‘ಕ್ರೀಡಾ ರತ್ನ’ಗಳನ್ನು ರೂಪಿಸುತ್ತಿರುವ ಶಿವಾನಂದ..!

ನರಗುಂದ: 'ಮನಸ್ಸಿದ್ದರೆ ಮಾರ್ಗವಿದೆ’ ಎನ್ನುವುದಕ್ಕೆ ನರಗುಂದ ತಾಲ್ಲೂಕಿನ ಬನಹಟ್ಟಿಯ ಡಾ.ಶಿವಾನಂದ ಹೊಂಬಳ ಸಾಕ್ಷಿ. ಅಥ್ಲೆಟಿಕ್ಸ್ನಲ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡಿರುವ ಈ ಕ್ರೀಡಾ ಪ್ರತಿಭೆ, ಸದ್ಯ ಅಥ್ಲೆಟಿಕ್ಸ್ ಫಡರೇಷನ್ ಆಫ್ ಇಂಡಿಯಾದ (ಎಎಫ್ಎ)ಕ್ರೀಡಾ ತರಬೇತಿ ಕೇಂದ್ರದ ತರಬೇತುದಾರರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

. ಪದವಿ ಮುಗಿಸಿದ ಇವರು ಕ್ರೀಡಾ ಕೋಟಾದಲ್ಲಿ ರೈಲ್ವೆ ಇಲಾಖೆಯಲ್ಲಿ ಉದ್ಯೋಗಕ್ಕೆ ಸೇರಿದರು. ಸದ್ಯ 46 ವರ್ಷದ ಶಿವಾನಂದ ಅವರಿಗೆಓಡುವುದು, ಓಟ ಕಲಿಸುವುದೇ ಕಾಯಕವಾಗಿದೆ. ಧರ್ಮಶಾಲಾ, ಬೆಂಗಳೂರು, ಊಟಿ, ದೆಹಲಿಯಲ್ಲಿ ರಾಷ್ಟ್ರಮಟ್ಟದ ಕ್ರೀಡಾಪಟುಗಳಿಗೆ ತರಬೇತಿ ನೀಡುತ್ತಿದ್ದಾರೆ.

. ಬನಹಟ್ಟಿಯಂತಹ ಪುಟ್ಟ ಹಳ್ಳಿಯಲ್ಲಿ ಜನಿಸಿದ ಇವರು ಬೆಟ್ಟದಷ್ಟು ಸಾಧನೆ ಮಾಡಿದ್ದಾರೆ. ಪ್ರೌಢ ಶಾಲೆ ಹಂತದಲ್ಲಿದ್ದಾಗಲೇ ಕೇರಳದ ತಿರುವನಂತಪುರಂನಲ್ಲಿ ನಡೆದ ರಾಷ್ಟ್ರಮಟ್ಟದ 3 ಸಾವಿರ ಮೀಟರ್ ಓಟದ ಸ್ಪರ್ಧೆಗೆ ಆಯ್ಕೆಯಾಗಿ ಪ್ರಶಸ್ತಿ ಜಯಿಸಿದರು. 1995ರಲ್ಲಿ ರಾಂಚಿಯಲ್ಲಿ ನಡೆದ ರಾಷ್ಟ್ರಮಟ್ಟದ 10 ಸಾವಿರ ಮೀಟರ್ ಓಟದ ಸ್ಪರ್ಧೆಯಲ್ಲಿ ಬಂಗಾರದ ಪದಕ ಗಳಿಸಿದರು. ಅಲ್ಲಿಂದ ಇವರ ಜೀವನ ಪಥವೇ ಬದಲಾಯಿತು. ರೈಲ್ವೆ ಇಲಾಖೆಯಲ್ಲಿ ಕಾರ್ಯ ನಿರ್ವಹಿಸುತ್ತಾ ಭಾರತ ತಂಡವನ್ನು 13 ವರ್ಷಗಳ ಕಾಲ ಭಾರತೀಯ ಕ್ರೀಡಾ ತರಬೇತಿ ಕೇಂದ್ರದಿಂದ ರನ್ನಿಂಗ್ನಲ್ಲಿ ಪ್ರತಿನಿಧಿಸಿದರು.

. 7 ಬಾರಿ ಅಂತರರಾಷ್ಟ್ರೀಯ ಮಟ್ಟದ ಓಟದ ಸ್ಪರ್ಧೆಗಳಲ್ಲಿ ಪದಕ ಜಯಿಸಿದ್ದು ಇವರ ಹೆಗ್ಗಳಿಕೆ. 1997ರಲ್ಲಿ ಇಟಲಿಯಲ್ಲಿ 12.5 ಕೀಮಿ ಕ್ರಾಸ್ ಕಂಟ್ರಿ ಓಟದ ಸ್ಪರ್ಧೆಯಲ್ಲಿ ಪದಕ ಜಯಿಸಿದರು. 1998ರಲ್ಲಿ ಏಷಿಯನ್ ಚಾಂಪಿಯನ್ಶಿಪ್ಗೆ ಆಯ್ಕೆಯಾದರು. 1999ರಲ್ಲಿ ಐರ್ಲಂಡ್ನಲ್ಲಿ ನಡೆದ ಕ್ರಾಸ್ ಕಂಟ್ರಿಯಲ್ಲಿ ಭಾರತವನ್ನು ಪ್ರತಿನಿಧಿಸಿದರು. ಅದೇ ವರ್ಷ ಇರಾನ್ನಲ್ಲಿ ನಡೆದ 12.5 ಕೀ.ಮೀ ಕ್ರಾಸ್ ಕಂಟ್ರಿಯಲ್ಲಿ ಕಂಚು ಗೆದ್ದರು. 2002ರಲ್ಲಿ ಕೋಲಂಬೋದಲ್ಲಿ ನಡೆದ 14ನೇ ಏಷ್ಯನ್ ಗೇಮ್ಸನಲ್ಲಿ 5 ಕೀಮಿ ಓಟದ ಸ್ಪರ್ಧೆಯಲ್ಲಿ ಭಾಗವಹಿಸಿದರು. ಅದೇ ವರ್ಷ ಮನಿಲಾದಲ್ಲಿ ನಡೆದ 3000 ಮೀಟರ್ ಓಟದಲ್ಲಿ ಬೆಳ್ಳಿ ಪದಕ ಪಡೆದರು.

. ಅಥ್ಲೆಟಿಕ್ಸ್ನಲ್ಲಿ ಭಾರತದ ಚಿನ್ನದ ಹುಡುಗಿ ಎಂದೇ ಖ್ಯಾತರಾದ ಪಿ.ಟಿ.ಉಷಾ ಅವರೊಂದಿಗೆ ತರಬೇತಿ ಹಾಗೂ ಅಭ್ಯಾಸ ನಡೆಸಿದ ಹೆಮ್ಮೆಯೂ ಇವರದು. ಕ್ರೀಡಾಪಟುವಾಗಿ ಬೆಳಗಿದ ಇವರ ನಂತರ ಅಥ್ಲೀಟ್ಗಳಿಗೆ ತರಬೇತುದಾರರಾಗಿ ನೇಮಕಗೊಂಡರು. ಇವರು ತರಬೇತಿ ನೀಡಿದ ಅಜಿತ್ ಯಾದವ ಎಂಬ ಅಥ್ಲೀಟ್ ಜಪಾನ್ನಲ್ಲಿ ನಡೆದ ಜೂನಿಯರ್ ಏಷಿಯನ್ ಚಾಂಪಿಯನ್ಷಿಪ್ನಲ್ಲಿ ಬಂಗಾರದ ಪದಕ ಪಡೆದು ಸಾಧನೆ ಮಾಡಿದ್ದಾರೆ.

. ಶಿವಾನಂದ ಅವರಿಗೆ 2000ರಲ್ಲಿ ಭಾರತೀಯ ರೈಲ್ ಖೇಲ್ ಶ್ರೀ ಪ್ರಶಸ್ತಿ, 2001ರಲ್ಲಿ ರಾಜ್ಯ ಸರ್ಕಾರದ ಏಕಲವ್ಯ ಪ್ರಶಸ್ತಿ, 2010 ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ, 2011ರಲ್ಲಿ ಕೆಂಪೆಗೌಡ ಪ್ರಶಸ್ತಿ ಲಭಿಸಿವೆ.

. * ನಾನು ಈ ಮಟ್ಟಕ್ಕೆ ಬೆಳೆಯಲು ಪ್ರೌಢಶಾಲಾ ಮುಖ್ಯೋಪಾಧ್ಯಾಯರಾಗಿದ್ದ ಜೆ.ಎನ್.ಗೋಡ್ಕಿಂಡಿ ಹಾಗೂ ದೈಹಿಕ ಶಿಕ್ಷಣ ಶಿಕ್ಷಕ ಎಂ.ಎಂ.ಕಲಹಾಳ ಅವರು ಸ್ಪೂರ್ತಿ - ಡಾ.ಶಿವಾನಂದ ಹೊಂಬಳ, ಎಎಫ್ಎ ತರಬೇತುದಾರ

. * ಶಿವಾನಂದ ಹೊಂಬಳ ಅವರ ಓಟವನ್ನು ನೋಡುವುದೇ ಚೆಂದ. ಅವರ ಓಟಕ್ಕೆ ಅವರೇ ಸಾಟಿ. ಅವರ ನಂತರ ಈ ಭಾಗದಿಂದ ಅಂತರರಾಷ್ಟ್ರೀಯ ಮಟ್ಟದ ಮತ್ತೋರ್ವ ಪ್ರತಿಭೆ ಕಂಡಿಲ್ಲ –ಎಂ.ಎಂ.ಕಲಹಾಳ, ನಿವೃತ್ತ ಜಿಲ್ಲಾ ದೈಹಿಕ ಶಿಕ್ಷಣಾಧಿಕಾರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಕ್ರೀಡಾ ರತ್ನ’ಗಳನ್ನು ರೂಪಿಸುತ್ತಿರುವ ಶಿವಾನಂದ..!

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ

ನಾಳೆ ಬೆಂಗಳೂರಲ್ಲಿ ವಿಶ್ವ ಮಟ್ಟದ ಜಾವೆಲಿನ್‌: ನೀರಜ್ ಚೋಪ್ರಾಗೆ ಪೇಟ ತೊಡಿಸಿದ CM

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ