ದಾವಣಗೆರೆ | ಮೂವರಿಗೆ ಕೋವಿಡ್‌: ವೃದ್ಧೆ ಸಾವು

ಜಾಲಿನಗರದ ಈ ವೃದ್ಧೆಗೆ ಮೇ 28ರಂದು ಜ್ವರ, ಕೆಮ್ಮು ಮತ್ತು ಉಸಿರಾಟದ ತೊಂದರೆ ಕಾಣಿಸಿಕೊಂಡಿತ್ತು. 29ರಂದು ಮೃತಪಟ್ಟಿದ್ದರು. ಬಳಿಕ ಜಿಲ್ಲಾ ಆಸ್ಪತ್ರೆಗೆ ಕರೆತರಲಾಗಿತ್ತು. ಅವರ ಸ್ವಾಬ್‌ ಅನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು. ಅವರಿಗೆ ಕೊರೊನಾ ಇರುವುದು ಬುಧವಾರ ದೃಢಪಟ್ಟಿದೆ. ಜಾಲಿನಗರದ 46 ವರ್ಷದ ಪುರುಷನ (ಪಿ.2415) ಸಂಪರ್ಕದಿಂದ ಸೋಂಕು ಬಂದಿದೆ.

ಜಾಲಿನಗರ 23 ವರ್ಷದ ಯುವಕನಿಗೆ (ಪಿ.3862) ಕೂಡ ಜಾಲಿನಗರದ 46 ವರ್ಷದ ಅದೇ ವ್ಯಕ್ತಿಯ ಸಂಪರ್ಕದಿಂದ ಸೋಂಕು ತಗುಲಿದೆ.

ರಾಜಸ್ಥಾನದ ಅಜ್ಮೇರ್‌ನಿಂದ ಬಂದಿದ್ದ 26 ವರ್ಷದ ಯುವಕನಲ್ಲಿ (ಪಿ.3977) ಸೋಂಕು ಇರುವುದು ದೃಢಪಟ್ಟಿದೆ.

ಜಿಲ್ಲೆಯಲ್ಲಿ ಒಟ್ಟು ಪ್ರಕರಣಗಳ ಸಂಖ್ಯೆ 166ಕ್ಕೆ ಏರಿದೆ. ಬುಧವಾರ 13 ಮಂದಿ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ. ಅವರೂ ಸೇರಿ ಆಸ್ಪತ್ರೆಯಿಂದ ಒಟ್ಟು 134 ಮಂದಿ ಬಿಡುಗಡೆಗೊಂಡಿದ್ದಾರೆ. 5 ಮಂದಿ ಮೃತಪಟ್ಟಿದ್ದಾರೆ. 27 ಸಕ್ರಿಯ ಪ್ರಕರಣಗಳಿವೆ.