ಮೊಳಕಾಲ್ಮುರು | ಬಿಸಿಲು: ಮೇವಿಲ್ಲದೇ ಜಾನುವಾರು ಹೈರಾಣು

ಬಿಸಿಲಿನ ತೀವ್ರತೆ ಹೆಚ್ಚಿರುವುದು ದಿನಗೂಲಿಗಳಿಗೆ ಹೆಚ್ಚು ಸಂಕಷ್ಟ ಉಂಟುಮಾಡಿದೆ. ಕೃಷಿ ಕಾರ್ಯ ಬೆಳಿಗ್ಗೆ 6.30ರಿಂದ ಕೆಲಸ ಆರಂಭವಾಗುತ್ತಿದೆ. ಕೆಲ ತೋಟದ ಮಾಲೀಕರು ಬಿಸಿಲಿನ ಝಳ ನೋಡಿ ಬೇಗ ಮನೆಗೆ ಕಳಿಸುತ್ತಾರೆ. ಮತ್ತೆ ಕೆಲವರು ಮಧ್ಯಾಹ್ನ 1 ಗಂಟೆ ತನಕ ಕೆಲಸ ಮಾಡಿ ಎಂದು ತಾಕೀತು ಮಾಡುತ್ತಾರೆ. ನಿತ್ಯ ₹ 200 ಕೂಲಿ ನೀಡುತ್ತಾರೆ. ಬಿಸಿಲಿನಿಂದ ಜ್ವರ ಬಂದಲ್ಲಿ ಆಸ್ಪತ್ರೆಗೆ ಖರ್ಚಿಗೆ ದುಪ್ಪಟ್ಟು ಕೊಡಬೇಕಿದೆ ಎಂದು ಕಾರ್ಮಿಕ ಮಹಿಳೆ ಶಾಂತಮ್ಮ ಅಳಲು ತೋಡಿಕೊಂಡರು. ಉದ್ಯೋಗ ಖಾತ್ರಿ ಯೋಜನೆ ಅಡಿ ಕೆಲಸ ಮಾಡಿದಲ್ಲಿ 3 ತಿಂಗಳಾದರೂ ಕೂಲಿ ನೀಡುವುದಿಲ್ಲ. ಅರ್ಜಿ ಹಾಕಿ ಕೆಲಸ ಮಾಡಿ ಪ್ರತಿಭಟನೆ ಮಾಡಿ ಕೂಲಿ ಪಡೆಯಬೇಕಿದೆ. ಆದ್ದರಿಂದ ಯೋಜನೆಗಳ ಸಹವಾಸ ಬೇಡ ಎಂದು ಅನೇಕ ಕಾರ್ಮಿಕರು ತಿಳಿಸಿದರು.