ಕಲಬುರ್ಗಿ: ಕೋವಿಡ್‌–19 ರೋಗ ಲಕ್ಷಣಗಳಾದ ನೆಗಡಿ, ಕೆಮ್ಮು, ಜ್ವರ, ವಿಷಮಸೀತ ಜ್ವರ, ತೀವ್ರ ಉಸಿರಾಟದ ತೊಂದರೆಗೆ ಔಷಧ ಖರೀದಿಸಿದವರ ವಿವರವನ್ನು ‘ಫಾರ್ಮ್‌ ಪೋರ್ಟ್‌’ನಲ್ಲಿ ಭರ್ತಿ ಮಾಡದ ಕಲಬುರ್ಗಿ ಜಿಲ್ಲೆಯ 70 ಸೇರಿ ರಾಜ್ಯದಲ್ಲಿ ಒಟ್ಟು 110 ಔಷಧಿ ಅಂಗಡಿಗಳ ಪರವಾನಗಿಯನ್ನು ಅಮಾನತುಗೊಳಿಸಿದ್ದಾಗಿ ಹೆಚ್ಚುವರಿ ಔಷಧ ನಿಯಂತ್ರಕ ಅಮರೇಶ ತುಂಬಗಿ ತಿಳಿಸಿದ್ದಾರೆ.
ಕಲಬುರ್ಗಿ ಜಿಲ್ಲೆಯ 70, ಬೆಂಗಳೂರು 3, ಬೀದರ್‌ 4, ವಿಜಯಪುರ 15, ಮೈಸೂರು 4, ರಾಯಚೂರು 9, ಬಾಗಲಕೋಟೆ 5 ಹೀಗೆ ಒಟ್ಟು 110 ಔಷಧಿ ಅಂಗಡಿಗಳ ಪರವಾನಗಿಯನ್ನು ಅನಿರ್ಧಿಷ್ಟ ಅವಧಿಗೆ ಅಮಾನತುಗೊಳಿಸಲಾಗಿದೆ ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
