ಬಸ್ತಿಹಳ್ಳಿ: ಕರಿಯಮ್ಮ ದೇವಿ ಕಲ್ಯಾಣೋತ್ಸವ

ಒಕ್ಕಲಿಗ ಗೌಡ ಸಮಾಜದವರು ಹಲವು ತಲೆಮಾರಿನಿಂದ ಜಾತ್ರೆ ಸಮಯದಲ್ಲಿ ದೇವಿಯ ವಿವಾಹ ನಡೆಸಿಕೊಂಡು ಬಂದಿದ್ದಾರೆ. ಪ್ರತಿ ವರ್ಷ ದೇವರಾಜ ಅವರ ಮನೆಯ ಮುಂಭಾಗ ತೆಂಗಿನ ಸೋಗೆಯ ದೊಡ್ಡ ಚಪ್ಪರ ಹಾಕಿ ಮಾವಿನ ತೋರಣ ಹಾಗೂ ಹೂವಿನಿಂದ ಅಲಂಕಾರ ಮಾಡಲಾಗುತ್ತದೆ. ಧಾರೆ ಮೂಹೂರ್ತಕ್ಕೆ ಬಾಳೆದಿಂಡಿನಿಂದ ಮಂಟಪ ನಿರ್ಮಿಸುತ್ತಾರೆ. ಸೋಗೆ ಚಪ್ಪರದ ಕೆಳಗೆ ಶಾಸ್ತ್ರೋಕ್ತವಾಗಿ ನಡೆಯುವ ದೇವಿಯ ವಿವಾಹ ಮಹೋತ್ಸವದಲ್ಲಿ ನೂರಾರು ಭಕ್ತರು ಭಾಗವಹಿಸುತ್ತಾರೆ ಎಂದು ಗ್ರಾಮಸ್ಥರಾದ ಕೃಷ್ಣ ಹಾಗೂ ರವಿ ವಿವರಿಸಿದರು. ಪ್ರಮೋದ್ ಆರಾಧ್ಯ ಶಾಸ್ತ್ರಿ ವರು ದೇವಿ ವಿವಾಹದ ಪೌರೋಹಿತ್ಯ ನಡೆಸಿದರು. ಕರಿಯಮ್ಮ ದೇವಿ ಅರ್ಚಕ ಕಾರ್ತಿಕ್ ಸಹಕಾರ ನೀಡಿದರು.