‘ಮಾರ್ಚ್ 27ರಿಂದ ಮಾಸ್ಕ್ ತಯಾರಿಸುತ್ತಿದ್ದು, ಕಾರ್ಮಿಕರಿಗೆ, ನಿರ್ಗತಿಕರಿಗೆ ಉಚಿತವಾಗಿ ಹಂಚುತ್ತಿದ್ದೇವೆ. ಲಾಕ್ಡೌನ್ ಮುಗಿಯುವವರೆಗೂ ಈ ಸೇವೆ ನಿರಂತರವಾಗಿ ಮುಂದುವರಿಯುತ್ತದೆ. ಸುಡುಗಾಡು ಸಿದ್ಧ ಕುಟುಂಬಗಳಿಗೆ, ಕುರಿ ಮೇಯಿಸುವವರಿಗೆ ಉಚಿತವಾಗಿ 70 ಮಾಸ್ಕ್ ಅನ್ನು ಕೊಟ್ಟಿದ್ದೇವೆ. ಅಷ್ಟೇ ಅಲ್ಲದೆ, 3 ಸಾವಿರ ಪೇಪರ್ ಪ್ಲೇಟ್ಗಳನ್ನು ತಯಾರಿಸಿ, ಬಡವರಿಗೆ ಉಚಿತವಾಗಿ ಊಟ ಹಂಚುವ ಸಂಘ–ಸಂಸ್ಥೆಗಳಿಗೆ ನೀಡಿದ್ದೇವೆ’ ಎಂದು ಪದ್ಮಾವತಿ ಬಾಯಿಯವರ ಪುತ್ರ ಪುಂಡಲೀಕ ನಾಡಿಗೇರ ಹೇಳಿದರು.
