ಯುನೈಟೆಡ್‌ನಲ್ಲಿ ರೋಗ ನಿರೋಧಕ ಶಕ್ತಿ ತಪಾಸಣೆ

ಕಲಬುರ್ಗಿ: ‘ದೇಹದಲ್ಲಿನ ರೋಗ ನಿರೋಧಕ ಶಕ್ತಿಯ ಪ್ರಮಾಣವನ್ನು ಪತ್ತೆ ಮಾಡುವಂಥ ನೂತನ ವಿಧಾನವನ್ನು ಇಲ್ಲಿನ ಯುನೈಟೆಡ್ ಆಸ್ಪತ್ರೆಯಲ್ಲಿ ಪ್ರಾರಂಭಿಸಲಾಗಿದೆ. ಕೋವಿಡ್ ಉಪಟಳದ ನಡುವೆ ಈ ಪರೀಕ್ಷೆ ಜನರ ಪ್ರಾಣ ರಕ್ಷಣೆಗೆ ಹೆಚ್ಚಿನ ಅವಕಾಶ ನೀಡಲಿದೆ’ ಎಂದು ಆಸ್ಪತ್ರೆಯ ಅಧ್ಯಕ್ಷ ಡಾ.ವಿಕ್ರಮ ಸಿದ್ದಾರೆಡ್ಡಿ ತಿಳಿಸಿದರು.

. ‘ಇಮ್ಯುನೊಆಸ್ಸೆ ವಿಧಾನದಿಂದ ಐಜಿಜಿ ಆ್ಯಂಟಿಬಾಡಿ ಸಿರೊ ಟೈಟ್ರೆ’ ಪರೀಕ್ಷೆ ಮೂಲಕ ರೋಗನಿರೋಧಕ ಶಕ್ತಿ ಪ್ರಮಾಣ ಅರಿಯಬಹುದಾಗಿದೆ. ಇದು ಅತ್ಯಂತ ನವೀನ ಹಾಗೂ ಪರಿಣಾಮಕಾರಿ ವಿಧಾನ. ಈ ರೀತಿ ರೋಗ ನಿರೋಧಕ ಶಕ್ತಿಯನ್ನು ಮುಂಚಿತವಾಗಿಯೇ ಅರಿಯುವುದರಿಂದ ಕೋವಿಡ್ ಮತ್ತಿತರ ಸೋಂಕುಗಳಿಂದ ಬಚಾವಾಗಬಹುದು’ಎಂದು ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

. ‘ಐಜಿಜಿ ಪ್ರತಿಕಾಯ ಮಾನವನ ದೇಹದಲ್ಲಿನ ಕೋವಿಡ್-19 ವೈರಸ್ ಅನ್ನು ನಾಶಮಾಡುವ ಸಾಮರ್ಥ್ಯ ಹೊಂದಿದೆ. ಉತ್ತಮ ಮಟ್ಟದ ಐಜಿಜಿ ಪ್ರತಿಕಾಯಗಳು ಇರುವುದರಿಂದ ಕೋವಿಡ್-19 ವಿರುದ್ಧದ ರಕ್ಷಣೆ ಸುಲಭ. ಒಂದು ಬಾರಿ ಅಭಿವೃದ್ಧಿಪಡಿಸಿದ ನಂತರ, ಈ ಐಜಿಜಿ ಪ್ರತಿಕಾಯಗಳು ದೀರ್ಘಕಾಲದವರೆಗೆ ರಕ್ತ ಪರಿಚಲನೆಯಲ್ಲಿ ಉಳಿಯುತ್ತವೆ. ಇದರಿಂದಾಗಿ ವ್ಯಕ್ತಿಯು ಭವಿಷ್ಯದಲ್ಲಿ ಸೋಂಕಿನಿಂದ ಸಂಪೂರ್ಣ ರೋಗನಿರೋಧಕ ಶಕ್ತಿ ಹೊಂದಿರುತ್ತಾನೆ. ಇನ್ನೊಂದು ತರಹ ವಿವರಿಸುವುದಾದರೆ; ಉತ್ತಮ ಮಟ್ಟದ ಐಜಿಜಿ ಆ್ಯಂಟಿಬಾಡಿ ಸಿರೊ ಟೈಟ್ರೆ ಹೊಂದಿರುವ ವ್ಯಕ್ತಿ ಇತರರಿಗೆ ಸೋಂಕು ತಗುಲಿಸುವುದಿಲ್ಲ. ಭವಿಷ್ಯದಲ್ಲಿ ಇತರರಿಂದ ಸೋಂಕಿಗೆ ಒಳಗಾಗುವುದಿಲ್ಲ’ ಎಂದು ಅವರು ಹೇಳಿದರು.

. ‘ಐಜಿಜಿ ಆಂಟಿಬಾಡಿ ಸಿರೊ ಪರೀಕ್ಷೆಯು ಐಜಿಜಿ ಪ್ರತಿಕಾಯಗಳ ಉಪಸ್ಥಿತಿಯನ್ನು ದೃಢಪಡಿಸುತ್ತದೆ. ಕೋವಿಡ್-19ನಿಂದ ಶೇಕಡ 100ರಷ್ಟು ಯಾರು ಸುರಕ್ಷಿತರಾಗಿದ್ದಾರೆ ಎಂದು ನಿಖರ ಮಾಹಿತಿ ಸಿಗುತ್ತದೆ. ಜತೆಗೆ ಕೋವಿಡ್-19 ವಿರುದ್ಧದ ಪ್ರತಿರಕ್ಷೆಯನ್ನು ಈ ಪರೀಕ್ಷೆ ಖಚಿತ ಪಡಿಸುತ್ತದೆ’ ಎಂದೂ ಡಾ.ವಿಕ್ರಮ ವಿವರಿಸಿದರು.

. ‘ಆಸ್ಪತ್ರೆಯ ಯುನೈಟೆಡ್ ಡಯಾಗ್ನಾಸ್ಟಿಕ್ಸ್ ಕೋವಿಡ್-19 ಅನ್ನು ಪತ್ತೆಹಚ್ಚಲು ಆರ್ಟಿಪಿಸಿಆರ್ ಪರೀಕ್ಷೆ ಪ್ರಾರಂಭಿಸಿದ ಬೆಂಗಳೂರು ಹೊರಗಿನ ಮೊದಲ ಖಾಸಗಿ ಪ್ರಯೋಗಾಲಯವಾಗಿದೆ. ಸರ್ಕಾರಿ ಮತ್ತು ಖಾಸಗಿ ಮಾದರಿ ಒಳಗೊಂಡ 12,000ಕ್ಕೂ ಅಧಿಕ ಆರ್ಟಿ–ಪಿಸಿಆರ್ ಪರೀಕ್ಷೆ ಈವರೆಗೆ ನಡೆಸಿದೆ. ರೋಗ ಲಕ್ಷಣ ಇಲ್ಲದವರಿಗೆ ಚಿಕಿತ್ಸೆ ನೀಡಲು ವಿಶೇಷವಾದ ಕೋವಿಡ್-19 ಆರೈಕೆ ಕೇಂದ್ರವನ್ನು ಸ್ಥಾಪಿಸಲಾಗಿದೆ. ಯುನೈಟೆಡ್ನ ಐಸಿಯು, ಎಚ್ಡಿಯು ಸೇರಿ ಕೋವಿಡ್ ಚಿಕಿತ್ಸೆಗಾಗಿ ಪ್ರತ್ಯೇಕ 24 ಹಾಸಿಗೆಗಳ ಸೌಲಭ್ಯ ಹೊಂದಿದೆ’ ಎಂದರು.

. ಮಾಹಿತಿಗೆ ಮೊಬೈಲ್ 9535601919, 9343382517ಗೆ ಸಂಪರ್ಕಿಸಲು ಅವರು ಕೋರಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯುನೈಟೆಡ್‌ನಲ್ಲಿ ರೋಗ ನಿರೋಧಕ ಶಕ್ತಿ ತಪಾಸಣೆ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ