ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಮರೆತ ಪುಟಗಳು: ಅನಾಮಿಕ ಹೋರಾಟಗಾರರ ಹೆಸರು ಪತ್ತೆ

ತಳಗವಾರದ ಟಿ.ವಿ.ನಾಗರಾಜ ಅವರು ಚಿಂತಾಮಣಿಗೆ ಸಂಬಂಧಿಸಿದಂತೆ ದಾಖಲೆ ಹುಡುಕುವಾಗ ಶಿಡ್ಲಘಟ್ಟ ತಾಲ್ಲೂಕಿನ ಸ್ವಾತಂತ್ರ್ಯ ಹೋರಾಟಗಾರರ ಈ ಪಟ್ಟಿ ಲಭಿಸಿದೆ. ಆ ಮೂಲಕ ಹಲವು ಅನಾಮಿಕರಾಗಿದ್ದ ಹೋರಾಟಗಾರರ ಹೆಸರು ಪತ್ತೆಯಾಗಿದೆ.

‘1939 ರ ಆಗಸ್ಟ್ 27 ರಂದು ಊರ್‌ಗಾಂವ್ (ಕೆ.ಜಿ.ಎಫ್) ನಲ್ಲಿ ನಡೆಯಲಿರುವ ಸತ್ಯಾಗ್ರಹದಲ್ಲಿ ಭಾಗವಹಿಸಲೆಂದು ಕೆಲವು ಕಾಂಗ್ರೆಸ್ ಕಾರ್ಯಕರ್ತರು ಬೌರಿಂಗ್ ಪೇಟೆ (ಬಂಗಾರುಪೇಟೆ) ಗೆ ಬಂದಿರುವರೆಂದು ಮಾಹಿತಿ ಲಭಿಸಿತು. ಅವರು ಹತ್ತು ಮಂದಿಯ ಬಗ್ಗೆ ಮಾಹಿತಿ ಪಡೆದು ದಸ್ತಗಿರಿ ಮಾಡಲಾಯಿತು’.

‘ಅವರಿಂದ ತಿಳಿದು ಬಂದ ಮಾಹಿತಿ ಪ್ರಕಾರ, ಚಿಕ್ಕಬಳ್ಳಾಪುರದ ಕಾಂಗ್ರೆಸ್ ಸಂಘಟನಾ ಕಾರ್ಯದರ್ಶಿ ಸಂಪತ್ ಕುಮಾರನ್ ಅವರು ಮುಂದಿನ ಸೆಪ್ಟೆಂಬರ್ ತಿಂಗಳಿನಲ್ಲಿ ಇನ್ನಷ್ಟು ಕಾಂಗ್ರೆಸ್ ಕಾರ್ಯಕರ್ತರನ್ನು ಕಳಿಸುವವರಿದ್ದಾರೆ. ಲಭಿಸಿರುವ ರಹಸ್ಯ ಮಾಹಿತಿ ಪ್ರಕಾರ ಈ ಕಾರ್ಯಕರ್ತರೆಲ್ಲಾ ಕೆಜಿಎಫ್‌ನಲ್ಲಿ ಸೆಕ್ಷನ್ 39ರ ಕಾಯ್ದೆಯನ್ನು ಉಲ್ಲಂಘಿಸಿ, ಸತ್ಯಾಗ್ರಹ ನಡೆಸಲಿದ್ದಾರೆ’ ಎಂದು ವರದಿ ನೀಡುತ್ತಾ ಕೆಜಿಎಫ್‌ನ ಸ್ಪೆಷಲ್ ಸೂಪರಿಂಡೆಂಟ್ ಆಫ್ ಪೊಲೀಸ್ ಅವರು, 1939ರ ಸೆಪ್ಟೆಂಬರ್ 6 ರಂದು ದಸ್ತಗಿರಿ ಮಾಡಿರುವ 39 ಮಂದಿ ಕಾರ್ಯಕರ್ತರ ಪಟ್ಟಿ ನೀಡಿದ್ದಾರೆ. ಬಂಧಿತರ, ಊರು, ವಯಸ್ಸು, ಜಾತಿ, ತಂದೆ ಹೆಸರು ಪಟ್ಟಿಯಲ್ಲಿದೆ.

1939ರ ಆಗಸ್ಟ್ 27ರಂದು ದಸ್ತಗಿರಿ ಮಾಡಿರುವ ಹತ್ತು ಮಂದಿಯಲ್ಲಿ 8 ಮಂದಿ ಶಿಡ್ಲಘಟ್ಟ ತಾಲ್ಲೂಕಿನ ಕೊತ್ತನೂರು ಗ್ರಾಮದವರು. ಅವರ ಹೆಸರು ಹೀಗಿವೆ:

ಗಂಗಾಧರಸ್ವಾಮಿ (48), ಕೆ.ಎನ್.ಪಾಪಣ್ಣ (23), ಕೆ.ವೆಂಕಟಸುಬ್ಬಾರೆಡ್ಡಿ (30), ಎ.ವೆಂಕಟರಾಯಪ್ಪ (30), ಆರ್.ವೆಂಕಟಸುಬ್ಬಾರೆಡ್ಡಿ (28), ವೀರಪ್ಪರೆಡ್ಡಿ (28), ಮುನಿಕೆಂಚಪ್ಪ (24), ನರಸಪ್ಪ (25).

1939ರ ಸೆಪ್ಟೆಂಬರ್ 6 ರಂದು ದಸ್ತಗಿರಿ ಮಾಡಿರುವ 39 ಮಂದಿ ಕಾರ್ಯಕರ್ತರಲ್ಲಿ 33 ಮಂದಿ ಶಿಡ್ಲಘಟ್ಟ ತಾಲ್ಲೂಕಿನವರು. ಅವರ ಹೆಸರು:

ಮಳ್ಳೂರು ಗ್ರಾಮದವರು ಪಿಳ್ಳಮುನಿರಾಮಯ್ಯ (23), ಮುನಿಯಪ್ಪ (20), ಹನುಮಂತಪ್ಪ (20), ಪಿ.ಮುನಿಶಾಮಯ್ಯ (19),

ಮೇಲೂರು ಗ್ರಾಮದವರು: ಮುನಿಶಾಮಪ್ಪ (30), ಬಚ್ಚಪ್ಪ (25), ಸಿದ್ದಯ್ಯ (20), ಜಿ.ಪಾಪಣ್ಣ (25), ಸಿ.ನಂಜುಂಡಪ್ಪ (20), ಎ.ತಮ್ಮಣ್ಣ (20), ಎಚ್.ನಾರಾಯಣಪ್ಪ(20).

ಕಂಬದಹಳ್ಳಿ ಗ್ರಾಮದವರು: ಪಿಳ್ಳಪ್ಪ (20), ಜಿ.ಮುನಿಶಾಮಯ್ಯ (25),

ಭಕ್ತರಹಳ್ಳಿ ಗ್ರಾಮದವರು: ಕೆ.ಮಾರಪ್ಪ (20), ಕೆ.ನಂಜುಂಡಯ್ಯ (19), ಮುನಿತಮ್ಮಣ್ಣ (40), ಆರ್.ವಿ.ಮುನಿಶಾಮಯ್ಯ (23), ಈರಪ್ಪ (25), ರಂಗಪ್ಪ (30), ಬಿ.ನಾರಾಯಣಪ್ಪ (22), ಕ್ಯಾತಪ್ಪ (25).

ಮಳಮಾಚನಹಳ್ಳಿ ಗ್ರಾಮದವರು: ಎಚ್.ಕೆ.ಚನ್ನಬಸಪ್ಪ (23), ಕೆ.ಬಸವಾಚಾರಿ (25), ನಂಜುಂಡಯ್ಯ (25), ನರಸಿಂಹಯ್ಯ (26), ದಾಸಪ್ಪ (22), ನಾರಾಯಣಪ್ಪ (22), ರಾಮಯ್ಯ (20)

ಮುತ್ತುಗದಹಳ್ಳಿ ಗ್ರಾಮದವರು: ನರಸಪ್ಪ (25), ಎಂ.ಬಿ.ನಾರಾಯಣಗೌಡ (28), ಪಿಳ್ಳಪ್ಪ (20)

ಕೊತ್ತನೂರಿನ ಕೆ.ವೆಂಕಟಸುಬ್ಬಾರೆಡ್ಡಿ(30), ತುಮ್ಮನಹಳ್ಳಿಯ ಎಚ್.ನಾರಾಯಣಪ್ಪ (60)