ಹುಬ್ಬಳ್ಳಿ: ಆಡು, ಕೋಳಿ ಸಾಕಣೆ; ಯಶ ಕಂಡ ಉಮೇಶ

ಹುಬ್ಬಳ್ಳಿ: ಸಮಗ್ರ ಕೃಷಿ ಹಾಗೂ ಕೃಷಿ ಉಪ ಕಸುಬುಗಳಿಂದ ಅಣ್ಣಿಗೇರಿ ತಾಲ್ಲೂಕಿನ ಭದ್ರಾಪುರ ಗ್ರಾಮದ ಯುವ ರೈತ ಉಮೇಶ ಗುಡ್ಡದ ಅವರು ಕೃಷಿ ಚಟುವಟಿಕೆಯಲ್ಲಿ ತೊಡಗಿದ್ದಾರೆ. ಅವರು ಬಿ.ಎ, ಬಿಪಿ.ಎಡ್ ಪದವೀಧರರು.

ಒಟ್ಟು 30 ಎಕರೆ ಜಮೀನಿದೆ. 20 ಎಕರೆಯಲ್ಲಿ ಹತ್ತಿ, ತಲಾ 2 ಎಕರೆಯಲ್ಲಿ ಹೆಸರು, ಶೇಂಗಾ ಮತ್ತು ಶ್ರೀಗಂಧ ಮರಗಳನ್ನು ಬೆಳೆದಿದ್ದಾರೆ. 3 ಎಕರೆಯಲ್ಲಿ ಕೆಂಪು ಮೆಣಸಿನಕಾಯಿ ಬೆಳೆಸಿದ್ದಾರೆ. ಇದು ಅಲ್ಲದೇ 52 ತೆಂಗು, 10 ಸೀತಾಫಲ, 10 ಪಪ್ಪಾಯ, 10–15 ಕರಿಬೇವು, ಚಿಕ್ಕು, ಸೇಬು, ನೆಲ್ಲಿ, ಪೇರಲ ಗಿಡಗಳನ್ನು ಬೆಳೆಸಿದ್ದಾರೆ.

. ಆಡು ಸಾಕಾಣಿಕೆ: ಏಳು ವರ್ಷಗಳ ಹಿಂದೆ ಕೊಪ್ಪಳ ಜಿಲ್ಲೆಯ ಕುಂಕುಮಪಾಳ್ಯದಲ್ಲಿ ₹35 ಸಾವಿರಕ್ಕೆ ಈಯಲು ಬಂದ 5 ಆಡುಗಳನ್ನು (ಮೇಕೆ) ಖರೀದಿಸಿ, ಸಾಕಾಣಿಕೆ ಆರಂಭಿಸಿದರು. ಅದಕ್ಕೆ ₹20 ಲಕ್ಷ ವೆಚ್ಚದಲ್ಲಿ 100 ಅಡಿ ಉದ್ದದ, 400 ಅಡಿ ಅಗಲದ ಹೈಟೆಕ್ ಶೆಡ್ ನಿರ್ಮಿಸಿಕೊಂಡರು. ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯಡಿ 20X20 ಅಳತೆಯ ಶೆಡ್ಗೆ ₹68 ಸಾವಿರ ನೆರವನ್ನೂ ಪಡೆದರು.

. ಉಮೇಶ ಅವರ ಬಳಿ ಜಮುನಾಪುರಿ, ಶಿರೋಹಿ, ಸೊಜತ್ ತಳಿಯ ಗಂಡು ಮೇಕೆಗಳಿವೆ. 150 ಆಡುಗಳಿವೆ. 4 ತಿಂಗಳ ಮರಿಗೆ ₹8 ಸಾವಿರದಿಂದ ₹10 ಸಾವಿರ, 1 ವರ್ಷ ಪ್ರಾಯದ ಆಡಿಗೆ ₹15 ಸಾವಿರದಿಂದ ₹18 ಸಾವಿರ ವರೆಗೆ ದರ ಸಿಗುತ್ತದೆ. ಹಲವರು ತೋಟಕ್ಕೆ ಬಂದು ಖರೀದಿಸುತ್ತಾರೆ.

. ಆಡಿನ ಗೊಬ್ಬರಕ್ಕೆ ಬೇಡಿಕೆ : ‘ತಿಂಗಳಿಗೆ 4 ಟ್ರ್ಯಾಕ್ಟರ್ನಷ್ಟು ಆಡಿನ ಗೊಬ್ಬರ ಉತ್ಪಾದನೆ ಆಗುತ್ತದೆ. ಅಡಿಕೆ ಬೆಳೆಗಾರರಿಂದ ಹೆಚ್ಚಿನ ಬೇಡಿಕೆ ಇದ್ದು, ಒಂದು ಟ್ರ್ಯಾಕ್ಟರ್ಗೆ ₹7 ಸಾವಿರದಂತೆ ಮಾರುತ್ತೇವೆ. ಆಡು ಸಾಕಣೆಯಿಂದ ವರ್ಷಕ್ಕೆ ₹ 5 ಲಕ್ಷ ಆದಾಯ ಪಡೆಯುತ್ತಿದ್ದೇವೆ’ ಎಂದು ಉಮೇಶ ಗುಡ್ಡದ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಕೋಳಿ ಸಾಕಾಣಿಕೆ: ‘50–100 ಜವಾರಿ ಕೋಳಿಗಳಿಂದ ತಿಂಗಳಿಗೆ 30 ಮೊಟ್ಟೆಗಳು ಸಿಗುತ್ತವೆ. ₹15ಕ್ಕೆ ಒಂದರಂತೆ ಮೊಟ್ಟೆ, ಅಂದಾಜು ₹1,000– 1,200ಕ್ಕೆ ಒಂದರಂತೆ ಕೋಳಿಗಳನ್ನು ಮಾರುತ್ತೇವೆ’ ಎಂದರು.

. ಕೂರಿಗೆ, ಟ್ರ್ಯಾಕ್ಟರ್ ಸೇರಿ ಕೃಷಿ ಚಟುವಟಿಕೆಗಳಿಗೆ ಪೂರಕವಾದ ಯಂತ್ರೋಪಕರಣ ಹೊಂದಿದ್ದಾರೆ. 70X100X7 ಅಳತೆಯ ಕೃಷಿ ಹೊಂಡವನ್ನೂ ನಿರ್ಮಿಸಿಕೊಂಡಿದ್ದಾರೆ.

. ವ್ಯವಹಾರ ಕ್ಷೇತ್ರದಲ್ಲಿ ನಿರೀಕ್ಷಿತ ಪ್ರಗತಿ ಸಾಧ್ಯವಾಗಲಿಲ್ಲ. ಕೃಷಿ ಕ್ಷೇತ್ರವು ದುಡಿಮೆ ಜೊತೆಗೆ ಹತ್ತಾರು ಜನರಿಗೆ ನನ್ನ ಪ್ರಗತಿ ಪರಿಚಯಿಸಿದೆ ಉಮೇಶ ಗುಡ್ಡದ ಯುವ ರೈತ ಭದ್ರಾಪುರ ಅಣ್ಣಿಗೇರಿ . ತರಬೇತಿ ಪ್ರಶಸ್ತಿ

ರೈತ ಉಮೇಶ ಗುಡ್ಡದ ಅವರು ಕೃಷಿ ಕಾರ್ಯಾಗಾರಗಳಲ್ಲಿ ಉಪನ್ಯಾಸ ನೀಡುತ್ತಾರೆ. ಸಂಪನ್ಮೂಲ ವ್ಯಕ್ತಿಯಾಗಿ ಹೊಸ ಮಾದರಿ ತಂತ್ರಜ್ಞಾನಗಳ ಬಗ್ಗೆ ವಿವರಿಸುತ್ತಾರೆ. ಅವರು ಕೃಷಿ ಇಲಾಖೆಯ ‘ಉದಯೋನ್ಮುಖ ಕೃಷಿಕ’ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹುಬ್ಬಳ್ಳಿ: ಆಡು, ಕೋಳಿ ಸಾಕಣೆ; ಯಶ ಕಂಡ ಉಮೇಶ

ಚಿನಕುರುಳಿ Cartoon: 1 ಆಗಸ್ಟ್ 2025

ಚುರುಮುರಿ: ಏನ್‌ ಮಹಾ ಎಸ್ಸೆಸ್ಸೆಲ್ಸಿ...

ಡಾ. ರಾಜಕುಮಾರ್ ಸಹೋದರಿ ನಾಗಮ್ಮ ನಿಧನ

ಜಂಟಿ ಹೊಣೆಗಾರಿಕೆ ಗುಂಪಿಗೆ ‘ಗೃಹಲಕ್ಷ್ಮಿ’ಯರು

IND vs ENG 5th Test: ಇಂಗ್ಲೆಂಡ್‌ಗೆ ಭಾರತದ ವೇಗಿಗಳ ತಿರುಗೇಟು

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್ ಟೂರ್ನಿ: ಎರಡು ಫೈನಲ್‌ ತಲುಪಿದ ಶೈನಾ

ಮಕಾವ್‌ ಓಪನ್‌: ಸೆಮಿಗೆ ಲಕ್ಷ್ಯ, ತರುಣ್‌, ಸಾತ್ವಿಕ್‌–ಚಿರಾಗ್‌ ಜೋಡಿಗೆ ಆಘಾತ

19 ವರ್ಷದೊಳಗಿನವರ ಏಷ್ಯನ್‌ ಬಾಕ್ಸಿಂಗ್‌: ಸುಮನ್‌ ಕುಮಾರಿ ಶುಭಾರಂಭ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 1 ಆಗಸ್ಟ್ 2025

ಚುರುಮುರಿ: ಏನ್‌ ಮಹಾ ಎಸ್ಸೆಸ್ಸೆಲ್ಸಿ...

ಡಾ. ರಾಜಕುಮಾರ್ ಸಹೋದರಿ ನಾಗಮ್ಮ ನಿಧನ

ಜಂಟಿ ಹೊಣೆಗಾರಿಕೆ ಗುಂಪಿಗೆ ‘ಗೃಹಲಕ್ಷ್ಮಿ’ಯರು