ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸಿಇಟಿ, ನೀಟ್ ಪ್ರವೇಶ ಪರೀಕ್ಷೆ ಸೀಟು ಪಡೆಯುವುದು ಹೇಗೆ?

Last Updated 4 ಜೂನ್ 2018, 8:43 IST
ಅಕ್ಷರ ಗಾತ್ರ

ಸಿಇಟಿ ಫಲಿತಾಂಶ ಬಂದಿದೆ. ನೀಟ್ ಪ್ರವೇಶ ಪರೀಕ್ಷೆಯ ಫಲಿತಾಶ ಶೀಘ್ರವೇ ಪ್ರಕಟವಾಗಲಿದೆ. ದಾಖಲೆಗಳ ಪರಿಶೀಲನೆಯು ಜೂ. 7ರಿಂದ ಜೂ. 23ರ ತನಕ ನಡೆಯಲಿದೆ. ವಿಶೇಷ ಕೋಟಾದಡಿ ಸೀಟು ಪಡೆಯಬಯಸುವ ಅರ್ಹ ವಿದ್ಯಾರ್ಥಿ/ವಿದ್ಯಾರ್ಥಿನಿಯರು ಜೂ. 5 (ಅಂಗವಿಕಲರು ಮತ್ತು ಕ್ರೀಡಾ ವಿಭಾಗ) ಹಾಗೂ ಜೂ. 6 (ಎನ್.ಸಿ.ಸಿ. ವಿಭಾಗ)ರಂದು ಬೆಂಗಳೂರಿನ ಮಲ್ಲೇಶ್ವರಂನಲ್ಲಿರುವ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಕಚೇರಿಯಲ್ಲಿ ದಾಖಲೆಗಳ ಪರಿಶೀಲನೆಗೆ ಹಾಜರಿರಬೇಕು.

ಸಿಇಟಿ ಪ್ರವೇಶ ಪರೀಕ್ಷೆಯಲ್ಲಿ ವಿದ್ಯಾರ್ಥಿ, ವಿದ್ಯಾರ್ಥಿನಿಯರು ಪಡೆದಿರುವ ರ್‍ಯಾಂಕ್‌ ಗಳ ಮಾನದಂಡದ ಮೇಲೆ ದಾಖಲೆಗಳ ಪರಿಶೀಲನೆಯ ವೇಳಾಪಟ್ಟಿ ನಿಗದಿಪಡಿಸಲಾಗಿದೆ. ವಿದ್ಯಾರ್ಥಿಯು ಸಿಇಟಿಯ ವಿವಿಧ ವಿಭಾಗಗಳಲ್ಲಿ ಪಡೆದಿರುವ ರ್‍ಯಾಂಕ್‌ಗಳ  ಪೈಕಿ ಅತ್ಯಂತ ಕಡಿಮೆ ರ್‍ಯಾಂಕ್‌ ಗಳ ನ ದಾಖಲೆಗಳ ಪರಿಶೀಲನೆ ಯಾವ ದಿನದಂದು ನಡೆಯಲಿದೆಯೋ ಅಂದು ಅಗತ್ಯ ದಾಖಲೆಗಳೊಂದಿಗೆ ನೋಡಲ್ ಕೇಂದ್ರ (ಹೆಲ್ಪ್‌ ಲೈನ್ ಸೆಂಟರ್)ಕ್ಕೆ ಭೇಟಿ ನೀಡಬೇಕಾಗಿದೆ. ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯ ವಿದ್ಯಾರ್ಥಿಗಳಿಗೆ ಸಹ್ಯಾದ್ರಿ ಕಾಲೇಜ್ ಆಫ್ ಎಂಜಿನೀಯರಿಂಗ್ ಆಂಡ್ ಮ್ಯಾನೇಜ್‍ಮೆಂಟ್, ರಾಷ್ಟ್ರೀಯ ಹೆದ್ದಾರಿ, ಅಡ್ಯಾರ್, ಮಂಗಳೂರು – ಇಲ್ಲಿ ಸಿಇಟಿ ನೋಡಲ್ ಕೇಂದ್ರವಿರುತ್ತದೆ. ಗಡಿನಾಡು ಮತ್ತು ಹೊರನಾಡು ಕನ್ನಡಿಗ ವಿದ್ಯಾರ್ಥಿ, ವಿದ್ಯಾರ್ಥಿನಿಯರು ನಿಗದಿತ ವೇಳಾಪಟ್ಟಿಯ ದಿನಾಂಕದಂದು ಬೆಂಗಳೂರಿನ ಮಲ್ಲೇಶ್ವರಂನಲ್ಲಿರುವ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಕಚೇರಿಯಲ್ಲಿ ದಾಖಲೆಗಳ ಪರಿಶೀಲನೆ ಮಾಡಿಸಿಕೊಳ್ಳಬೇಕು.

ನೇರ ಚರ್ಚೆಯ ವ್ಯವಸ್ಥೆ:
ದಾಖಲೆಗಳ ಪರಿಶೀಲನೆ ನಡೆಸುವ ಎಲ್ಲ ನೋಡಲ್ ಕೇಂದ್ರಗಳಲ್ಲಿ, ಸಿಇಟಿ/ನೀಟ್ ಕೋರ್ಸ್‍ಗಳ ಪ್ರವೇಶಾತಿಗಾಗಿ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ವೆಬ್‍ಸೈಟ್‍ಗೆ ಲಾಗಿನ್ ಆಗುವ ವಿಧಾನ, ಆನ್‍ಲೈನ್ ಕೌನ್ಸಿಲಿಂಗ್ ಮೂಲಕ ಸೀಟುಗಳ ಇಚ್ಛೆಗಳನ್ನು ನಮೂದಿಸುವುದು (ಆಫ್ಶನ್ ಎಂಟ್ರಿ), ಸೀಟುಗಳ ಹಂಚಿಕೆ ಪ್ರಕ್ರಿಯೆ, ಶುಲ್ಕ ಪಾವತಿ ಮತ್ತು ಕಾಲೇಜು ಪ್ರವೇಶಾತಿಗೆ ಸಂಬಂಧಿಸಿದಂತೆ ಅಲ್ಲಿರುವ ಅಧಿಕಾರಿ/ಸಿಬ್ಬಂದಿ ಜೊತೆ  ನೇರ ಚರ್ಚೆ ನಡೆಸುವ ಮೂಲಕ, ಮಾಹಿತಿ/ಮಾರ್ಗದರ್ಶನ ಪಡೆಯುವ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ. ವಿದ್ಯಾರ್ಥಿ, ವಿದ್ಯಾರ್ಥಿನಿಯರು ಮತ್ತು ಪಾಲಕರು ಇದರ ಪ್ರಯೋಜನ ಪಡೆಯಬಹುದು.

ವಿವರವಾದ ಮಾಹಿತಿ ಮತ್ತು ಮಾರ್ಗಸೂಚಿಗಳು:
ವೃತ್ತಿ ಶಿಕ್ಷಣ ಕಾಲೇಜು ಹಾಗೂ ಕೋರ್ಸನ್ನು ಆಯ್ಕೆ ಮಾಡಿಕೊಳ್ಳುವುದಕ್ಕೆ ಸಂಬಂಧಿಸಿದ ಪ್ರಕ್ರಿಯೆಯನ್ನು ಸರಳ ಮತ್ತು ಸುಲಭಗೊಳಿಸುವುದಕ್ಕಾಗಿ ಎನ್‍ಐಸಿ ಮತ್ತು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಜೊತೆಗೂಡಿ ಒಂದು ಬಳಕೆದಾರ ಸ್ನೇಹಿ ತಂತ್ರಾಂಶ (ಸಾಫ್ಟ್‌ವೇರ್‌)ವನ್ನು ರೂಪಿಸಿದೆ. ಇದು ಸೀಟು ಹಂಚಿಕೆಯ ಸಮಗ್ರ ಪ್ರಕ್ರಿಯೆಯನ್ನು ತಿಳಿದುಕೊಳ್ಳುವುದಕ್ಕೆ, ಇಚ್ಛೆಗಳನ್ನು ಆದ್ಯತಾ ಕ್ರಮದಲ್ಲಿ ನಮೂದಿಸುವುದಕ್ಕೆ, ಹಂಚಿಕೆಯಾದ ಸೀಟನ್ನು ಪಡೆದುಕೊಳ್ಳುವುದಕ್ಕೆ ಮತ್ತು ಅಂತಿಮವಾಗಿ ಇಚ್ಛಿಸಿರುವ ಕಾಲೇಜಿಗೆ ಸೇರಿಕೊಳ್ಳುವುದಕ್ಕೆ ಹಾಗೂ ಸೂಕ್ತ ಮಾರ್ಗದರ್ಶನ ಪಡೆದುಕೊಳ್ಳುವುದಕ್ಕೆ ನೆರವಾಗುತ್ತದೆ.

ಪ್ರತಿಯೊಬ್ಬ ವಿದ್ಯಾರ್ಥಿಗೆ ವೈಯಕ್ತಿಕ ಸಂದೇಶ ಕಳುಹಿಸುವ ಮೂಲಕ ಮಾಹಿತಿಯನ್ನು ನೀಡುವ ವ್ಯವಸ್ಥೆ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದಲ್ಲಿಲ್ಲ. ಆದ್ದರಿಂದ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ತನ್ನ ವೆಬ್‍ಸೈಟ್ www.kea.kar.nic.in  ನಲ್ಲಿ ನೀಡುವ ವಿವರವಾದ ಮಾಹಿತಿ ಹಾಗೂ ಕಾಲ ಕಾಲಕ್ಕೆ ನೀಡುವ ಮಾರ್ಗಸೂಚಿಗಳನ್ನು ವಿದ್ಯಾರ್ಥಿ, ವಿದ್ಯಾರ್ಥಿನಿಯರು ತಪ್ಪದೇ ಓದಿ ಅರ್ಥಮಾಡಿಕೊಳ್ಳಬೇಕು. ಇಂಗ್ಲಿಷ್ ಮತ್ತು ಕನ್ನಡ ಎರಡು ಭಾಷೆಗಳಲ್ಲೂ ಮಾಹಿತಿಗಳನ್ನು ನೀಡಲಾಗುತ್ತಿದ್ದು, ಕೌನ್ಸಿಲಿಂಗ್ ನಡೆಯುತ್ತಿರುವಾಗ ದಿವಸಕ್ಕೆ ಕನಿಷ್ಟ ಎರಡು ಸಲವಾದರೂ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ವೆಬ್‍ಸೈಟ್‍ನ್ನು ವಿದ್ಯಾರ್ಥಿಗಳು ಗಮನಿಸುತ್ತಿರಬೇಕು. (ಮುಗಿಯಿತು)

ಕಳೆದೆರಡು ಸಂಚಿಕೆಗಳಲ್ಲಿ ಸಿಇಟಿ/ನೀಟ್ ಪ್ರವೇಶ ಪರೀಕ್ಷೆ ಬರೆದಿರುವ ವಿದ್ಯಾರ್ಥಿಗಳಿಗೆ ಆನ್‍ಲೈನ್ ಕೌನ್ಸಿಲಿಂಗ್‍ನ ಮೊದಲ ಹಂತವಾದ ದಾಖಲೆಗಳ ಪರಿಶೀಲನೆ, ಬೇಕಾದ ದಾಖಲೆಗಳು, ಅದರ ವಿಧಾನ ಮತ್ತು ವಿದ್ಯಾರ್ಥಿಗಳು ನೋಡಲ್ ಕೇಂದ್ರದಲ್ಲಿ ರಹಸ್ಯ ಸಂಕೇತಾಕ್ಷರ (ಸೀಕ್ರೆಟ್ ಕೋಡ್) ಪಡೆಯುವ ಕುರಿತಂತೆ ಕೆಲವು ಸೂಚನೆಗಳನ್ನು ನೀಡಲಾಗಿತ್ತು. ಈ ಅಂಕಣದಲ್ಲಿ ಇನ್ನಷ್ಟು ಪೂರಕ ವಿವರಗಳನ್ನು ನೀಡುವುದರೊಂದಿಗೆ ದಿಕ್ಸೂಚಿಯ ಸರಣಿ ಬರಹಗಳನ್ನು ಮುಗಿಸುತ್ತಿದ್ದೇವೆ. ಹೆಚ್ಚಿನ ಮಾಹಿತಿ/ಮಾರ್ಗದರ್ಶನಗಳು ಬೇಕಾಗಿದ್ದಲ್ಲಿ ವಿದ್ಯಾರ್ಥಿಗಳು/ಪಾಲಕರು ಲೇಖಕರನ್ನು ಸಂಪರ್ಕಿಸಿ ಅಥವಾ ಮೊಬೈಲ್ ಸಂ. 9845054191ಗೆ ಕರೆಮಾಡಿ ಪಡೆಯಬಹುದು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT