ದಸರಾ ಹಬ್ಬಕ್ಕೆ ಖರೀದಿ ಜೋರು |ಹೂವುಗಳ ದರ ಹೆಚ್ಚಳ: ಗ್ರಾಂ ಲೆಕ್ಕದಲ್ಲಿ ಖರೀದಿ!

ನಿರಂತರ ಮಳೆಯ ಕಾರಣ ತರಕಾರಿ ಮತ್ತು ಸೊಪ್ಪುಗಳ ದರದಲ್ಲಿ ಏರಿಕೆಯಾಗಿದೆ. ಹಬ್ಬದಲ್ಲಿ ಸಿಹಿ ಮಾಡಿದಾಗ ಬದನೆಕಾಯಿ ಪಲ್ಯ ಇರಲೇಬೇಕು. ಇದರಿಂದಾಗಿ ಬದನೆಕಾಯಿ ದರ ಹೆಚ್ಚಳವಾಗಿದ್ದು ಕೆ.ಜಿಗೆ ₹120ರಂತೆ ಮಾರಾಟವಾಯಿತು. ‘ಕೆ.ಜಿ ಚವಳೆಕಾಯಿ ಸೌತೆಕಾಯಿ ತಲಾ ₹80 ಬೆಂಡೆಕಾಯಿ ಹಿರೇಕಾಯಿ ಹಸಿಮೆಣಸಿನಕಾಯಿ ತಲಾ ₹60 ಟೊಮೆಟೊ ₹40 ಇದೆ’ ಎಂದು ವ್ಯಾಪಾರಿ ಸೋಯೆಬ್‌ ಅಲಿ ತಿಳಿಸಿದರು. ಆಲೂಗಡ್ಡೆ ಮಾತ್ರ ₹30ರಂತೆ ಮಾರಾಟವಾಗುತ್ತಿದ್ದು ಈ ದರ ಗ್ರಾಹಕರಿಗೆ ಕಡಿಮೆ ಅನ್ನಿಸಿತು. ಕೊತ್ತಂಬರಿ ಮತ್ತು ಪುದೀನಾ ದೊಡ್ಡ ಸೂಡುಗಳು ₹40 ಸಣ್ಣ ಸೂಡು ₹20 ಇದೆ.