ಕಲಬುರಗಿ: ಮನೆ ಮನೆಗೂ ಮಣ್ಣಿನ ಗಣೇಶ

ಈ ಮೊದಲು ಮನೆಗೆ ಮಾತ್ರ ಸೀಮಿತವಾಗಿದ್ದ ಬೆನಕನನ್ನು ಸಾರ್ವಜನಿಕವಾಗಿ ಪ್ರತಿಷ್ಠಾಪಿಸಿದ್ದು ಸ್ವಾತಂತ್ರ್ಯ ಹೋರಾಟಗಾರ ಬಾಲಗಂಗಾಧರ ತಿಲಕ ಅವರು. ಸ್ವಾತಂತ್ರ್ಯ ಹೋರಾಟದ ಸಂದರ್ಭದಲ್ಲಿ ಹೋರಾಟಗಾರರು ಸಭೆ ಸೇರಲು ಬ್ರಿಟಿಷರು ಅವಕಾಶ ನೀಡದೇ ಇದ್ದಾಗ ಗಣೇಶನನ್ನು ಸಾರ್ವಜನಿಕವಾಗಿ ಪ್ರತಿಷ್ಠಾಪಿಸಿ ಹಬ್ಬ ಆಚರಿಸಿ ಅಲ್ಲಿಯೇ ಸ್ವಾತಂತ್ರ್ಯ ಹೋರಾಟದ ರೂಪುರೇಷೆಗಳನ್ನು ಹೆಣೆಯುತ್ತಿದ್ದರು. ಹೀಗಾಗಿ ಇಂದಿಗೂ ಮಹಾರಾಷ್ಟ್ರದಲ್ಲಿ ಗಣೇಶೋತ್ಸವವನ್ನು ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಕಲಬುರಗಿ ನಗರದಲ್ಲೂ ಹಲವೆಡೆ ಸಾರ್ವಜನಿಕವಾಗಿ ಗಣಪತಿಯನ್ನು ಪ್ರತಿಷ್ಠಾಪಿಸಲಾಗುತ್ತದೆ. ಅದಕ್ಕಾಗಿ ಪಾಲಿಕೆ ವತಿಯಿಂದ ಅನುಮತಿ ಪಡೆಯಬೇಕಾಗುತ್ತದೆ. ಈಗಾಗಲೇ ಅರ್ಜಿಗಳು ಬಂದಿವೆ ಎಂದು ಮಹಾನಗರ ಪಾಲಿಕೆ ಉಪ ಆಯುಕ್ತ(ಅಭಿವೃದ್ಧಿ) ಆರ್‌.ಪಿ.ಜಾಧವ ತಿಳಿಸಿದರು.

ಮೊದಲು ಮಣ್ಣನ್ನು ಸಂಗ್ರಹಿಸಿ ಸೋಸಲಾಗುತ್ತದೆ. ಬಳಿಕ ಅದನ್ನು ಯಂತ್ರಗಳಿಗೆ ಹಾಕಿ ಮತ್ತಷ್ಟು ಪುಡಿ ಮಾಡಲಾಗುತ್ತದೆ. ನಂತರ 1 ವಾರ ನೆನೆ ಹಾಕಿ ಅದಕ್ಕೆ ಹತ್ತಿ ತೆಂಗಿನಕಾಯಿ ನಾರು ಸೇರಿಸಲಾಗುತ್ತದೆ. ಮತ್ತೆ ಒಂದು ವಾರದ ಬಳಿಕ ಮೂರ್ತಿ ತಯಾರಿಕೆಗೆ ಅಣಿ ಮಾಡಲಾಗುತ್ತದೆ. ಬೇರೆ ಬೇರೆ ಅಂಗಗಳನ್ನು ತಯಾರಿಸಿ ಬಳಿಕ ಜೋಡಿಸಲಾಗುತ್ತದೆ.