ಹುಬ್ಬಳ್ಳಿ: ನಿತ್ಯ ಬದುಕಿನ ಚಿತ್ರ ಕಥನ ‘ಡೋಕ್ರ’

‘ಡೋಕ್ರ ಕಲೆಗೆ ಸಾವಿರಾರು ವರ್ಷಗಳ ಇತಿಹಾಸವಿದೆ. ಮೊಹೆಂಜೋದಾರೊ ಕಾಲಘಟ್ಟದಲ್ಲಿಯೇ ಇಂತಹ ಕಲಾಕೃತಿಗಳನ್ನು ತಯಾರಿಸಲಾಗುತ್ತಿತ್ತು. ಜನ ತಮ್ಮ ಬದುಕಿನ ಚಿತ್ರಗಳನ್ನು, ಆಗುಹೋಗುಗಳನ್ನು ಈ ರೀತಿ ದಾಖಲಿಸುತ್ತಿದ್ದರು. ಇದು ಪಾರಂಪರಿಕ ಕಲೆಯಾಗಿ ಮುಂದುವರಿದುಕೊಂಡು ಬಂದಿದೆ’ ಎಂದು ಮಾಹಿತಿ ನೀಡಿದರು.

‘ಜೇಡಿ ಮಣ್ಣಿನಲ್ಲಿ ಆಕೃತಿಗಳ ಅಚ್ಚು ತಯಾರಿಸಿ ಅದರೊಳಗೆ 120 ಡಿಗ್ರಿ ತಾಪದ ಹಿತ್ತಾಳೆಯ ದ್ರವ ಸುರಿಯಲಾಗುತ್ತದೆ. ಹಲವು ತಾಸು ಹಾಗೆಯೇ ಇಟ್ಟು, ನಂತರ ಅದನ್ನು ಹೊರ ತೆಗೆಯಲಾಗುತ್ತದೆ. ಕಲಾಕೃತಿ ತಯಾರಿಗೆ ಕನಿಷ್ಠ ಎರಡು ದಿನ ಬೇಕಾಗುತ್ತದೆ’ ಎನ್ನುತ್ತಾರೆ ಅವರು.

ಬುಟ್ಟಿಯಲ್ಲಿ ಮೀನು ಹೊತ್ತು ಮಾರುವ ಮಹಿಳೆ, ಬುಟ್ಟಿ ಹೊತ್ತು ಕೆಲಸಕ್ಕೆ ಹೊರಟ ಮಹಿಳೆ, ಮಂಚದ ಮೇಲೆ ಕುಳಿತು ಕನ್ನಡಿ ನೋಡುತ್ತಾ ಕೂದಲು ಬಾಚುವ ಹುಡುಗಿ, ಪುಸ್ತಕ ಓದುವ ಹುಡುಗಿ, ನೃತ್ಯ ಮಾಡುತ್ತಿರುವ ಪ್ರೇಮಿಗಳು, ಜಾನಪದ ನೃತ್ಯದಲ್ಲಿ ತೊಡಗಿಸಿಕೊಂಡ ಬುಡಕಟ್ಟು ಸಮುದಾಯದ ತಂಡ... ಹೀಗೆ ಜನ ಬದುಕಿನ ಆಗುಹೋಗುಗಳು ಕಲಾಕೃತಿಯಲ್ಲಿ ಮೂಡಿವೆ. ₹300ರಿಂದ ಆರಂಭವಾಗುವ ಡೋಕ್ರ ಕಲಾಕೃತಿಗಳ ದರ, ಗರಿಷ್ಠ ₹3,000ಕ್ಕಿಂತ ಹೆಚ್ಚಿದೆ.