ಕೋಲಾರ: ಮುಖ್ಯ ಶಿಕ್ಷಕರ ವರ್ಗಾವಣೆಯಲ್ಲಿ ಗೊಂದಲ

ಉರಿಗಾಂಪೇಟೆ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕರ ಸ್ಥಾನ ಖಾಲಿ ಇದೆ. ಹಿಂದೆ ಇದ್ದವರಿಗೆ ಇದೇ ಕೌನ್ಸೆಲಿಂಗ್‌ನಲ್ಲಿ ಬೇರೆ ಶಾಲೆಗೆ ವರ್ಗಾವಣೆ ಆಗಿತ್ತು. ಆದರೆ, ಗಣಕೀಕೃತ ಕೌನ್ಸೆಲಿಂಗ್‌ನಲ್ಲಿ ಖಾಲಿ ಇರುವ ಆ ಸ್ಥಾನ ತೋರಿಸುತ್ತಿಲ್ಲ. ಕೆಜಿಎಫ್‌ ವಲಯದ ಶಿಕ್ಷಣಾಧಿಕಾರಿಗಳ ನಿರ್ಲಕ್ಷ್ಯ ಇದಕ್ಕೆ ಕಾರಣ ಎನ್ನಲಾಗಿದೆ. ಈ ಸಂಬಂಧ ವಾಗ್ವಾದವೂ ನಡೆದು ಸ್ಥಗಿತಗೊಂಡಿದೆ.

‘ಆ ಶಾಲೆಗೆ ವರ್ಗಾವಣೆಗೆ ಕೆಲವರು ಹಟ ಹಿಡಿದರು. ಆದರೆ, ನ್ಯಾಯಾಲಯದಲ್ಲಿ ಪ್ರಕರಣ ಇದ್ದ ಕಾರಣ ಕೈಬಿಡಲಾಗಿದೆ. ಬುಧವಾರ ಎಲ್ಲವೂ ಸರಿ ಹೋಗಲಿದೆ’ ಎಂದು ಡಿಡಿಪಿಐ ಕೃಷ್ಣಮೂರ್ತಿ ಪ್ರತಿಕ್ರಿಯಿಸಿದರು.