ಚಿಂತಾಮಣಿ: ಮುರುಗಮಲ್ಲ ದರ್ಗಾಗೆ ತೆಲುಗು ನಟ ಅಲಿ ಭೇಟಿ

ಚಿಂತಾಮಣಿ: ಹಿಂದು-ಮುಸ್ಲಿಂ ಭಾವೈಕ್ಯ ಕೇಂದ್ರ ತಾಲ್ಲೂಕಿನ ಮುರುಗಮಲ್ಲ ಗ್ರಾಮದ ಅಮ್ಮಾಜಾನ್ ಬಾವಾಜಾನ್ ದರ್ಗಾಗೆ ತೆಲುಗು ಚಿತ್ರ ರಂಗದ ಹಾಸ್ಯ ನಟ ಅಲಿ ಮತ್ತು ಪತ್ನಿ ಜುಬೇದಾ ಬುಧವಾರ ಭೇಟಿ ನೀಡಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.

ದರ್ಗಾದ ಮೌಲ್ವಿಗಳು ಹಾಸ್ಯ ನಟ ಅಲಿ ಮತ್ತು ಅವರ ಕುಟುಂಬವನ್ನು ದರ್ಗಾಗೆ ಸ್ವಾಗತಿಸಿ ವಿಶೇಷ ಪೂಜೆ ಹಾಗೂ ಪ್ರಾರ್ಥನೆಗೆ ಅವಕಾಶ ಮಾಡಿದ್ದರು.ಕೆಂಚಾರ್ಲಹಳ್ಳಿ ಠಾಣೆಯ ಸಬ್ ಇನ್ಸ್ ಸ್ಪೆಕ್ಟರ್ ನಾರಾಯಣಪ್ಪ ಮತ್ತು ಸಿಬ್ಬಂದಿ ಸೂಕ್ತ ಬಂದೋ ಬಸ್ತ್ ಏರ್ಪಡಿಸಿದ್ದರು.

ಆಂಧ್ರ ಪ್ರದೇಶದ ಗಡಿ ಭಾಗವಾದ ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ಸಮೀಪ ಚಿತ್ರೀಕರಣಕ್ಕೆ ಆಗಮಿಸಿದ್ದು ದರ್ಗಾದ ಮಹತ್ವದ ಕುರಿತು ಗೊತ್ತಾಯಿತು. ಹೀಗಾಗಿ ದರ್ಗಾದಲ್ಲಿ ವಿಶೇಷ ಪ್ರಾರ್ಥನೆ ಮತ್ತು ಪೂಜೆ ಸಲ್ಲಿಸಲು ಭೇಟಿ ನೀಡಿದ್ದೆ ಎಂದು ಅಲಿ ಸುದ್ದಿಗಾರರಿಗೆ ತಿಳಿಸಿದರು.