ಚಾಮರಾಜನಗರ | 'ಕುಡಿಯುವ ನೀರು ಬಿಟ್ಟಿಲ್ಲ: ಗೋಳು ಕೇಳೋರಿಲ್ಲ'

ನೀರೆತ್ತುವ ಪಂಪ್‌ಹೌಸ್‌ನಲ್ಲಿರುವ ಮೋಟಾರ್ ತೀರಾ ಹಳೆಯದಾಗಿರುವುದರಿಂದ ಪದೇಪದೇ ದುರಸ್ತಿಗೆ ಬರುತ್ತಿದೆ. ಸಮಸ್ಯೆಗೆ ಪರಿಹಾರವಾಗಿ ಅಮೃತ್ 2 ಯೋಜನೆಯಡಿ 750 ಎಚ್‌ಪಿ ಸಾಮರ್ಥ್ಯದ 2 ಮೋಟಾರ್‌ಗಳನ್ನು ತರಿಸಲಾಗಿದ್ದು ಶೀಘ್ರ ಅಳವಡಿಕೆ ಮಾಡಲಾಗುವುದು. ಮಂಗಳವಾರ ಮೋಟಾರ್ ದುರಸ್ತಿಗೊಳಿಸಲಾಗಿದ್ದು ಬುಧವಾರ ನೀರು ಪೂರೈಕೆ ಮಾಡಲಾಗುವುದು ಎಂದು ನಗರಸಭೆ ಅಧ್ಯಕ್ಷ ಸುರೇಶ್ ತಿಳಿಸಿದರು.

- ‘ಪಂಪ್‌ಪೌಸ್‌ನ ಮೋಟಾರ್ ದುರಸ್ತಿಗೆ ಇದುವರೆಗೂ ನಗರಸಭೆ ವ್ಯಯಿಸಿರುವ ವೆಚ್ಚದ ಮಾಹಿತಿಯನ್ನು ನಗರಸಭೆಯ ಲೆಕ್ಕಶಾಖೆಯ ಅಧಿಕಾರಿಗಳು ಬಹಿರಂಗಗೊಳಿಸುತ್ತಿಲ್ಲ. ಮೋಟಾರ್ ದುರಸ್ತಿ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ಅವ್ಯವಹಾರವಾಗಿರುವ ಶಂಕೆ ಇದ್ದು ತನಿಖೆ ನಡೆಸಬೇಕು. ಸಾರ್ವಜನಿಕರ ತೆರಿಗೆ ಹಣ ದುರುಪಯೋಗವಾಗದಂತೆ ತಡೆಯೊಡ್ಡಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.