ಶುಕ್ರವಾರ ತಡರಾತ್ರಿ ಆರಂಭವಾದ ಮಳೆ ಶನಿವಾರ ನಸುಕಿನವರೆಗೆ ಸುರಿದಿದೆ. ಆಗಾಗ ಬಿಡುವು ನೀಡುತ್ತಿದ್ದ ಮಳೆ, ಗುಡುಗು, ಮಿಂಚು ಸಹಿತ ಬಿರುಸಾಗಿ ಬಂದಿದೆ. ಕೆರೆ, ಕಟ್ಟೆ, ಚೆಕ್ ಡ್ಯಾಮ್ಗಳಿಗೆ ನೀರು ಹರಿದು ಬಂದಿದೆ.
ಹೊಳಲ್ಕೆರೆ ತಾಲ್ಲೂಕಿನ ರಾಮಗಿರಿಯಲ್ಲಿ 6.8 ಸೆಂ.ಮೀ, ಹೊಳಲ್ಕೆರೆಯಲ್ಲಿ 6 ಸೆಂ.ಮೀ, ನಾಯಕನಹಟ್ಟಿಯಲ್ಲಿ 6.5 ಸೆಂ.ಮೀ, ಚಳ್ಳಕೆರೆಯಲ್ಲಿ 5 ಸೆಂ.ಮೀ, ಚಿತ್ರದುರ್ಗ, ಸಿರಿಗೆರೆ, ಮೊಳಕಾಲ್ಮುರು ತಾಲ್ಲೂಕಿನ ರಾಯಪುರ, ಬಿ.ಜಿ.ಕೆರೆ, ಹಿರಿಯೂರು ತಾಲ್ಲೂಕಿನ ಸೂಗೂರು, ಬಬ್ಬೂರಿನಲ್ಲಿ 4 ಸೆಂ.ಮೀ ಮಳೆ ಸುರಿದಿದೆ.
