ಬುಟ್ಟಿ ನೇಯ್ಗೆಯೇ ಬದುಕಿನ ಆಸರೆ

ಔರಾದ್ : ಪ್ಲಾಸ್ಟಿಕ್ ಹಾಗೂ ಕಬ್ಬಿಣ ಸಾಮಗ್ರಿಗಳ ವ್ಯಾಪಕ ಬಳಕೆ ನಡುವೆಯೂ ಇಲ್ಲಿಯ ಕೈಕಾಡಿ ಗಲ್ಲಿ ಮಹಿಳೆಯರಿಗೆ ಬಿದಿರು ಬುಟ್ಟಿ ನೇಯುವ ಕಾಯಕವೇ ಬದುಕಿಗೆ ಆಸರೆಯಾಗಿದೆ.

. ಇಲ್ಲಿಯ 30 ಕುಟುಂಬಗಳ ಮಹಿಳೆಯರು ಕಳೆದ ಐದು ದಶಕಗಳ ಹಿಂದಿನಿಂದಲೂ ನೇಯ್ಗೆ ಕಾಯಕ ಮಾಡುತ್ತ ಬಂದಿದ್ದಾರೆ. ಬಿದಿರು ಉತ್ಪನ್ನಗಳಿಗೆ ಬೇಡಿಕೆ ಕಮ್ಮಿಯಾದರೂ ಅವರ ಜೀವನಕ್ಕೆ ಅದೇ ಆಸರೆಯಾಗಿದೆ.

. ‘ನಾನು 20 ವರ್ಷಗಳಿಂದ ಬಿದಿರು ಬುಟ್ಟಿ ತಯಾರಿಸುತ್ತೇನೆ. ನಮ್ಮ ಕುಟುಂಬ ನಿರ್ವಹಣೆಗೆ ಇದೇ ಆಧಾರ. ಇದೇ ಕೆಲಸದಿಂದ ಬಂದ ಹಣದಿಂದ ಗಂಡ, ನಾಲ್ಕು ಮಕ್ಕಳು ಉಪ ಜೀವನ ನಡೆಸುತ್ತಿದ್ದೇವೆ. ಮೊದಲಿಗೆ ನಮ್ಮ ನೇಯ್ಗೆ ಉತ್ಪನ್ನಗಳಿಗೆ ಹೆಚ್ಚಿನ ಬೇಡಿಕೆ ಇತ್ತು. ರೈತರು ಈಗಲೂ ಬಿದಿರಿನ ಬುಟ್ಟಿ ಬಳಸುತ್ತಾರೆ. ತರಕಾರಿ, ಹೂ, ಹಣ್ಣು ವ್ಯಾಪಾರಿಗಳಿಗೆ ಇದೇ ಬುಟ್ಟಿ ತುಂಬ ಉಪಯೋಗಕಾರಿ. ರಸ್ತೆ ಕಾಮಗಾರಿ, ವಿವಿಧ ಕಟ್ಟಡ ಕೆಲಸಗಳಿಗೆ ನಮ್ಮ ಬುಟ್ಟಿ ಬಳಸುತ್ತಿದ್ದರು. ಆದರೆ ಈಗ ಕಬ್ಬಿಣ ಮತ್ತು ಪ್ಲಾಸ್ಟಿಕ್ ಬುಟ್ಟಿ ಬಳಸುತ್ತಿರುವುದರಿಂದ ನಮ್ಮ ಕೆಲಸದ ಮೇಲೆ ಪರಿಣಾಮ ಆಗಿದೆ’ ಎಂದು ಇಲ್ಲಿಯ ಬುಟ್ಟಿ ನೇಯುವ ಮಹಿಳೆ ಸುಂದರಾಬಾಯಿ ಚಂದರ ಹೇಳುತ್ತಾರೆ.

. ‘ನಾವು ದಶಕಗಳಿಂದ ಇದೇ ಕೆಲಸ ಮಾಡಿಕೊಂಡು ಬಂದಿರುವುದರಿಂದ ಬೇರೆ ಕೆಲಸ ಬರುವುದಿಲ್ಲ. ಹೀಗಾಗಿ ಬಂದಷ್ಟು ಬರಲಿ ಎಂದು ಈ ಸಾಂಪ್ರದಾಯಿಕ ಕಾಯಕ ಮುಂದುವರಿಸಿಕೊಂಡು ಬಂದಿದ್ದೇವೆ. ಈಗಲೂ ನಿತ್ಯ ಬುಟ್ಟಿ ತಯಾರಿಸುತ್ತೇವೆ. ಒಂದು ಬುಟ್ಟಿಗೆ ₹50 ರಿಂದ ₹200 ವರೆಗೆ ಮಾರಾಟವಾಗುತ್ತವೆ. ತಾಂಡಾ ಜನ ಈಗಲೂ ಧಾನ್ಯ ಸಂಗ್ರಹಣೆಗೆ ಬಿದಿರಿನ ಕರಸಿ ಬಳಸುತ್ತಾರೆ. ಕೆಲವರು ಹಣ ಕೊಟ್ಟು ಮತ್ತೆ ಕೆಲ ರೈತರು ಧಾನ್ಯ ಕೊಟ್ಟು ಬುಟ್ಟಿ ಖರೀದಿಸುತ್ತಾರೆ’ ಎಂದು ಬುಟ್ಟಿ ಕಾಯಕ ನಂಬಿ ಬದುಕುತ್ತಿರುವ ಶಾಂತಾಬಾಯಿ ಹೇಳುತ್ತಾರೆ.

. ‘ಲಾಕ್ಡೌನ್ನಿಂದಾಗಿ ನಮ್ಮ ಕೆಲಸವೂ ನಿಂತು ಹೋಗಿದೆ. ತಯಾರಿಸಿದ ಬುಟ್ಟಿ ಮಾರಾಟವಾಗಿಲ್ಲ. ಇದ್ದ ಹಣ ಬಿದಿರು ತರಲು ಖರ್ಚು ಮಾಡಿದ್ದೇವೆ. ಹೀಗಾಗಿ ನಮ್ಮ ಕುಟುಂಬ ನಿರ್ವಹಣೆ ಈಗ ಕಷ್ಟವಾಗಿದೆ’ ಎನ್ನುತ್ತಾರೆ ಅವರು.

. ‘ಸರ್ಕಾರ ಲಾಕ್ಡೌನ್ನಿಂದ ತೊಂದರೆಗೊಳಗಾದ ವಿವಿಧ ಕುಶಲಕರ್ಮಿಗಳಿಗೆ ಪರಿಹಾರ ಕೊಡುತ್ತಿದೆ. ಆದರೆ ಬಿದಿರು ನೇಯುವ ಜನರಿಗೆ ಯಾವುದೇ ಪರಿಹಾರ ಕೊಟ್ಟಿಲ್ಲ. ಈ ಕಾಯಕದಲ್ಲಿ ಮಹಿಳೆಯರೇ ಹೆಚ್ಚಾಗಿ ತೊಡಗಿಸಿಕೊಂಡಿದ್ದಾರೆ. ಹೀಗಾಗಿ ಸರ್ಕಾರ ಇವರಿಗೂ ಒಂದಿಷ್ಟು ಪರಿಹಾರ ಕೊಡಬೇಕು’ ಎಂದು ಸ್ಥಳೀಯ ಕಾಂಗ್ರೆಸ್ ಧುರೀಣ ರಾಮಣ್ಣ ವಡೆಯರ್ ಆಗ್ರಹಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬುಟ್ಟಿ ನೇಯ್ಗೆಯೇ ಬದುಕಿನ ಆಸರೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’