‘ರವಿ ಪಡಸಲಗಿ ಮೂಲತಃ ಬೆಂಗಳೂರು ಭಾಗದವರಾಗಿದ್ದಾರೆ. ಇವರು ಸೂಚಕರ ಅನುಮತಿ ಪಡೆಯದೇ, ಮತದಾರರ ಪಟ್ಟಿಯಲ್ಲಿರುವ ಸವಣೂರ ತಾಲ್ಲೂಕಿನ 10 ಮತದಾರರ ಹೆಸರು ಹಾಗೂ ಸಹಿಯನ್ನು ದುರ್ಬಳಕೆ ಮಾಡಿಕೊಂಡು ನಾಮಪತ್ರ ಸಲ್ಲಿಸಿದ್ದಾರೆ. ನಾಮಪತ್ರ ಪರಿಶೀಲನೆ ಸಂದರ್ಭ ಸಂಶಯ ಬಂದ ಕಾರಣ ಹೆಚ್ಚುವರಿ ಜಿಲ್ಲಾಧಿಕಾರಿ ಎಸ್.ಯೋಗೇಶ್ವರ ಅವರು ಸವಣೂರಿಗೆ ಭೇಟಿ ನೀಡಿ, ಸೂಚಕರ ಸಹಿ ಇದ್ದ ನಾಲ್ವರನ್ನು ವಿಚಾರಣೆ ನಡೆಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ’ ಎಂದುಉಪವಿಭಾಗಾಧಿಕಾರಿ ಅನ್ನಪೂರ್ಣ ಮುದಕಮ್ಮನವರ ಮಾಹಿತಿ ನೀಡಿದರು.