ದಾವಣಗೆರೆ: ಜಿಲ್ಲೆಯಲ್ಲಿ ಪೆಟ್ರೋಲ್ ದರಶತಕದ ಗಡಿ ದಾಟಿದೆ. ದಾವಣಗೆರೆಯಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ₹ 100.17ಕ್ಕೆ ಏರಿಕೆ ಕಂಡರೆ, ಡೀಸೆಲ್ ದರ ಒಂದು ಲೀಟರ್‌ಗೆ ₹ 92.83 ಆಗಿದೆ.
ಕಳೆದ ತಿಂಗಳು ಇದೇ ಸಮಯದಲ್ಲಿ ಪೆಟ್ರೋಲ್ ದರ ₹ 95.99 ಇದ್ದರೆ ಡೀಸೆಲ್ ದರ ₹88.06 ಇತ್ತು. ಆ ಮೂಲಕ ಒಂದು ತಿಂಗಳಲ್ಲಿ ಪೆಟ್ರೋಲ್ ₹ 4.18 ಹೆಚ್ಚಾದರೆ, ಡೀಸೆಲ್ ದರ ₹ 4.77 ಏರಿಕೆ ಕಂಡಿದೆ.
ಮೂರು ದಿವಸ ನಿರಂತರ ಏರಿಕೆ: ಮೇ 4ರಿಂದ 6ರವರೆಗೆ ಮೂರು ದಿವಸ ಇಂಧನ ದರ ನಿರಂತರವಾಗಿ ಏರಿಕೆ ಕಂಡಿದೆ. ಪೆಟ್ರೋಲ್ ಬೆಲೆ ಪ್ರತಿ ಲೀಟರ್ 29 ಪೈಸೆ, 18 ಪೈಸೆ, 24 ಪೈಸೆ ಏರಿಕೆ ಕಂಡಿದ್ದರೆ, ಡೀಸೆಲ್ ದರ ಒಂದು ಲೀಟರ್‌ಗೆ ಕ್ರಮವಾಗಿ 32, 20 ಹಾಗೂ 30 ಪೈಸೆಗಳಿಗೆ ಏರಿಕೆಯಾಗಿತ್ತು.
