಲ್ಲಿ ತರಕಾರಿಗಳಿಗೆ ಹಾನಿ ಹೆಚ್ಚು. ಆದರೆ, ಉತ್ತಮ ಮಳೆ, ಪರಿಸರದಿಂದಾಗಿ ಫಸಲು ಚೆನ್ನಾಗಿ ಬಂದಿದೆ.<br /><em><strong>-ಸೈಯದ್ ಶಾಬಾಜ್, ತರಕಾರಿ ವ್ಯಾಪಾರಿ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>