ಹಿಂದೆ ಪೆಟ್ರೋಲ್ ಬೆಲೆ 7 ಪೈಸೆ ಜಾಸ್ತಿಯಾದಾಗ ಅದರ ವಿರುದ್ಧ ಪ್ರತಿಭಟನೆ ನಡೆಸಿದ್ದ ಆಗಿನ ಬಿಜೆಪಿ ನಾಯಕ ಅಟಲ್ ಬಿಹಾರಿ ವಾಜಪೇಯಿ ಚಕ್ಕಡಿಯಲ್ಲಿ ಸಂಸತ್ತಿಗೆ ಬಂದಿದ್ದರು. ಯುಪಿಎ ಸರ್ಕಾರ ಇರುವಾಗ ಪೆಟ್ರೋಲ್ ಬೆಲೆ ₹ 2 ಜಾಸ್ತಿಯಾದಾಗ ಬಿಜೆಪಿಯವರು ಸೈಕಲ್ನಲ್ಲಿ ಬಂದಿದ್ದರು. ಅಡುಗೆ ಅನಿಲ ಬೆಲೆಯನ್ನು ಯುಪಿಎ ₹ 10 ಏರಿಸಿದಾಗ ಬಿಜೆಪಿಯ ಮಹಿಳಾ ಸಂಸದರು, ಮಹಿಳಾ ಶಾಸಕರು ಸಿಲಿಂಡರ್ ಹೊತ್ತುಕೊಂಡು ದೇಶದಾದ್ಯಂತ ಹೋರಾಟ ಮಾಡಿದ್ದರು. ಆಗ ಅಡುಗೆ ಅನಿಲ ಬೆಲೆ ₹ 350 ಇತ್ತು. ಈಗ ₹ 1000ದ ಹತ್ತಿರ ಬಂದಿದೆ. ಆಗಿನ ಹೋರಾಟಗಾರರು ಎಲ್ಲಿ ಹೋದರು ಎಂದು ಪಾಟೀಲ ಪ್ರಶ್ನಿಸಿದರು.