ನಾಯಿ ಕಡಿತಕ್ಕಿಂತ ನಿರ್ಲಕ್ಷ್ಯವೇ ಅಪಾಯ!

* ಸಾಕು ನಾಯಿ ಬೀದಿ ನಾಯಿ ಬೆಕ್ಕು ಸೇರಿದಂತೆ ಯಾವುದೇ ಪ್ರಾಣಿಗಳು ಕಚ್ಚಿದರೆ ಗಾಯಗಳನ್ನು ನೆಕ್ಕಿದರೆ ನಿರ್ಲಕ್ಷ್ಯ ವಹಿಸದೇ ತಕ್ಷಣವೇ ಸಾಬೂನಿನಿಂದ ಗಾಯವನ್ನು ಚೆನ್ನಾಗಿ ತೊಳೆಯಬೇಕು * ತಕ್ಷಣವೇ ಆಸ್ಪತ್ರೆಯಲ್ಲಿ ವೈದ್ಯರನ್ನು ಕಾಣಬೇಕು * ವೈದ್ಯರು ನೀಡುವ ಲಸಿಕೆಯನ್ನು ನಿಯಮಿತವಾಗಿ ಪಡೆದುಕೊಳ್ಳಬೇಕು * ವೈದ್ಯರು ಹೇಳಿದ ದಿನಕ್ಕೆ ಬಂದು ನಿರ್ಲಕ್ಷ್ಯ ವಹಿಸದೇ ಲಸಿಕೆಯ ಸಂಪೂರ್ಣ ಡೋಸ್ ಪಡೆಯಬೇಕು

ಮಡಿಕೇರಿಯ ಜಿಲ್ಲಾಸ್ಪತ್ರೆಯಲ್ಲಿ ಆ್ಯಂಟಿ ರೇಬಿಸ್ ಕ್ಲಿನಿಕ್‌ ತೆರೆಯಲು ಈಗಾಗಲೇ ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಲಾಗಿದೆ. ಸರ್ಕಾರದಿಂದ ಅಗತ್ಯ ಮೂಲಸೌಕರ್ಯ ದೊರೆತ ಕೂಡಲೇ ಪ್ರತ್ಯೇಕವಾದ ಕ್ಲಿನಿಕ್ ಜಿಲ್ಲಾಸ್ಪತ್ರೆಯಲ್ಲೇ ಆರಂಭವಾಗಲಿದೆ. ಒಂದು ತಿಂಗಳಿಗೆ ಕನಿಷ್ಠ ಎಂದರೂ 70 ಮಂದಿಗೆ ರೇಬಿಸ್ ನಿರೋಧಕ ಲಸಿಕೆ ನೀಡಲಾಗುತ್ತಿದೆ. ಮುಖ ಕುತ್ತಿಗೆ ಭಾಗದಲ್ಲಿ ನಾಯಿ ಕಡಿತಕ್ಕೆ ಒಳಗಾದವರು ಹಾಗೂ ಕಡಿತದಿಂದ ತುಂಬಾ ಆಳವಾದ ಗಾಯವಾದವರಿಗೆ ವಿಶೇಷವಾದ ಇಮ್ಯುನ್ಯು ಗ್ಲೋಬಲಿನ್ ಲಸಿಕೆಯನ್ನೂ ನೀಡಲಾಗುತ್ತಿದೆ. ಇಂತಹ ಲಸಿಕೆಯನ್ನು ತಿಂಗಳಿಗೆ ಕನಿಷ್ಠ ಎಂದರೂ ಇಬ್ಬರಿಗೆ ನೀಡಲಾಗುತ್ತಿದೆ ಎಂದು ಜಿಲ್ಲಾಸ್ಪತ್ರೆಯ ಮೂಲಗಳು ತಿಳಿಸಿವೆ.