ಕುಶಾಲನಗರ: ಹಾರಂಗಿ ಜಲಾಶಯದ ಸಮೀಪ ಕಂಪಿಸಿತೆ ಭೂಮಿ?

ಶುಕ್ರವಾರ ಬೆಳಿಗ್ಗೆ 6.35ರ ಸುಮಾರಿನಲ್ಲಿ ಭಾರಿ ಸ್ವರೂಪದ ಶಬ್ದ ಕೇಳಿ ಬಂತು. ಈ ವೇಳೆ 2 ಸೆಕೆಂಡ್ ಗಳ ಕಾಲ ಭೂಮಿ ಕಂಪಿಸಿದ ಅನುಭವವಾಗಿದೆ ಎಂಬ ಸುದ್ದಿ ವ್ಯಾಪಕವಾಗಿ ಹರಡಿದೆ.

ಈ ಕುರಿತು ಪ್ರಜಾವಾಣಿ ಸ್ಥಳೀಯರನ್ನು ವಿಚಾರಿಸಿದಾಗ ಶಬ್ದ ಕೇಳಿ ಬಂದಿದ್ದು ಹೌದು ಆದರೆ ಭೂಮಿ ಕಂಪಿಸಿದ ಅನುಭವವಾಗಿಲ್ಲ ಎಂದರು.

ತಹಶೀಲ್ದಾರ್ ಕಿರಣ್ ಗೌರಯ್ಯ ಅವರನ್ನು ಸಂಪರ್ಕಿಸಿದಾಗ ಅವರು ಭೂಕಂಪಿಸಿದ ಕುರಿತು ಯಾರೊಬ್ಬರೂ ಮಾಹಿತಿ ನೀಡಿಲ್ಲ ಎಂದರು.

'ಈ ಕುರಿತು ಯಾರೊಬ್ಬರೂ ಮಾಹಿತಿ ನೀಡಿಲ್ಲ' ಎಂದು ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಮೂಲಗಳೂ ಪ್ರಜಾವಾಣಿಗೆ ಹೇಳಿವೆ.