ಮತ್ತೆ ನಾಲ್ವರ ವಜಾ: ಅನಧಿಕೃತವಾಗಿ ಕರ್ತವ್ಯಕ್ಕೆ ಗೈರುಹಾಜರಾದ ಕಲಬುರ್ಗಿ ವಿಭಾಗ–1ರ ಚಾಲಕ ಕಂ ನಿರ್ವಾಹಕ, ಕಲಬುರ್ಗಿ ವಿಭಾಗ–2ರ ಚಾಲಕ, ಯಾದಗಿರಿ ವಿಭಾಗದ ಚಾಲಕಂ ಕಂ ನಿರ್ವಾಹಕ, ಬಳ್ಳಾರಿ ವಿಭಾಗದ ಚಾಲಕ ಸೇರಿ ನಾಲ್ವರು ಸಿಬ್ಬಂದಿಯನ್ನು ಬುಧವಾರ ವಜಾ ಮಾಡಲಾಗಿದೆ. ಇದರೊಂದಿಗೆ ಸಂಸ್ಥೆಯ ವ್ಯಾಪ್ತಿಯಲ್ಲಿ 77 ಸಿಬ್ಬಂದಿಯನ್ನು ವಜಾ ಮಾಡಿದಂತಾಗಿದೆ. 46 ಸಿಬ್ಬಂದಿಯನ್ನು ಸೇವೆಯಿಂದ ಅಮಾನತು ಮಾಡಲಾಗಿದೆ. ವಜಾ ಆದವರನ್ನು ಮತ್ತೆ ಕರ್ತವ್ಯಕ್ಕೆ ಸೇರಿಸಿಕೊಳ್ಳುವ ಯಾವುದೇ ಚಿಂತನೆ ಸಂಸ್ಥೆಯ ಮುಂದೆ ಇಲ್ಲ ಎಂದು ವ್ಯವಸ್ಥಾಪಕ ನಿರ್ದೇಶಕ ಎಂ. ಕೂರ್ಮಾರಾವ್ ಸ್ಪಷ್ಟಪಡಿಸಿದ್ದಾರೆ.