ಮಂಗಳೂರು: ಶಿಥಿಲಗೊಂಡ ಕಟ್ಟಡಗಳು– ಸರ್ಕಾರಿ ಶಾಲೆಗಳ ಅಳಲು

ಮೂಡುಬಿದಿರೆ ತಾಲ್ಲೂಕಿನ ಪುಚ್ಚೆಮೊಗರು ಗ್ರಾಮದ ಬಾವದಬೈಲು ಗ್ರಾಮೀಣ ಪ್ರದೇಶದಲ್ಲಿರುವ ನಿತ್ಯಾನಂದ ಅನುದಾನಿತ ಹಿ.ಪ್ರಾ.ಶಾಲೆಯ ಏಕೈಕ ಶಿಕ್ಷಕಿ ಅನುಪಮಾ ಜುಲೈನಲ್ಲಿ ನಿವೃತ್ತಿಯಾಗಲಿದ್ದಾರೆ.  ಸರ್ಕಾರ ಹೊಸ ಶಿಕ್ಷಕರನ್ನು ನೇಮಿಸದ ಕಾರಣ  ಈ ಶಾಲೆಯ  21 ವಿದ್ಯಾರ್ಥಿಗಳು ಬೇರೆಡೆ ದಾಖಲಾಗಿದ್ದಾರೆ. ಈ ಶಾಲೆಯ ಕಟ್ಟಡವೂ ಶಿಥಿಲವಾಗಿದ್ದು, ಚಾವಣಿಗೆ ಪ್ಲಾಸ್ಟಿಕ್‌ ಹೊದಿಸಲಾಗಿದೆ. 75 ವರ್ಷಗಳ ಹಿಂದೆ ತ್ಯಾಂಪಣ್ಣ ಶೆಟ್ಟಿ  ನೇತೃತ್ವದಲ್ಲಿ ಈ ಶಾಲೆಯನ್ನು ಆರಂಭಿಸಲಾಗಿತ್ತು.