ಎಂಟಿಬಿಗೆ ಟಿಕೆಟ್‌: ಒತ್ತಡ ತರುತ್ತೇವೆ

ಇಲ್ಲಿ ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ‘ಕಾಂಗ್ರೆಸ್‌– ಜೆಡಿಎಸ್‌ ಮೈತ್ರಿ ಸರ್ಕಾರದಲ್ಲಿ ಸಚಿವರಾಗಿದ್ದ ಎಂಟಿಬಿ ನಾಗರಾಜ್‌ ಸಚಿವ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ಬಿಜೆಪಿಗೆ ಬಂದಿದ್ದಾರೆ. ನಮ್ಮ ಒಲವು ಅವರ ಕಡೆಗಿದೆ. ಪಕ್ಷದ ಮೂಲ ಕಾರ್ಯಕರ್ತರ ಮನವೊಲಿಸಿ ಅವರಿಗೂ ಸೂಕ್ತ ಸ್ಥಾನಮಾನ ಕಲ್ಪಿಸಲಾಗುವುದು’ ಎಂದು ತಿಳಿಸಿದರು.

‘ಉಮೇಶ್ ಕತ್ತಿ ಹಾಗೂ ಪಕ್ಷದ ಕೆಲ ಶಾಸಕರು ರೊಟ್ಟಿ ಊಟ ಮಾಡುವುದಕ್ಕೆ ಇತ್ತೀಚೆಗೆ ಒಂದೆಡೆ ಸೇರಿದ್ದರು. ನಮ್ಮ ಪಕ್ಷದವರು ರೊಟ್ಟಿ ಊಟಕ್ಕೆ, ಮಾಂಸಾಹಾರ ತಿನ್ನೋದಕ್ಕೆ, ಪಕ್ಷ ಸಂಘಟನೆಗೆ ಒಂದೆಡೆ ಸೇರುತ್ತಿರುತ್ತಾರೆ. ಪಕ್ಷದಲ್ಲಿ ಇದು ಸಾಮಾನ್ಯ. ಸರ್ಕಾರದಲ್ಲಿ ಹಾಗೂ ಪಕ್ಷದಲ್ಲಿ ಯಾವುದೇ ಗೊಂದಲವಿಲ್ಲ’ ಎಂದು ಸ್ಪಷ್ಟಪಡಿಸಿದರು.