ಬೀದರ್‌ನಲ್ಲಿ ಏರ್ ಶೋ: ಸಚಿವ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಭರವಸೆ

ಬೀದರ್: ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಬೀದರ್‌ನಲ್ಲಿ ಏರ್ ಶೋ ನಡೆಸುವ ಭರವಸೆ ನೀಡಿದ್ದಾರೆ ಎಂದು ಸಂಸದ ಭಗವಂತ ಖೂಬಾ ತಿಳಿಸಿದ್ದಾರೆ.

ಬೆಂಗಳೂರಿನಲ್ಲಿ ಶುಕ್ರವಾರ ಅವರನ್ನು ಭೇಟಿಯಾಗಿ ತಾವು ಮಾಡಿದ ಮನವಿಗೆ ಸ್ಪಂದಿಸಿ ಸಂಬಂಧಪಟ್ಟವರಿಗೆ ಈ ಕುರಿತು ನಿರ್ದೇಶನ ನೀಡಿದ್ದಾರೆ ಎಂದು ಹೇಳಿದ್ದಾರೆ.

ಬೀದರ್ ವಾಯುಪಡೆ ಕೇಂದ್ರವು ದೇಶದ ಎರಡನೇ ಅತಿದೊಡ್ಡ ತರಬೇತಿ ಕೇಂದ್ರವಾಗಿದೆ. 1963 ರಿಂದಲೂ ಐಎಎಫ್‍ನ ಉದಯೋನ್ಮುಖ ಪೈಲಟ್‍ಗಳಿಗೆ ತರಬೇತಿ ನೀಡುತ್ತಿದೆ. 2007, 2009, 2010 ರಲ್ಲಿ ವೈಮಾನಿಕ ಪ್ರದರ್ಶನಗಳು ನಡೆದಿವೆ. 2019 ರಲ್ಲಿ ಕಾರ್ಗಿಲ್ ಯುದ್ಧದ 20ನೇ ವರ್ಷಾಚರಣೆ ಪ್ರಯುಕ್ತ ಒಂದು ವಾರ ಸೂರ್ಯಕಿರಣ ಹಾಗೂ ಮಿರಾಜ್ ಯುದ್ಧ ವಿಮಾನಗಳ ಪ್ರದರ್ಶನದ ಮೂಲಕ ಹುತಾತ್ಮ ಯೋಧರಿಗೆ ಗೌರವ ಸಲ್ಲಿಸಲಾಗಿದೆ ಎಂದು ಸಚಿವರ ಗಮನ ಸೆಳೆಯಲಾಗಿದೆ ಎಂದು ತಿಳಿಸಿದ್ದಾರೆ.