ಅಭ್ಯರ್ಥಿಗಳು ಮತಗಟ್ಟೆಗಳ ಹೊರಭಾಗದಲ್ಲಿ ಠಿಕಾಣಿ ಹೂಡಿದ್ದು, ಮತದಾರರಿಗೆ ವಾಹನ ವ್ಯವಸ್ಥೆ ಮಾಡುತ್ತಿದ್ದಾರೆ.

ಪಾಲಿಕೆ ವ್ಯಾಪ್ತಿಯ 530 ಮತಗಟ್ಟೆಗಳ ಪೈಕಿ 50 ಅತಿಸೂಕ್ಷ್ಮ, 150 ಸೂಕ್ಷ್ಮ ‌ಮತಗಟ್ಟೆಗಳು ಎಂದು ಗುರುತಿಸಿ ಬಿಗಿ ಬಂದೋಬಸ್ತ್ ಕಲ್ಪಿಸಲಾಗಿದೆ.

2700 ಚುನಾವಣಾ ಸಿಬ್ಬಂದಿ, 1118 ಪೊಲೀಸರನ್ನು ಭದ್ರತೆಗಾಗಿ‌ ನಿಯೋಜಿಸಲಾಗಿದೆ.

ವಿ.ಜಿ. ಮಹಿಳಾ ಕಾಲೇಜಿನಲ್ಲಿ ಮಾದರಿ ಮತಗಟ್ಟೆ:ಇಲ್ಲಿನ 49ನೇ ವಾರ್ಡ್ ನ 413ನೇ ಮತಗಟ್ಟೆಯನ್ನು ಮಾದರಿ ಮತಗಟ್ಟೆಯನ್ನಾಗಿ ಚುನಾವಣಾ ಆಯೋಗ ಪರಿವರ್ತಿಸಿದೆ.

ಮತಗಟ್ಟೆ ಮುಂಭಾಗದಲ್ಲಿ ಹೂವಿನ ಅಲಂಕಾರ ಮಾಡಲಾಗಿದ್ದು, ಮತದಾನ ಕೇಂದ್ರಕ್ಕೆ ಹೋಗುವ ಹಾದಿಯಲ್ಲಿ ಬಲೂನ್ ಗಳನ್ನು ಕಟ್ಟಿ ಸಿಂಗರಿಸಲಾಗಿದೆ. ಕೆಂಪು ಹಾಸಿನ ಸ್ವಾಗತವನ್ನು ಮತದಾರರಿಗೆ ಕೋರಲಾಗುತ್ತದೆ.ಸೆಲ್ಫಿ ಝೋನ್ ನಿರ್ಮಿಸಲಾಗಿದೆ.

ಕಲಬುರ್ಗಿ ಮಹಾನಗರ ಪಾಲಿಕೆಯ 55 ವಾರ್ಡ್ ಚುನಾವಣೆಯಲ್ಲಿ ‌ ಮಧ್ಯಾಹ್ನ 1ರವರೆಗೆ ಶೇ 27.77ರಷ್ಟು ಮತದಾನವಾಗಿದೆ.