ಬಿಂಕದಕಟ್ಟಿ ಮೃಗಾಲಯ: ಜೋಡಿ ಸಿಂಹಗಳು ವೀಕ್ಷಣೆಗೆ ಮುಕ್ತ

ಗದಗ: ಬೆಂಗಳೂರಿನ ಬನ್ನೇರುಘಟ್ಟ ಜೈವಿಕ ಉದ್ಯಾನದಿಂದ ಇಲ್ಲಿನ ಬಿಂಕದಕಟ್ಟಿ ಮೃಗಾಲಯಕ್ಕೆ ಕರೆತಂದಿದ್ದ 11 ವರ್ಷದ ‘ಧರ್ಮ’ ಮತ್ತು ‘ಅರ್ಜುನ’ ಹೆಸರಿನ ಎರಡು ಸಿಂಹಗಳ ಕ್ವಾರಂಟೈನ್‌ ಅವಧಿ ಮುಗಿದಿದ್ದು, ಏ.7ರಿಂದ ಸಾರ್ವಜನಿಕರ ವೀಕ್ಷಣೆಗೆ ಲಭ್ಯ ಇದೆ ಎಂದು ಡಿಸಿಎಫ್‌ ಸೂರ್ಯಸೇನ್‌ ಎ.ವಿ. ತಿಳಿಸಿದ್ದಾರೆ.

‘ಈ ಸಿಂಹಗಳು ಮಧ್ಯ ಕರ್ನಾಟಕಕ್ಕೆ ಹೊಂದಿಕೊಳ್ಳಲು ಅನುಕೂಲವಾಗುವಂತಹ ವಾತಾವರಣವನ್ನು ನಿರ್ಮಿಸಲಾಗಿದ್ದು, ಸ್ನಾನಕ್ಕೆ ಕೃತಕ ಕೊಳ ನಿರ್ಮಿಸಲಾಗಿದೆ. ಜೋಡಿ ಸಿಂಹಗಳು ಈಗ ಕಿರು ಮೃಗಾಲಯದ ಆಕರ್ಷಣೆ ಹೆಚ್ಚಿಸಿವೆ’ ಎಂದು ಅವರು ತಿಳಿಸಿದ್ದಾರೆ.