ಶುಕ್ರವಾರ, ಜುಲೈ 30, 2021
20 °C

ದಾವಣಗೆರೆ | ಲಾಕ್‌ಡೌನ್ ವೇಳೆ ₹181.12 ಕೋಟಿ ಜಿಎಸ್‌ಟಿ ಸಂಗ್ರಹ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ದಾವಣಗೆರೆ: ಮಾರ್ಚ್ 23ರಿಂದ ಜೂನ್ ತಿಂಗಳವರೆಗೆ ಲಾಕ್‌ಡೌನ್ ಸಂದರ್ಭ ದಾವಣಗೆರೆ ವಿಭಾಗೀಯ ಮಟ್ಟದಲ್ಲಿ ₹2.86 ಕೋಟಿ ಮೌಲ್ಯವರ್ಧಿತ ತೆರಿಗೆ (ವ್ಯಾಟ್‌) ಸಂದಾಯವಾಗಿದೆ ಎಂದು ದಾವಣಗೆರೆ ಜಿಲ್ಲಾ ತೆರಿಗೆ ಸಲಹೆಗಾರರ ಸಂಘದ ಅಧ್ಯಕ್ಷ ಜಂಬಿಗಿ ರಾಧೇಶ್ ತಿಳಿಸಿದ್ದಾರೆ.

‘ಏಪ್ರಿಲ್, ಮೇ ಹಾಗೂ ಜೂನ್ ಈ ಮೂರು ತಿಂಗಳ ಅವಧಿಯಲ್ಲಿ ₹62 ಲಕ್ಷ ಪ್ರವೇಶ ತೆರಿಗೆ ಹಾಗೂ ₹181.12 ಕೋಟಿ ಸರಕು ಮತ್ತು ಸೇವಾ ತೆರಿಗೆ ಸಂಗ್ರಹವಾಗಿದೆ.  2020-21ರ ಅವಧಿಯಲ್ಲಿ ಆದಾಯ ತೆರಿಗೆ ಮೊದಲ ಕಂತು ಜೂನ್ 15ರವರೆಗೆ ಮುಂಗಡ ತೆರಿಗೆಯ ಮೊತ್ತ ₹50 ಕೋಟಿ ಸಂಗ್ರಹವಾಗಿದೆ’ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ

‘ದಾವಣಗೆರೆ ವಿಭಾಗಿಯ ಸಣ್ಣ ಹಾಗೂ ದೊಡ್ಡ ವ್ಯಾಪಾರಿಗಳು, ದಲ್ಲಾಳಿ ವರ್ತಕರು, ಖರೀದಿ ಮತ್ತು ಅಡಿಕೆ ವರ್ತಕರು, ಬೆಳ್ಳಿ ಬಂಗಾರದ ವರ್ತಕರು ಮುಂದಿನ ದಿನಗಳಲ್ಲಿ ವಿಕ್ರಿ ಬಿಲ್ಲನ್ನು ಕೊಟ್ಟು ಹೆಚ್ಚಿನ ತೆರಿಗೆಯನ್ನು ಪಾವತಿಸಬೇಕು. ಇಲ್ಲದ ಪಕ್ಷದಲ್ಲಿ ಆದಾಯ ತೆರಿಗೆ ಮತ್ತು ವಾಣಿಜ್ಯ ತೆರಿಗೆಯ ಅಧಿಕಾರಿಗಳು ಭೇಟಿ ನೀಡಿ ವಹಿವಾಟಿನ ಪುಸ್ತಕಗಳನ್ನು ಪರಿಶೀಲಿಸಿ ತೆರಿಗೆ, ದಂಡ ಮತ್ತು ಬಡ್ಡಿ ವಿಧಿಸುತ್ತಾರೆ. ಆದ್ದರಿಂದ ಇದಕ್ಕೆ ಅವಕಾಶ ಕೊಡಬೇಡಿ’ ಎಂದು ಅವರು ಮನವಿ ಮಾಡಿದ್ದಾರೆ.

ವಾಣಿಜ್ಯ ತೆರಿಗೆ ಮತ್ತು ಆದಾಯ ತೆರಿಗೆ ಸಂದಾಯದ ವಿವರ

ತೆರಿಗೆಯ ವಿಧ-ಮೊತ್ತ (₹ಕೋಟಿಗಳಲ್ಲಿ)

2018–19

ಮೌಲ್ಯ ವರ್ಧಿತ ತೆರಿಗೆ (ವ್ಯಾಟ್) -₹37.95

ಪ್ರವೇಶ ತೆರಿಗೆ- ₹1.45

ಸರಕು ಮತ್ತು ಸೇವಾ ತೆರಿಗೆ -₹1240.81

ವೃತ್ತಿ ತೆರಿಗೆ -₹24.38

ಆದಾಯ ತೆರಿಗೆ - ₹248 ಕೋಟಿ

2019–20

ಮೌಲ್ಯವರ್ಧಿತ ತೆರಿಗೆ (ವ್ಯಾಟ್)- ₹54.04 ಕೋಟಿ

ಪ್ರವೇಶ ತೆರಿಗೆ-₹1.29 ಕೋಟಿ
ಸರಕು ಮತ್ತು ಸೇವಾ ತೆರಿಗೆ-₹1460.65 ಕೋಟಿ

ವೃತ್ತಿ ತೆರಿಗೆ- ₹26.04 ಕೋಟಿ

ಆದಾಯ ತೆರಿಗೆ- ₹300 ಕೋಟಿ

ವೃತ್ತಿತೆರಿಗೆ- ₹9.22 ಕೋಟಿ

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು