<p><strong>ಮಂಗಳೂರು</strong>: ಬಿಡುವಿಲ್ಲದ ಕೆಲಸ ಸೃಷ್ಟಿಸುವ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿ, ದೇಹ ಮತ್ತು ಮನಸ್ಸನ್ನು ಕೊಂಚ ನಿರಾಳಗೊಳಿಸಲು ಪ್ರತಿದಿನ ಐದು ನಿಮಿಷವನ್ನು ಯೋಗ ಮತ್ತು ಪ್ರಾಣಾಯಾಮಕ್ಕೆ ಮೀಸಲಿಡಿ. ಇವು ನಿಮ್ಮ ಒತ್ತಡ ನಿವಾರಕಗಳಾಗಿ ಕೆಲಸ ಮಾಡುತ್ತವೆ...</p>.<p>ಉದ್ಯೋಗಿಗಳು ಕಚೇರಿಯಲ್ಲೇ ಕುಳಿತು ಮಾಡಬಹುದಾದ ಸುಲಭ ಯೋಗ ಮತ್ತು ಪ್ರಾಣಾಯಾಮವನ್ನು ಆಯುಷ್ ಮಂತ್ರಾಲಯ ಪರಿಚಯಿಸಿದೆ. ಇದಕ್ಕಾಗಿಯೇ ರೂಪಿತವಾಗಿರುವ ‘y-break’ ಎಂಬ ಆ್ಯಪ್ ಹಲವರ ಮನಗೆದ್ದಿದೆ ಎನ್ನುವ ವೆನ್ಲಾಕ್ ಆಸ್ಪತ್ರೆಯ ಆಯುಷ್ ವಿಭಾಗದ ಯೋಗ ಮತ್ತು ಪ್ರಕೃತಿ ಚಿಕಿತ್ಸೆ ವೈದ್ಯಾಧಿಕಾರಿ ಡಾ. ಪ್ರಕಾಶ್ ಎ.ಜೆ ಅವರು ಈ ಆ್ಯಪ್ನ ಉಪಯೋಗದ ಬಗ್ಗೆ ‘ಪ್ರಜಾವಾಣಿ’ ಜೊತೆ ಮಾಹಿತಿ ಹಂಚಿಕೊಂಡಿದ್ದಾರೆ.</p>.<p>ಪ್ರಾಣಾಯಾಮ, ನಿಂತು ಮಾಡಬಹುದಾದ ಆಸನಗಳು, ಧ್ಯಾನ ಈ ಮೂರನ್ನು ಆ್ಯಪ್ನಲ್ಲಿ ಕೇಂದ್ರೀಕರಿಸಲಾಗಿದೆ. ಅವು ಇಲ್ಲಿವೆ.</p>.<p>ಭ್ರಾಮರಿ ಪ್ರಾಣಾಯಾಮ: ಇದು ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುತ್ತದೆ, ನಿದ್ರಾಹೀನತೆಯಿಂದ ಬಳಲುವವರ ಸಮಸ್ಯೆಯನ್ನು ಕಡಿಮೆ ಮಾಡುತ್ತದೆ. </p>.<p><strong>ನಾಡಿಶುದ್ಧಿ ಪ್ರಾಣಾಯಾಮ:</strong> ಪ್ರತಿನಿತ್ಯ ಇದನ್ನು ಮಾಡುವುದರಿಂದ ದೇಹ ಶುದ್ಧಗೊಳುತ್ತದೆ, ಅಧಿಕ ರಕ್ತದೊತ್ತಡ ಕಡಿಮೆ ಮಾಡಿ, ಸ್ಮರಣಶಕ್ತಿ ಮತ್ತು ಏಕಾಗ್ರತೆ ಹೆಚ್ಚಿಸಲು ಸಹಕಾರಿ.</p>.<p>ತಾಡಾಸನ, ಊರ್ಧ್ವ ಹಸ್ತೋತ್ಥಾನಾಸನ, ಸ್ಕಂದ ಚಕ್ರಾಸನ, ಉತ್ಥಾನ ಮಂಡೂಕಾಸನ, ಕಟಿ ಚಕ್ರಾಸನ, ಅರ್ಧ ಚಕ್ರಾಸನ, ಪ್ರಸರಿತ ಪಾದೋತ್ಥಾನಾಸನ ಇವುಗಳನ್ನು ಕಚೇರಿಯಲ್ಲಿ ಯಾವುದೇ ಸಮಯದಲ್ಲೂ ಮಾಡಬಹುದು. ಬಹುಹೊತ್ತು ಕುಳಿತು ಕೆಲಸ ಮಾಡುವವರು ಈ ಆಸನಗಳನ್ನು ಅಭ್ಯಾಸ ಮಾಡಿದರೆ, ಭುಜಗಳು ಬಲಗೊಳ್ಳುತ್ತವೆ, ಕಾಲು ಸದೃಢವಾಗುತ್ತದೆ, ದೇಹ ನಿರಾಳವಾಗುತ್ತದೆ, ಸೊಂಟದ ಭಾಗದಲ್ಲಿರುವ ಬೊಜ್ಜು ಕರಗುತ್ತದೆ. ವೈ ಬ್ರೇಕ್ ಆ್ಯಪ್ ಅನ್ನು ಪ್ಲೇ ಸ್ಟೋರ್ನಿಂದ ಡೌನ್ಲೋಡ್ ಮಾಡಿಕೊಳ್ಳಬಹುದು ಎನ್ನುತ್ತಾರೆ ಡಾ. ಪ್ರಕಾಶ್.</p>.<p>ಡಿ–ಸ್ಟ್ರೆಸ್, ರಿ–ಫ್ರೆಶ್, ರಿ–ಫೋಕಸ್ ಈ ಮೂರು ಅಂಶಗಳು ಇವುಗಳಲ್ಲಿ ಅಡಕವಾಗಿವೆ. ಅಲ್ಲದೆ, ಇದು ವೈಜ್ಞಾನಿಕವಾಗಿ ದೃಢಪಟ್ಟಿದೆ. ನಿತ್ಯ ಅಭ್ಯಾಸ ಮಾಡುತ್ತಿರುವ ಹಲವರಿಗೆ ಇದು ಅನುಭವಕ್ಕೆ ನಿಲುಕಿದೆ ಎಂಬುದು ಅವರ ಅಭಿಪ್ರಾಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು</strong>: ಬಿಡುವಿಲ್ಲದ ಕೆಲಸ ಸೃಷ್ಟಿಸುವ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿ, ದೇಹ ಮತ್ತು ಮನಸ್ಸನ್ನು ಕೊಂಚ ನಿರಾಳಗೊಳಿಸಲು ಪ್ರತಿದಿನ ಐದು ನಿಮಿಷವನ್ನು ಯೋಗ ಮತ್ತು ಪ್ರಾಣಾಯಾಮಕ್ಕೆ ಮೀಸಲಿಡಿ. ಇವು ನಿಮ್ಮ ಒತ್ತಡ ನಿವಾರಕಗಳಾಗಿ ಕೆಲಸ ಮಾಡುತ್ತವೆ...</p>.<p>ಉದ್ಯೋಗಿಗಳು ಕಚೇರಿಯಲ್ಲೇ ಕುಳಿತು ಮಾಡಬಹುದಾದ ಸುಲಭ ಯೋಗ ಮತ್ತು ಪ್ರಾಣಾಯಾಮವನ್ನು ಆಯುಷ್ ಮಂತ್ರಾಲಯ ಪರಿಚಯಿಸಿದೆ. ಇದಕ್ಕಾಗಿಯೇ ರೂಪಿತವಾಗಿರುವ ‘y-break’ ಎಂಬ ಆ್ಯಪ್ ಹಲವರ ಮನಗೆದ್ದಿದೆ ಎನ್ನುವ ವೆನ್ಲಾಕ್ ಆಸ್ಪತ್ರೆಯ ಆಯುಷ್ ವಿಭಾಗದ ಯೋಗ ಮತ್ತು ಪ್ರಕೃತಿ ಚಿಕಿತ್ಸೆ ವೈದ್ಯಾಧಿಕಾರಿ ಡಾ. ಪ್ರಕಾಶ್ ಎ.ಜೆ ಅವರು ಈ ಆ್ಯಪ್ನ ಉಪಯೋಗದ ಬಗ್ಗೆ ‘ಪ್ರಜಾವಾಣಿ’ ಜೊತೆ ಮಾಹಿತಿ ಹಂಚಿಕೊಂಡಿದ್ದಾರೆ.</p>.<p>ಪ್ರಾಣಾಯಾಮ, ನಿಂತು ಮಾಡಬಹುದಾದ ಆಸನಗಳು, ಧ್ಯಾನ ಈ ಮೂರನ್ನು ಆ್ಯಪ್ನಲ್ಲಿ ಕೇಂದ್ರೀಕರಿಸಲಾಗಿದೆ. ಅವು ಇಲ್ಲಿವೆ.</p>.<p>ಭ್ರಾಮರಿ ಪ್ರಾಣಾಯಾಮ: ಇದು ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುತ್ತದೆ, ನಿದ್ರಾಹೀನತೆಯಿಂದ ಬಳಲುವವರ ಸಮಸ್ಯೆಯನ್ನು ಕಡಿಮೆ ಮಾಡುತ್ತದೆ. </p>.<p><strong>ನಾಡಿಶುದ್ಧಿ ಪ್ರಾಣಾಯಾಮ:</strong> ಪ್ರತಿನಿತ್ಯ ಇದನ್ನು ಮಾಡುವುದರಿಂದ ದೇಹ ಶುದ್ಧಗೊಳುತ್ತದೆ, ಅಧಿಕ ರಕ್ತದೊತ್ತಡ ಕಡಿಮೆ ಮಾಡಿ, ಸ್ಮರಣಶಕ್ತಿ ಮತ್ತು ಏಕಾಗ್ರತೆ ಹೆಚ್ಚಿಸಲು ಸಹಕಾರಿ.</p>.<p>ತಾಡಾಸನ, ಊರ್ಧ್ವ ಹಸ್ತೋತ್ಥಾನಾಸನ, ಸ್ಕಂದ ಚಕ್ರಾಸನ, ಉತ್ಥಾನ ಮಂಡೂಕಾಸನ, ಕಟಿ ಚಕ್ರಾಸನ, ಅರ್ಧ ಚಕ್ರಾಸನ, ಪ್ರಸರಿತ ಪಾದೋತ್ಥಾನಾಸನ ಇವುಗಳನ್ನು ಕಚೇರಿಯಲ್ಲಿ ಯಾವುದೇ ಸಮಯದಲ್ಲೂ ಮಾಡಬಹುದು. ಬಹುಹೊತ್ತು ಕುಳಿತು ಕೆಲಸ ಮಾಡುವವರು ಈ ಆಸನಗಳನ್ನು ಅಭ್ಯಾಸ ಮಾಡಿದರೆ, ಭುಜಗಳು ಬಲಗೊಳ್ಳುತ್ತವೆ, ಕಾಲು ಸದೃಢವಾಗುತ್ತದೆ, ದೇಹ ನಿರಾಳವಾಗುತ್ತದೆ, ಸೊಂಟದ ಭಾಗದಲ್ಲಿರುವ ಬೊಜ್ಜು ಕರಗುತ್ತದೆ. ವೈ ಬ್ರೇಕ್ ಆ್ಯಪ್ ಅನ್ನು ಪ್ಲೇ ಸ್ಟೋರ್ನಿಂದ ಡೌನ್ಲೋಡ್ ಮಾಡಿಕೊಳ್ಳಬಹುದು ಎನ್ನುತ್ತಾರೆ ಡಾ. ಪ್ರಕಾಶ್.</p>.<p>ಡಿ–ಸ್ಟ್ರೆಸ್, ರಿ–ಫ್ರೆಶ್, ರಿ–ಫೋಕಸ್ ಈ ಮೂರು ಅಂಶಗಳು ಇವುಗಳಲ್ಲಿ ಅಡಕವಾಗಿವೆ. ಅಲ್ಲದೆ, ಇದು ವೈಜ್ಞಾನಿಕವಾಗಿ ದೃಢಪಟ್ಟಿದೆ. ನಿತ್ಯ ಅಭ್ಯಾಸ ಮಾಡುತ್ತಿರುವ ಹಲವರಿಗೆ ಇದು ಅನುಭವಕ್ಕೆ ನಿಲುಕಿದೆ ಎಂಬುದು ಅವರ ಅಭಿಪ್ರಾಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>