ಎಂ.ಜಿ.ರಸ್ತೆಯ ಎರಡೂ ಬದಿ ಹಾಗೂ ಮಠದ ಆವರಣದ ಒಳಗಡೆ ಮತ್ತು ಹೊರಗಡೆ ತರಹೇವಾರಿ ಅಂಗಡಿಗಳು ತೆರೆದಿದ್ದವು. ಐಸ್ಕ್ರೀಂ, ಬೋಂಡಾ, ಬಜ್ಜಿ, ಮಿರ್ಚಿ,ಮಂಡಕ್ಕಿ, ಕಡ್ಲೆಪುರಿ ಮಾರಾಟ ಭರ್ಜರಿಯಾಗಿ ನಡೆಯಿತು. ಬಳೆ, ಮಣಿಸರ, ಮೆಹಂದಿ, ಕಿವಿಯೋಲೆ, ಉಂಗುರ ಮುಂತಾದವನ್ನು ಕೊಳ್ಳಲು ಹೆಣ್ಣುಮಕ್ಕಳು ಮುಗಿಬಿದ್ದಿದ್ದರು. ಬಲೂನು, ಪೀಪಿ ಹಾಗೂ ಆಟಿಕೆಗಳನ್ನು ಖರೀದಿಸಿದ ಮಕ್ಕಳು ಸಂಭ್ರಮಿಸಿದರು.ಮಠದ ಒಳಗಡೆ ರುದ್ರಾಕ್ಷಿ ಸರ, ಕಪ್ಪು ದಾರ, ಶಿವದಾರ, ವಿಭೂತಿ, ಕುಂಕುಮ, ಅರಿಸಿನ ಮುಂತಾದವನ್ನು ಮಾರಾಟ ಮಾಡಲಾಯಿತು.