ನಡೆದೇ ಹೋಗಬೇಕು:ಗ್ರಾಮದಿಂದ ಆಡೂರು, ಅಕ್ಕಿಆಲೂರ, ಹಾನಗಲ್, ಹಾವೇರಿಗೆ ನಿತ್ಯ ಶಾಲೆ-ಕಾಲೇಜುಗಳಿಗೆ ತೆರಳುವ ವಿದ್ಯಾರ್ಥಿಗಳ ಗೋಳು ಹೇಳತೀರದ್ದು. ಕೋಡಿಯಲ್ಲಾಪುರದಿಂದ ನಿತ್ಯ ಆಡೂರಿನವರೆಗೆ 3 ಕಿ.ಮೀ. ನಡೆದುಕೊಂಡೇ ವಿದ್ಯಾರ್ಥಿಗಳು ಬಸ್ ಹಿಡಿಯಬೇಕಿದೆ. ಗರ್ಭಿಣಿಯರು, ವೃದ್ಧರು, ಮಹಿಳೆಯರು, ಮಕ್ಕಳ ಗೋಳಂತೂ ಹೇಳತೀರದ್ದು. ಆಸ್ಪತ್ರೆ, ತುರ್ತು ಹಾಗೂ ನಿತ್ಯದ ಕೆಲಸಗಳಿಗೆ ಖಾಸಗಿ ವಾಹನ ಅವಲಂಬಿಸುವುದು ಅನಿವಾರ್ಯವಾಗಿದೆ. ಶಾಲೆ-ಕಾಲೇಜು ಸಮಯಕ್ಕೆ ಕನಿಷ್ಟ ಒಂದಾದರೂ ಬಸ್ ಓಡಿಸಿ ಎನ್ನುವ ಗ್ರಾಮಸ್ಥರ ಮನವಿಗೆ ಸಾರಿಗೆ ಸಂಸ್ಥೆ ಅಧಿಕಾರಿಗಳು ಕಿವಿಗೊಟ್ಟಿಲ್ಲ.