ಉದ್ಯೋಗಾರ್ಹತೆ ಹೆಚ್ಚಿಸುವ ಭಾಷಾ ಕಲಿಕೆ: ಭಾಷಾ ತಜ್ಞರು
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಬೆಂಗಳೂರು ನಗರ ವಿಶ್ವವಿದ್ಯಾಲಯದ ವತಿಯಿಂದ ‘ವಿದೇಶಿ ಭಾಷೆಗಳು‘ ಕುರಿತು ಮೂರು ವಾರ ನಡೆದ ಅಂತರರಾಷ್ಟ್ರೀಯ ವೆಬಿನಾರ್‌ ಶನಿವಾರ ಮುಕ್ತಾಯವಾಯಿತು.
‘ವಿದೇಶಿ ಭಾಷೆಗಳ ಕಲಿಕೆ ಎಷ್ಟು ಉಪಯೋಗಿ’ ಎಂಬ ಕುರಿತು ನಡೆದ ಅಂತರರಾಷ್ಟ್ರೀಯ ವೆಬಿನಾರ್‌ನಲ್ಲಿ ದೇಶ–ವಿದೇಶಗಳ ಭಾಷಾ ತಜ್ಞರು ಉಪನ್ಯಾಸ ನೀಡಿದರು. 10 ವಿದೇಶಿ ಭಾಷೆಗಳ ಪರಿಚಯ, ಮಹತ್ವ ಮತ್ತು ವ್ಯಾಪ್ತಿಯ ಕುರಿತು ಭಾಷಾ ವಿದ್ವಾಂಸರು ಚರ್ಚಿಸಿದರು. ‘ಹೆಚ್ಚು ಭಾಷೆಗಳನ್ನು ಕಲಿತಷ್ಟೂ ಹೆಚ್ಚು ಉದ್ಯೋಗಾವಕಾಶಗಳು ಇರುತ್ತವೆ’ ಎಂದು ಉಪನ್ಯಾಸಕರು ಹೇಳಿದರು.
ಫ್ರೆಂಚ್, ಜರ್ಮನ್, ಇಟಾಲಿಯನ್‌, ಸ್ಪ್ಯಾನಿಶ್‌, ಹೆಬ್ರ್ಯೂ, ಕೊರಿಯನ್, ಜಪಾನಿ ಹಾಗೂ ಚೀನಿ ಭಾಷೆಗಳ ಕುರಿತು ಚರ್ಚೆ ನಡೆಯಿತು.
ಬೆಂಗಳೂರು ನಗರ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ. ಲಿಂಗರಾಜ ಗಾಂಧಿ ಉದ್ಘಾಟಿಸಿದರು. ಪ್ರೊ.ಅಶೋಕ ಕುಮಾರ್‌ ಚಾವ್ಲಾ, ಜಯಂತಿ ಶ್ರೀನಿವಾಸನ್, ಪ್ರೀತಿ ವಿದ್ಯಾನಂದ ಅಲ್ಲದೆ, ಜಪಾನ್‌, ಫ್ರಾನ್ಸ್‌, ಜರ್ಮನಿಯ ವಿಶ್ವವಿದ್ಯಾಲಯಗಳ ಭಾಷಾ ವಿಭಾಗದ ಮುಖ್ಯಸ್ಥರು ಪಾಲ್ಗೊಂಡಿದ್ದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
