ಶುಕ್ರವಾರ, ಜುಲೈ 1, 2022
27 °C

ಹನುಮಸಾಗರ: ಹೊಸ ರಸ್ತೆಯಲ್ಲಿ ತೆಗ್ಗು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಹನುಮಸಾಗರ: ಈಚೆಗೆ ನಿರ್ಮಿಸಲಾಗಿದ್ದ ಹನುಮಸಾಗರ-ಹನುಮನಾಳ ರಸ್ತೆಯನ್ನು ಅಲ್ಲಲ್ಲಿ ಕಡಿದು ಹಾಳು ಮಾಡಲಾಗಿದೆ. ಇದರಿಂದ ವಾಹನ ಸವಾರರಿಗೆ ತೊಂದರೆಯಾಗಿದೆ.

‘ರಸ್ತೆ ನಿರ್ಮಾಣದ ಸಂದರ್ಭದಲ್ಲಿ ಅಕ್ಕಪಕ್ಕದ ರೈತರು ಹಾಗೂ ಇಟ್ಟಿಗೆ ಭಟ್ಟಿಗಳವರಿಗೆ ಅವಶ್ಯ ಇದ್ದವರು ಈಗಲೇ ಪೈಪ್‌ಲೈನ್‌ ಮಾಡಿಕೊಳ್ಳಿ ಎಂದು ಗುತ್ತಿಗೆದಾರರು ತಿಳಿಸಿದ್ದರು. ಆದರೆ ರಸ್ತೆ ನಿರ್ಮಾಣವಾಗುವವರೆಗೆ ಸುಮ್ಮನೆ ಕುಳಿತು ರಸ್ತೆ ಸಿದ್ಧವಾದ ಕೆಲ ದಿನಗಳಲ್ಲಿಯೇ ಹೀಗೆ ಕಡಿದು ಹಾಕಿರುವುದು ಸರಿಯಲ್ಲ’ ಎಂದು ಜಹಗೀರಗುಡದೂರ ಗ್ರಾಮದ ಬಸವರಾಜ ಬೆನಕನಾಳ ಹಾಗೂ ಗುರಪ್ಪ ಕಾಟಾಪೂರ ಹೇಳಿದರು.

15 ಕಿ.ಮೀ ಉದ್ದದ ಹನುಮಸಾಗರ–ಹನುಮನಾಳ ರಸ್ತೆಯ ಒಂಭತ್ತು ಕಡೆ ಕಡಿದು ಹಾಳು ಮಾಡಲಾಗಿದೆ.

ರಸ್ತೆಯನ್ನು ಕಡಿಯುವಾಗ ಸಂಬಂಧಪಟ್ಟ ಇಲಾಖೆಯಿಂದ ಅನುಮತಿ ತೆಗೆದುಕೊಳ್ಳುವುದು ಕಡ್ಡಾಯವಾಗಿದ್ದರೂ ಯಾರನ್ನೂ ಕೇಳದ, ಯಾವ ಅನುಮತಿಯನ್ನೂ ಪಡೆದುಕೊಂಡಿಲ್ಲ.

ಸಂಬಂಧಪಟ್ಟ ಇಲಾಖೆ ಯಾವುದೇ ಕ್ರಮ ಕೈಗೊಳ್ಳದ ಕಾರಣ ಇಂಥ ಕೃತ್ಯಗಳು ನಿರಂತರವಾಗಿ ನಡೆಯುತ್ತಿವೆ ಎಂದು ವಾಹನ ಚಾಲಕರು ನೋವಿನಿಂದ ಹೇಳಿದರು.

ಮನಬಂದಂತೆ ರಸ್ತೆ ಕಡದಿರುವುದರಿಂದ ರಾತ್ರಿ ಸಮಯದಲ್ಲಿ ವಾಹನ ಚಾಲಕರಿಗೆ ಕಿರಿ ಕಿರಿಯಾಗುತ್ತಿದ್ದು ಕೂಡಲೇ ದುರಸ್ತಿ ಕಾರ್ಯ ಮಾಡಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು