ನರಗುಂದ|ಸರ್ಕಾರಿ ಎಂಜನಿಯರಿಂಗ್ ಕಾಲೇಜು: ನಿರೀಕ್ಷೆಗೂ ಮೀರಿ ವಿದ್ಯಾರ್ಥಿಗಳ ಪ್ರವೇಶ

ವಿಶಾಲವಾದ ಕಟ್ಟಡ ಪ್ರಯೋಗಾಲಯಗಳಿದ್ದು ಅದಕ್ಕೆ ತಕ್ಕಂತೆ ಸುಮಾರು 20 ಜನವಾದರೂ ಡಿ.ಗ್ರುಪ್ ನೌಕರರು ಬೇಕು. ಆದರೆ ಈಗ ಇರುವುದು ಕೇವಲ 8 ಜನ. ಆದ್ದರಿಂದ ಹೆಚ್ಚಿನ ನೇಮಕಾತಿ ಅಗತ್ಯವಿದೆ ಎಂದು ಕಾಲೇಜು ಸಿಬ್ಬಂದಿ ಹೇಳುತ್ತಾರೆ. ಎರಡೇ ವಸತಿ ನಿಲಯ: ವಿದ್ಯಾರ್ಥಿಗಳ ಸಂಖ್ಯೆಗೆ ಅನುಗುಣವಾಗಿ ಕನಿಷ್ಠ ಎರಡು ವಿದ್ಯಾರ್ಥಿನಿಯರಿಗೆ ಎರಡು ವಿದ್ಯಾರ್ಥಿಗಳಿಗೆ ವಸತಿ ನಿಲಯಗಳು ಬೇಕು. ಆದರೆ ಈಗ ಕೇವಲ ತಲಾ ಒಂದೊಂದು ವಸತಿ ನಿಲಯಗಳಿವೆ. ಇವುಗಳ ನಿರ್ವಹಣೆಯನ್ನು ಕಾಲೇಜಿನ ಪ್ರಾಚಾರ್ಯರು ಸಿಬ್ಬಂದಿಯೇ ಮಾಡುತ್ತಿದ್ದಾರೆ. ಇದೊಂದು ಸವಾಲಿನ ಕೆಲಸವಾಗಿದೆ. ಆದ್ದರಿಂದ ತಾಂತ್ರಿಕ ಶಿಕ್ಷಣ ಇಲಾಖೆ ಕನಿಷ್ಟ ನಾಲ್ಕು ವಸತಿ ನಿಲಯ ನಿರ್ಮಿಸಿ ಅವುಗಳ ನಿರ್ವಹಣೆಗೆ ಪ್ರತ್ಯೇಕ ಸಿಬ್ಬಂದಿ ನೇಮಿಸಬೇಕು ಎಂದು ವಿದ್ಯಾರ್ಥಿಗಳು ಒತ್ತಾಯಿಸುತ್ತಾರೆ.

ಪ್ರಾಚಾರ್ಯರೊಬ್ಬರೇ ಶಾಶ್ವತ ಸಿಬ್ಬಂದಿ ಯಾಗಿದ್ದಾರೆ. ಗ್ರಂಥಪಾಲಕರು ಪ್ರಥಮ ದರ್ಜೆ ಸಹಾಯಕರು ಬೋಧಕೇತರ ಸಿಬ್ಬಂದಿ. 27 ಜನ ಅತಿಥಿ ಉಪನ್ಯಾಸಕರು ಇದ್ದಾರೆ. ಇದರಿಂದ ನಾಲ್ಕು ಉತ್ತಮ ತಾಂತ್ರಿಕ ಕೋರ್ಸ್‌ಗಳಿದ್ದರೂ ಅದಕ್ಕೆ ಪೂರ್ಣಕಾಲಿಕ ಮುಖ್ಯಸ್ಛರೇ ಇಲ್ಲ.ಇದರಿಂದ ವಿದ್ಯಾರ್ಥಿಗಳಿಗೆ ಅನುಭವಿ ಉಪನ್ಯಾಸಕರ ಬೋಧನೆ ಕೊರತೆ ಕಾಡುತ್ತಿದೆ. ಇದರಿಂದ ಒಂದು ವಿಭಾಗಕ್ಕೆ ಒಬ್ಬ ಮುಖ್ಯಸ್ಥರನ್ನಾದರೂ ಸರ್ಕಾರ ನೇಮಕ ಮಾಡಬೇಕು ಎಂದು ವಿದ್ಯಾರ್ಥಿಗಳು ಆಗ್ರಹಿಸುತ್ತಾರೆ.