ಕಾಳಗಿ: ತಾಲ್ಲೂಕಿನ ಕೋರವಾರ ಗ್ರಾಮ ಪಂಚಾಯಿತಿಯಲ್ಲಿ ತಾಲ್ಲೂಕು ಆಡಳಿತದಿಂದ ಶುಕ್ರವಾರ ಪಿಂಚಣಿ ಮತ್ತು ಪೌತಿ ಅದಾಲತ್ ನಡೆಯಿತು.
ತಹಶೀಲ್ದಾರ್ ಘಮಾವತಿ ರಾಠೋಡ ಅಧ್ಯಕ್ಷತೆಯಲ್ಲಿ ನಡೆದ ಅದಾಲತ್‌ನಲ್ಲಿ ಜನರಿಂದ ಎಸ್.ಎಸ್.ವೈ ಪಿಂಚಣಿ ಯೋಜನೆಯ 3, ವೃದ್ಧಾಪ್ಯ ವೇತನದ 4 ಅರ್ಜಿಗಳು ಮತ್ತು ಪಹಣಿ ತಿದ್ದುಪಡಿಯ 6, ಪೌತಿ ವಿರಾಸತ್‌ನ 6 ಅರ್ಜಿಗಳು ಸಲ್ಲಿಕೆಯಾದವು.
ಕಂದಾಯ ನಿರೀಕ್ಷಕ ಮಂಜುನಾಥ ಮಹಾರುದ್ರ, ಗ್ರಾಮ ಆಡಳಿತಾಧಿಕಾರಿ ಸಿದ್ದಲಿಂಗ ಕ್ಷೇಮಶೆಟ್ಟಿ, ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಮಲ್ಕಮ್ಮ ಮೇಲಕೇರಿ, ಪಿಡಿಒ ಶರ್ಪೊದ್ದಿನ್ ವೇದಿಕೆಯಲ್ಲಿದ್ದರು.
ಕೋಡ್ಲಿ ಹೋಬಳಿಯ ರಟಕಲ್ ಗ್ರಾಮದಲ್ಲಿ ಜರುಗಿದ ಅದಾಲತ್‌ನಲ್ಲಿ ಒಟ್ಟು 20 ಅರ್ಜಿ ಸ್ವೀಕೃತವಾಗಿವೆ. ಪಿಂಚಣಿ ಅರ್ಜಿ 2, ಸ್ಥಗಿತಗೊಂಡ ಪಿಂಚಣಿ ಅರ್ಜಿ 11, ಪೌತಿ ಅರ್ಜಿ 1 ಮತ್ತು ಇತರೆ ಅರ್ಜಿ 6 ಸಲ್ಲಿಕೆ. ಈ ಪೈಕಿ 2 ಪಿಂಚಣಿ ಅರ್ಜಿ ವಿಲೇವಾರಿ ಮಾಡಲಾಗಿದೆ.
ಪಸ್ತಾಪುರ ಗ್ರಾಮದಲ್ಲಿ ಗುರುವಾರ ಜರುಗಿದ ಅದಾಲತ್‌ದಲ್ಲಿ 3 ಅರ್ಜಿ ಸ್ವೀಕೃತಗೊಂಡಿದ್ದು, ಇವೆ ಸ್ಥಗಿತಗೊಂಡ ಪಿಂಚಣಿಯ ಅರ್ಜಿಗಳಾಗಿವೆ. ಈ ಎಲ್ಲವನ್ನೂ ವಿಲೇವಾರಿ ಮಾಡಲಾಗಿದೆ ಎಂದು ಕೋಡ್ಲಿ ಹೋಬಳಿ ಕಂದಾಯ ನಿರೀಕ್ಷಕ ಬಸವಣಪ್ಪ ಹೂಗಾರ ತಿಳಿಸಿದ್ದಾರೆ.
