<p>ಚಿಕ್ಕಮಗಳೂರು: ಕಾಫಿ ರಫ್ತು ಮಾಡಲು ಜಿಲ್ಲಾಡಳಿತ ಹಾಗೂ ಸರ್ಕಾರದ ಆರ್ಥಿಕ ಸಹಾಯ ಅಗತ್ಯ ಎಂದು ಹಾಸನ ಮೆಗಾ ಫುಡ್ ಪಾರ್ಕ್ ಸಿಇಒ ಅಶೋಕ್ ಹೇಳಿದರು.</p>.<p>‘ಕಳೆದ ತಿಂಗಳು ಅಮೆರಿಕ ಮೂಲದ ಒಂದು ಸಂಸ್ಥೆಗೆ ಮೂಡಿಗೆರೆ ತಾಲ್ಲೂಕಿನ ಬಾಳೂರು ಹೋಬಳಿ ಚಂದುವಳ್ಳಿ ಗ್ರಾಮದ ರೈತ ಜಾನ್ ಸಂತೋಷ ಡಿಸೋಜ ಅವರ ರೊಬಸ್ಟಾ ಕಾಫಿ ಮಾದರಿಯನ್ನು ಕಳಿಸಿದ್ದೆವು. ಆ ಮಾದರಿಯು ಅಮೆರಿಕಾ ಮತ್ತು ಯುರೋಪ್ ದೇಶಗಳ ಗುಣಮಟ್ಟದ ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡಿದೆ. ಅದರಂತೆ ಸುಮಾರು ₹2 ಕೋಟಿ ಮೌಲ್ಯದ ಕಾಫಿ ರಫ್ತು ಆದೇಶ ಅದೇ ಸಂಸ್ಥೆಯಿಂದ ಬಂದಿತ್ತು. ಅದರಂತೆ ನಾವು ಹಣಕಾಸು ವ್ಯವಸ್ಥೆ ಮಾಡಿಕೊಂಡಿದ್ದೇವೆ’ ಎಂದು ಸುದ್ದಿಗೋಷ್ಠಿಯಲ್ಲಿ ಬುಧವಾರ ಹೇಳಿದರು.</p>.<p>ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಶೇ 50ರಷ್ಟು ಪ್ರತಿಸುಂಕ ನಿರ್ಧಾರವು ರಫ್ತು ಮಾಡಲು ಆರ್ಥಿಕವಾಗಿ ಹೊರೆ ತಂದಿದೆ. ಆದ್ದರಿಂದ ರಫ್ತು ಕೈ ಬಿಡಬೇಕೊ ಅಥವಾ ಮುಂದುವರೆಸಬೇಕೊ ಗೊತ್ತಾಗುತ್ತಿಲ್ಲ ಎಂದು ಹೇಳಿದರು.</p>.<p>‘ನಮ್ಮದು ನವೋದ್ಯಮ ಸಂಸ್ಥೆಯಾಗಿದ್ದು, ಸರ್ಕಾರದ 2024ರ ವಿಜೇತ ಸಂಸ್ಥೆಯಾಗಿ ಗುರುತಿಸಿಕೊಂಡಿದೆ. ನಾವು ಈ ಹಿಂದೆ ತೆಂಗಿನಕಾಯಿ 6 ಬಾರಿ ಮಾದರಿ ಕಳುಹಿಸಿ 7ನೇ ಬಾರಿಗೆ ರಫ್ತು ಆದೇಶ ಪಡೆದುಕೊಂಡಿದ್ದೇವೆ. ಆದರೆ, ಕಾಫಿ ವಿಷಯದಲ್ಲಿ ಮೊದಲ ಬಾರಿಗೆ ಕಳುಹಿಸಿದ ಮಾದರಿ ಗುಣಮಟ್ಟದ ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡಿದೆ’ ಎಂದು ತಿಳಿಸಿದರು.</p>.<p>‘ಒಂದು ದೇಶಕ್ಕೆ ರಫ್ತು ಎಷ್ಟು ಮುಖ್ಯ ಎನ್ನುವುದು ಜಿಲ್ಲಾಡಳಿತ ಮನಗಂಡು ನಮ್ಮ ಸಂಸ್ಥೆಗೆ ಆರ್ಥಿಕವಾಗಿ ಸಹಾಯ ಮಾಡಬೇಕು’ ಎಂದು ಮನವಿ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಚಿಕ್ಕಮಗಳೂರು: ಕಾಫಿ ರಫ್ತು ಮಾಡಲು ಜಿಲ್ಲಾಡಳಿತ ಹಾಗೂ ಸರ್ಕಾರದ ಆರ್ಥಿಕ ಸಹಾಯ ಅಗತ್ಯ ಎಂದು ಹಾಸನ ಮೆಗಾ ಫುಡ್ ಪಾರ್ಕ್ ಸಿಇಒ ಅಶೋಕ್ ಹೇಳಿದರು.</p>.<p>‘ಕಳೆದ ತಿಂಗಳು ಅಮೆರಿಕ ಮೂಲದ ಒಂದು ಸಂಸ್ಥೆಗೆ ಮೂಡಿಗೆರೆ ತಾಲ್ಲೂಕಿನ ಬಾಳೂರು ಹೋಬಳಿ ಚಂದುವಳ್ಳಿ ಗ್ರಾಮದ ರೈತ ಜಾನ್ ಸಂತೋಷ ಡಿಸೋಜ ಅವರ ರೊಬಸ್ಟಾ ಕಾಫಿ ಮಾದರಿಯನ್ನು ಕಳಿಸಿದ್ದೆವು. ಆ ಮಾದರಿಯು ಅಮೆರಿಕಾ ಮತ್ತು ಯುರೋಪ್ ದೇಶಗಳ ಗುಣಮಟ್ಟದ ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡಿದೆ. ಅದರಂತೆ ಸುಮಾರು ₹2 ಕೋಟಿ ಮೌಲ್ಯದ ಕಾಫಿ ರಫ್ತು ಆದೇಶ ಅದೇ ಸಂಸ್ಥೆಯಿಂದ ಬಂದಿತ್ತು. ಅದರಂತೆ ನಾವು ಹಣಕಾಸು ವ್ಯವಸ್ಥೆ ಮಾಡಿಕೊಂಡಿದ್ದೇವೆ’ ಎಂದು ಸುದ್ದಿಗೋಷ್ಠಿಯಲ್ಲಿ ಬುಧವಾರ ಹೇಳಿದರು.</p>.<p>ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಶೇ 50ರಷ್ಟು ಪ್ರತಿಸುಂಕ ನಿರ್ಧಾರವು ರಫ್ತು ಮಾಡಲು ಆರ್ಥಿಕವಾಗಿ ಹೊರೆ ತಂದಿದೆ. ಆದ್ದರಿಂದ ರಫ್ತು ಕೈ ಬಿಡಬೇಕೊ ಅಥವಾ ಮುಂದುವರೆಸಬೇಕೊ ಗೊತ್ತಾಗುತ್ತಿಲ್ಲ ಎಂದು ಹೇಳಿದರು.</p>.<p>‘ನಮ್ಮದು ನವೋದ್ಯಮ ಸಂಸ್ಥೆಯಾಗಿದ್ದು, ಸರ್ಕಾರದ 2024ರ ವಿಜೇತ ಸಂಸ್ಥೆಯಾಗಿ ಗುರುತಿಸಿಕೊಂಡಿದೆ. ನಾವು ಈ ಹಿಂದೆ ತೆಂಗಿನಕಾಯಿ 6 ಬಾರಿ ಮಾದರಿ ಕಳುಹಿಸಿ 7ನೇ ಬಾರಿಗೆ ರಫ್ತು ಆದೇಶ ಪಡೆದುಕೊಂಡಿದ್ದೇವೆ. ಆದರೆ, ಕಾಫಿ ವಿಷಯದಲ್ಲಿ ಮೊದಲ ಬಾರಿಗೆ ಕಳುಹಿಸಿದ ಮಾದರಿ ಗುಣಮಟ್ಟದ ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡಿದೆ’ ಎಂದು ತಿಳಿಸಿದರು.</p>.<p>‘ಒಂದು ದೇಶಕ್ಕೆ ರಫ್ತು ಎಷ್ಟು ಮುಖ್ಯ ಎನ್ನುವುದು ಜಿಲ್ಲಾಡಳಿತ ಮನಗಂಡು ನಮ್ಮ ಸಂಸ್ಥೆಗೆ ಆರ್ಥಿಕವಾಗಿ ಸಹಾಯ ಮಾಡಬೇಕು’ ಎಂದು ಮನವಿ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
