ಬೀದರ್‌ ನಗರಸಭೆ ಇನ್ಮುಂದೆ ಮಹಾನಗರ ಪಾಲಿಕೆ

ಪಂಚಾಯಿತಿ ವ್ಯಾಪ್ತಿಯ ಗ್ರಾಮಗಳ ವಿವರ ಗ್ರಾಮ ಪಂಚಾಯಿತಿ ಹೆಸರು; ಗ್ರಾಮಗಳು ಅಷ್ಟೂರ; ಓಡವಾಡ ತಾಜಲಾಪೂರ ಅಮಲಾಪೂರ; ಅಮಲಾಪೂರ ಗೋರನಳ್ಳಿ (ಬಿ) ಅಲಿಯಾಬಾದ್‌; ಅಲಿಯಾಬಾದ್‌ ಚೋಂಡಿ ಚೌಳಿ ಗಾದಗಿ; ಶಾಮರಾಜಪೂರ ಸಿಪ್ಪಲಗೇರಾ ಮಾಮನಕೇರಿ ಕಬೀರವಾಡ ಕೊಳಾರ (ಕೆ); ಕೊಳಾರ (ಕೆ) ನಿಜಾಮಪೂರ ಹಜ್ಜರಗಿ ಕಮಲಪೂರ ಮರಕಲ್‌; ಚಿಕ್ಕಪೇಟೆ

ಬೀದರ್‌ ಮಹಾನಗರ ಪಾಲಿಕೆ ರಚನೆಗೆ ಸಂಪುಟ ಸಭೆಯಲ್ಲಿ ಒಪ್ಪಿಗೆ ನೀಡಲಾಗಿದೆ. ರಾಜ್ಯ ಸರ್ಕಾರ ಮೊದಲ ಹಂತದಲ್ಲಿ ಅಧಿಸೂಚನೆ ಹೊರಡಿಸುತ್ತದೆ. 30 ದಿನ ಆಕ್ಷೇಪಣೆಗೆ ಅವಕಾಶ ನೀಡಲಾಗುತ್ತದೆ. ಯಾವುದೇ ಆಕ್ಷೇಪಣೆ ಬಾರದಿದ್ದರೆ ಮಹಾನಗರ ಪಾಲಿಕೆಗೆ ಅಂತಿಮ ಅಧಿಸೂಚನೆ ಹೊರಡಿಸುತ್ತದೆ. ಶಿಲ್ಪಾ ಶರ್ಮಾ ಜಿಲ್ಲಾಧಿಕಾರಿ ಬೀದರ್‌

ಈಗಿರುವ ಜಿಲ್ಲಾಧಿಕಾರಿ ಕಚೇರಿ ಸಂಕೀರ್ಣದ ಜಾಗದಲ್ಲಿಯೇ ಹೊಸ ಕಟ್ಟಡ ನಿರ್ಮಾಣಕ್ಕೆ ಈಗಾಗಲೇ ನಿರ್ಧಾರ ಕೈಗೊಂಡಿದ್ದು ಕೆಲವೇ ದಿನಗಳಲ್ಲಿ ಭೂಮಿ ಪೂಜೆ ಮಾಡಿ ನಿರ್ಮಾಣ ಕಾರ್ಯಕ್ಕೆ ಚಾಲನೆ ದೊರೆಯಲಿದೆ. ಜಿಲ್ಲಾಧಿಕಾರಿ ಕಚೇರಿಗೆ ಹೊಂದಿಕೊಂಡಂತೆ ಇರುವ ನಗರಸಭೆ ಕಚೇರಿಯ ಜಾಗವನ್ನು ಸೇರಿಸಿ ಹೊಸ ಕಟ್ಟಡ ಕಟ್ಟಲು ಉದ್ದೇಶಿಸಲಾಗಿದೆ. ಇದರಿಂದಾಗಿ ನಗರಸಭೆ ಕಚೇರಿ ತಾತ್ಕಾಲಿಕವಾಗಿ ಬೇರೆಡೆ ಸ್ಥಳಾಂತರ ಮಾಡಬೇಕಾಗುತ್ತದೆ. ನಗರದ ಹೈದರಾಬಾದ್‌ ರಸ್ತೆಯಲ್ಲಿ ನಗರಸಭೆಗೆ ಸ್ಥಳ ಮೀಸಲಿಟ್ಟಿದ್ದು ಪಾಲಿಕೆ ಅಸ್ತಿತ್ವಕ್ಕೆ ಬಂದ ನಂತರ ಹೊಸ ಕಾರ್ಪೊರೇಶನ್‌ ಕಟ್ಟಡ ನಿರ್ಮಾಣ ಕೆಲಸ ಕೂಡ ಆರಂಭಗೊಳ್ಳಲಿದೆ.