ಚಿಕ್ಕಬಳ್ಳಾಪುರ| ₹21 ಲಕ್ಷ ಸುಲಿಗೆ; ಮಾಜಿ ಪ್ರಿಯತಮೆ ಸೆರೆ

ಚಿಕ್ಕಬಳ್ಳಾಪುರ : ಮಾಜಿ ಪ್ರಿಯಕರನ ಮೇಲೆ ಹಲ್ಲೆ ನಡೆಸಿ ₹21 ಲಕ್ಷ ಹಣ ದೋಚಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆಂಧ್ರಪ್ರದೇಶದ ಪೊದ್ದಟೂರಿನ ಭಾವನಾ ರೆಡ್ಡಿ ಮತ್ತು ಅನಂತಪುರದ ಪುಲ್ಲಾರೆಡ್ಡಿ ಎಂಬುವವರನ್ನು ನಂದಿಗಿರಿಧಾಮ ಠಾಣೆ ಪೊಲೀಸರು ಹುಬ್ಬಳ್ಳಿಯಲ್ಲಿ ಭಾನುವಾರ ಬಂಧಿಸಿದ್ದಾರೆ.

. ತಾಲ್ಲೂಕಿನ ಅಂಗಟ್ಟ ಬಳಿಯ ವಿಲ್ಲಾವೊಂದರಲ್ಲಿ ಜೂನ್ 16ರಂದು ಹಲ್ಲೆ ಪ್ರಕರಣ ಜರುಗಿತ್ತು. ಹಲ್ಲೆಗೆ ಒಳಗಾದ ವಿಜಯ್ ಸಿಂಗ್ ಈ ಬಗ್ಗೆ ನಂದಿಗಿರಿಧಾಮ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ವಿಜಯ್ ಸಿಂಗ್ ಮತ್ತು ಪುಲ್ಲಾರೆಡ್ಡಿ ಸ್ನೇಹಿತರಾಗಿದ್ದರು.

. ಭಾವನಾ ರೆಡ್ಡಿ ಮತ್ತು ವಿಜಯ್ ಸಿಂಗ್ ಹಿಂದೆ ಪ್ರೀತಿಸುತ್ತಿದ್ದರು. ಈ ವಿಚಾರವನ್ನು ವಿಜಯ್ ಸಿಂಗ್, ಭಾವನಾ ತಂದೆಗೂ ತಿಳಿಸಿದ್ದರು. ಆದರೆ ಇತ್ತೀಚೆಗೆ ಈ ಇಬ್ಬರು ಪ್ರೇಮಿಗಳ ನಡುವೆ ಮನಸ್ತಾಪವಿತ್ತು.

. ಜೂನ್ 16ರಂದು ಪುಲ್ಲಾರೆಡ್ಡಿ ಕರೆ ಮಾಡಿ ಪಾರ್ಟಿ ಮಾಡೋಣ ಎಂದಿದ್ದನು. ಅಂಗಟ್ಟ ಬಳಿಯ ವಿಲ್ಲಾವೊಂದರಲ್ಲಿ ಎಲ್ಲರೂ ಸೇರಿದ್ದೆವು. ಈ ವೇಳೆ ಪುಲ್ಲಾರೆಡ್ಡಿ ಮತ್ತು ಆತನ ಸಹಚರರಾದ ಸುಬ್ರಮಣಿ, ಸಿದ್ದೇಶ್, ಸುಧೀರ್ ನನ್ನ ಮೇಲೆ ಹಲ್ಲೆ ನಡೆಸಿದ್ದರು. ವಿಡಿಯೊ ಕರೆ ಮಾಡಿ ಹಲ್ಲೆ ನಡೆಸುವುದನ್ನು ಭಾವನಾ ರೆಡ್ಡಿಗೂ ತೋರಿಸಿದ್ದರು ಎಂದು ದೂರಿನಲ್ಲಿ ವಿಜಯ್ ಸಿಂಗ್ ವಿವರಿಸಿದ್ದರು.

. ಮರು ದಿನ ಸ್ಥಳಕ್ಕೆ ಬಂದ ಭಾವನಾ ರೆಡ್ಡಿ, ₹30 ಲಕ್ಷ ನೀಡಿದರೆ ಸುಮ್ಮನಿರುವುದಾಗಿ ತಿಳಿಸಿದರು. ತನ್ನ ಖಾತೆಯಲ್ಲಿದ್ದ ₹8 ಲಕ್ಷ ಹಾಗೂ ಲೋನ್ ಆ್ಯಪ್ ಮೂಲಕ ₹13 ಲಕ್ಷ ಸಾಲ ಪಡೆದು ಭಾವನಾ ಹೇಳಿದವರಿಗೆ ವರ್ಗಾಯಿಸಿದೆ. ಎರಡು ಮೊಬೈಲ್, ಲ್ಯಾಪ್ಟಾಪ್, ₹4 ಸಾವಿರ ನಗದು ಸಹ ಕಸಿದುಕೊಂಡರು ಎಂದು ವಿಜಯ್ ಸಿಂಗ್ ದೂರಿನಲ್ಲಿ ತಿಳಿಸಿದ್ದರು.

. ವಿಜಯ್ ಸಿಂಗ್ಗೆ, ಪುಲ್ಲಾರೆಡ್ಡಿಯ ಪತ್ನಿಯ ಜೊತೆ ಸಲುಗೆ ಇತ್ತು. ಇದು ಸಹ ಪರಸ್ಪರ ವೈಷ್ಯಮ್ಯಕ್ಕೆ ಕಾರಣ. ಎಲ್ಲ ಆಯಾಮದಿಂದ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

. ಇವರ ನಡುವೆ ಪರಸ್ಪರ ದ್ವೇಷವಿತ್ತು. ಪ್ರಕರಣ ಸಂಬಂಧ ಹುಬ್ಬಳ್ಳಿಯಲ್ಲಿ ಇಬ್ಬರನ್ನು ವಶಕ್ಕೆ ಪಡೆಯಲಾಗಿದೆ. ವಿಚಾರಣೆ ನಂತರ ಹೆಚ್ಚಿನ ಮಾಹಿತಿ ತಿಳಿಯಲಿದೆ. ಡಿ.ಎಲ್.ನಾಗೇಶ್ ಎಸ್ಪಿ ಚಿಕ್ಕಬಳ್ಳಾಪುರ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿಕ್ಕಬಳ್ಳಾಪುರ| ₹21 ಲಕ್ಷ ಸುಲಿಗೆ; ಮಾಜಿ ಪ್ರಿಯತಮೆ ಸೆರೆ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು